Woo cuma rü poraãcü Yeuwaü̃ cungetchaü̃ rü cugü cuporaẽẽ na norü ngútchaü̃ cuüü̃caꞌ rü nhuguãcü tchieü̃ cuü. Nümaü̃gü pecadugü iramareü̃ taügü rü nümaü̃gü i taü̃tchiü̃. (1 Corĩ́tiucü̃ãꞌ 6:9, 10) Ngẽguma tchi poraãcü pecadu cuügu rü nüna cucuaꞌãtchi na Yeuwa cuü̃ ngetchaü̃. Nüma rü nanawaꞌe cuü̃ nüü̃ nangetchaü̃, rü cuna nadauü̃.

1. Taꞌacü taügü na Yeuwa tüü̃́ nüü̃ nangetchaü̃ü̃caꞌ i torü pecadugü?

Ngẽguma wüi duü̃ü̃ aicuma Yeuwaü̃ nangetchaü̃gu, nüü̃ yacuaꞌãtchigu na taü̃ma pecadu ínaüü̃ rü poraãcüma nangetchaü̃. Notürü name nüü̃ nacuaꞌü̃ i Yeuwaarü uneta i norü duü̃ü̃gücaꞌ iĩü̃: “Rü perü chixexü̃gü rü woo poraãcü nadauxuchigu, natürü i choma rü ñoma gáuxü̃chara i cómüxü̃chixü̃rüxü̃ tá chayaxĩxẽxẽ.” (Isaías 1:18) Ngẽguma aicuma nüü̃ rüogu i ngẽma tchieü̃ rü Yeuwa tüü̃́ nüü̃ nangetchaü̃ tá torü pecadugü. Notürü nhuãcü tanaweꞌgü na aicuma nüü̃ rüoü̃ i ngẽma tchieü̃gü? Ngẽguma tchi aicuma nüü̃ rüogu i ngẽma tchieü̃ rü ítatchaãtchigü naüü̃ i taꞌacü i tchieü̃ rü Yeuwacaꞌ ítacagü na tüü̃́ nüü̃ nangetchaü̃ i torü pecadu. Ngẽmaãcü, ngiã yigü taporaẽẽ na natoraü̃ẽẽü̃caꞌ i ngẽma inügü tchieü̃gü rü nacümagü i tchieü̃gü tüü̃ tchieẽẽü̃. Rü ta tanaügü i taꞌacü Yeuwa tüü̃ nawaꞌeü̃. — Nawa naugütae Isaías 55:6, 7.

2. Nhuãcü Yeuwa tüü̃ narüngü̃ẽẽẽ i anciãogüwa nhuguãcütchi pecadu ügügu?

Ngẽguma tchi poraãcü tchieü̃ iügu, Yeuwa nanawaꞌe na ‘nacaꞌ tayaca i yaõgüü̃ãrü ãẽꞌgacügü’ (anciãogü). (Nawa naugütae Tiagu 5:14, 15.) Rü anciãogü rü Yeuwaü̃ rü taeneẽgüü̃ nangetchaü̃. Rü nümagü rü Tupanaarü oremaã tüü̃ narüngü̃ẽẽ tá na wenaarü Yeuwamaã poraãcü taãmücü. — Gárataanecü̃ãꞌ 6:1.

Nhuãcü anciãogü rü tüü̃ narüngü̃ẽẽ ngẽguma poraãcü pecadu iügügu? Tare urü tamaepüꞌ i anciãogü rü Tupanaarü oremaã tüü̃ narüngü̃ẽẽ tá na meã nüü̃ tacuaꞌgüü̃ i taꞌacü pecadu taügü. Rü nümagü rü tüna nanaã tá i ucuꞌẽgü na tüü̃ narüngü̃ẽẽü̃caꞌ na tama wenaarü ngẽma pecadu taügü. Bemana anciãogü nüü̃ niu na tama ipuracüeü̃caꞌ i yaõgüü̃tücumüwa nhuꞌmata yiemagü wenaarü rü Yeuwamaã iãmücü. Notürü ngẽguma tchi wüi duü̃ü̃ poraãcü tchieü̃ naügu rü tama nüü̃ narüogu i ngẽma tchieü̃? Rü anciãogü nanawaꞌegü tatanüwa ínanamuũtchiü̃ i ngẽma duü̃ü̃ i tchiri maü̃ü̃ erü ngẽma duü̃ü̃ tchiẽü̃ naü rü nanachieẽẽ tá i yaõgüü̃tücumü.

 YEERA NÜÜ̃ CUCUAꞌ

3.Yeuwamaã nüü̃ tiugü i torü pecadu na tüü̃ narüngü̃ẽẽü̃caꞌ

Ngẽguma pecadu taügügu rü Yeuwaü̃ tangetchaü̃ẽẽ. Rü ngẽmacaꞌ, tanawaꞌegü Yeuwamaã nüü̃ tiu i ngẽma torü pecadu. Nawa Naugütae Salmo 32:1-5. Yicama pegümaã pideagü ngẽmatchiga:

• Rü tüꞌcüü̃ name niĩ Yeuwamaã nüü̃ tiu i torü pecadu rü tama nicuꞌ?

 4. Rü ínataꞌütchi i wüi duü̃ü̃ i tama tchieü̃ü̃ rüoü̃ rü Yeuwaarü ngü̃ẽẽ niĩ

Ngẽguma tchi wüi duü̃ü̃ poraãcü tchieü̃ naügu rü tama nanayau i Yeuwaarü mugü rü ngẽma duü̃ü̃ rü marü tama Yeuwatanüü̃gü niĩ. Rü ngẽma duü̃ü̃ tatanüwa ínamuũtchi rü tomagü marü tama namaã tideagü rü tama namaã wüiwa tangemagü. Nawa naugütae 1 Corĩ́tiucü̃ãꞌ 5:6, 11 rü 2 Juã́ũ 9-11. Yicama pegümaã pideagü ngẽmatchiga:

• Rü wüi i íraü̃ i pãũãrü puẽẽruü̃ rü wüi i taü̃ i pãũchara ipuẽẽü̃rüü̃ niĩ. Nhuãcü wüitama i duü̃ü̃ i tchieü̃ üü̃, rü nanachieẽẽ i guü̃ma i yaõgüü̃tücumü?

 TAꞌACÜ MARÜ NÜÜ̃ CUCUAꞌ?

Ngẽguma tchi poraãcü pecadu taügügu rü Yeuwa tüü̃ nüü̃ nangetchaü̃. Notürü tanawaꞌegü na aicuma ngẽma tchieü̃ nüü̃ tarüo rü yigü taporaẽẽ na tanaügüü̃caꞌ i taꞌacü Yeuwapeꞌewa weguü̃ iĩü̃.

Ngeü̃rüüü̃ i curü ngãü̃?

• Tüꞌcüü̃ name niĩ Yeuwamaã nüü̃ tiugü i torü pecadugü?

• Taꞌacü taügü na Yeuwa tüü̃́ nüü̃ nangetchaü̃caꞌ?

• Ngẽguma tchi poraãcü pecadu taügügu, tüꞌcüü̃ nacaꞌ tadaugü i anciãogüarü ngü̃ẽẽ?