LISAUN 57
Oinsá se Ita halo sala neʼebé sériu?
Maski ita hadomi tebes Jeová no hakaʼas an atu la halo buat neʼebé hakanek ninia laran, maibé dala ruma ita halo sala tanba ita hotu sala-naʼin. Maski nuneʼe, sala balu mak sériu liu fali sala seluk. (1 Korinto 6:9, 10) Se Ita halo sala ruma neʼebé sériu, hanoin-hetan katak Jeová hadomi nafatin Ita, no nia prontu atu fó perdua no ajuda Ita.
1. Saida mak ita tenke halo atu hetan perdua husi Jeová?
Kuandu ema neʼebé hadomi Jeová rekoñese katak sira halo ona sala neʼebé sériu, sira sente triste tebes. Maibé sira bele hetan kmaan husi Jeová nia promesa ba ninia povu, neʼebé dehan: “Maski imi-nia sala sira mak mean, sira sei sai mutin fali hanesan jelu-rahun.” (Isaias 1:18) Se ita arrepende an ho laran, Jeová sei fó perdua duni mai ita. Oinsá mak ita hatudu katak ita arrepende an? Arrepende an ho laran katak ita sente triste tebes kona-ba buat neʼebé ita halo ona, hakaʼas an atu la halo tan sala, no husu Jeová atu fó perdua mai ita. Tuirmai, ita tenke hakaʼas an atu troka ita-nia hanoin ka toman neʼebé lori ita ba sala, no moris tuir Jeová nia kritéria neʼebé loos.—Lee Isaias 55:6, 7.
2. Oinsá mak Jeová uza katuas sira atu ajuda ita kuandu ita halo sala?
Se ita halo sala neʼebé sériu, Jeová haruka ita atu “bolu katuas sira iha kongregasaun”. (Lee Tiago 5:14, 15.) Katuas sira hadomi Jeová no ninia bibi sira. Sira hetan ona treinu kona-ba oinsá bele ajuda ita atu hadiʼa ita-nia relasaun ho Jeová.—Galásia 6:1.
Oinsá mak katuas sira ajuda ita se ita halo sala neʼebé sériu? Katuas naʼin-rua ka tolu sei koʼalia ho ita no uza Eskritura atu esplika tanbasá mak buat neʼebé ita halo mak sala. Sira mós sei fó sujestaun no anima ita atu labele repete tan sala neʼebé hanesan. Sira mós karik esplika kona-ba atividade Kristaun balu neʼebé ita labele hola parte toʼo ita-nia relasaun ho Jeová sai metin fali. Oinsá se ema neʼebé halo sala sériu la arrepende an? Katuas sira sei hasai ema neʼe husi kongregasaun atu nuneʼe nia la fó influénsia aat ba kongregasaun.
KEʼE KLEʼAN
Komprende no hafolin dalan neʼebé Jeová ajuda ita kuandu ita halo sala neʼebé sériu.
3. Ita presiza fó sai ita-nia sala
Kuandu ita halo sala, neʼe halo Jeová triste. Tan neʼe ita presiza fó sai ita-nia sala ba nia. Lee Salmo 32:1-5, depois koʼalia hamutuk kona-ba pergunta tuirmai:
-
Tanbasá mak diʼak atu fó sai ita-nia sala ba Jeová duké koko atu subar ita-nia sala?
Depois fó sai tiha ita-nia sala ba Jeová, ita bele hetan kmaan hodi buka katuas sira-nia ajuda. Loke VÍDEO, depois koʼalia hamutuk kona-ba pergunta tuirmai.
-
Oinsá mak katuas sira ajuda Canon atu fila fali ba Jeová?
Ita presiza fó sai ita-nia sala ho onestu ba katuas sira. Sira prontu atu ajuda ita. Lee Tiago 5:16, depois koʼalia hamutuk kona-ba pergunta tuirmai:
-
Se ita koʼalia ho onestu, oinsá mak neʼe halo fasil ba katuas sira atu ajuda ita?
Fó sai Ita-nia sala, koʼalia ho onestu ba katuas sira, no simu ajuda neʼebé Jeová fó ho domin
4. Arranju hasai ema husi kongregasaun lori benefísiu
Se ema ida halo sala neʼebé sériu no lakohi ona atu halo tuir Jeová, nia labele tan sai parte ba kongregasaun. Ema neʼe sei hasai tiha husi kongregasaun, no ita la ransu tan ho nia no la koʼalia ho nia. Lee 1 Korinto 5:6, 11 no 2 João 9-11, depois koʼalia hamutuk kona-ba pergunta tuirmai:
-
Hanesan fermentu halo masa tomak saʼe, oinsá mak ransu ho ema neʼebé halo sala no la arrepende an bele fó impaktu ba kongregasaun?
Ema barak neʼebé uluk kongregasaun hasai fila fali ona ba kongregasaun. Tanbasá? Maski dixiplina neʼe halo sira triste, maibé neʼe ajuda sira rekoñese duni katak buat neʼebé sira halo ona mak sala. (Salmo 141:5) Loke VÍDEO, depois koʼalia hamutuk kona-ba pergunta tuirmai.
-
Iha vídeo drama neʼe, oinsá mak arranju atu hasai ema husi kongregasaun ajuda Fiona?
Oinsá mak arranju atu hasai ema husi kongregasaun bele . . .
-
halo Jeová nia naran moos?
-
hatudu katak Jeová mak justisa no domin?
5. Jeová fó perdua kuandu ita arrepende an
Jesus uza ai-knanoik ida atu ajuda ita komprende kona-ba Jeová sente oinsá kuandu ema ida arrepende an. Lee Lucas 15:1-7, depois koʼalia hamutuk kona-ba pergunta tuirmai:
-
Neʼe hanorin saida mai ita kona-ba Jeová?
Lee Ezequiel 33:11, depois koʼalia hamutuk kona-ba pergunta tuirmai:
-
Hakat importante saida mak ita presiza halo atu hatudu katak ita arrepende an?
Jeová mak hanesan bibi-atan neʼebé hadomi no hanoin ninia bibi
EMA BALU DEHAN: “Haʼu taʼuk atu fó sai haʼu-nia sala ba katuas sira, tanba lakohi hetan dixiplina no sai husi kongregasaun.”
-
Saida mak Ita sei dehan ba ema neʼebé sente hanesan neʼe?
PONTU IMPORTANTE
Se ita halo sala neʼebé sériu maibé arrepende an ho laran no deside metin atu la repete sala neʼebé hanesan, Jeová sei fó perdua mai ita.
Rezumu
-
Tanbasá mak diʼak atu fó sai ita-nia sala ba Jeová?
-
Saida mak ita presiza halo atu bele hetan perdua?
-
Se ita halo sala neʼebé sériu, tanbasá mak ita presiza buka ajuda husi katuas sira?
BUKA-HATENE LIUTÁN
Haree oinsá mak mane ida simu Jeová nia laran-sadiʼa hanesan hakerek iha Isaias 1:18.
Oinsá mak arranju atu hasai ema husi kongregasaun bele lori benefísiu ba ema hotu?
“Hasai ema husi kongregasaun mak arranju domin nian” (Livru Haklaken, 15 Abríl 2015)
Aprende oinsá mak Ita bele esplika ba ema seluk kona-ba arranju atu hasai ema husi kongregasaun.
Iha istória “Haʼu presiza fila fali ba Jeová”, haree tanbasá mak mane ida neʼebé hadook an husi lia-loos sente katak Jeová dada fali nia.
“Bíblia troka ema nia moris” (Informasaun husi Livru Haklaken)
Karik Ita sei gosta
PERGUNTA SIRA NEʼEBÉ BAIBAIN EMA HUSU
Kursu Bíblia hanesan saida mak Testemuña ba Jeová oferese?
Ita bele uza tradusaun Bíblia naran deʼit atu halaʼo kursu Bíblia interativu ho Testemuña ba Jeová ho gratuitu. Bele mós konvida Ita-nia kolega no família tomak atu estuda hamutuk.
