CHIIYO 57
Weelede Kuchitaanzi Kuti Wachita Chibi Chipati?
Nikuba kuti ulamuyanda Jehova kazizwaansi aamoyo akuti ubeleka changuzu kuti utantamuke zintu nzyatayandi pesi chimwi chiindi, ulakonzya kubisya. Nikuba oobo, zimwi zibi nzipati kwiinda zimwi. (1 Bakorinto 6:9, 10) Kuti wachita chibi chipati, weelede kuziba kuti Jehova nga uchikuyanda akuti ulilipedelede kukulekelela akukugwasya.
1. Tweelede kuchitaanzi kuti Jehova atulekelele?
Bantu bayanda Jehova balakataazikana kuti bachita chibi chipati. Pesi balawumbulizigwa achisyomezyo chaJehova chakuti: “Nokuba kuti zibi zyanu zilasalala pyu, zilatubisyigwa buu mbuli caanda.” (Isaya 1:18) Kuti twaleka kuchita chibi eecho, Jehova ulatulekelela amoyo woonse. Kujana twatondeezya biyeni kuti tatuchichiti pe chibi eecho? Tweelede kulisola kwiinda mukuleka kuchita chibi eecho akukombelezya Jehova kuti atulekelele. Kuzwa waawo, tubeleke changuzu kuti tube aamaboneno aalikabotu naakuti kutantamuka michito yakapa kuti tuchite chibi eecho mpawo tusaangune kupona kweendelana azyeelelo zyaJehova.—Isaya 55:6, 7.
2. Jehova ubabelesya biyeni baalu kuti batugwasye chiindi nitwabisya?
Kuti twachita chibi chipati, Jehova utubuzya kuti ‘twiite baalu bambungano.’ (Bala Jakobo 5:14, 15.) Baalu balamuyanda Jehova ambelele zyakwe. Balakonzya kutugwasya kuti tube aabweenzuma busimide lubo aJehova.—Bagalatiya 6:1.
Baalu batugwasya biyeni kuti twachita chibi chipati? Baalu babili naakuti batatu balakonzya kutululamika kababelesya Magwalo. Alubo balakonzya kutupa amwi malayilile aakutugwasya kuti tutazooyindululi lubo pe kuchita chibi eecho. Balakonzya kutwiimikizya kuchita imwi milimu yabukombi kusikila nitwazoosima lubo mubukombi. Kuti bakwabilile mbungano, baalu nga bamugwisya mumbungano muntu uunga wachita chibi chipati kuti katayandi kuleka kuchita chibi eecho.
YIYA ZYIINGI
Bona mbatugwasya Jehova kuti twachita chibi chipati.
3. Kwaamba zibi zyesu kupa kuti tutakataazikani
Kuti twachita chibi nga twabisizya Jehova, nkinkaako tweelede kumubuzya chibi eecho. Bala Intembauzyo 32:1-5, mpawo musandule mubuzyo uutobela:
-
Nkamboonzi nikuyandikana kubuzya Jehova zibi zyesu kutali kuti tumusisile?
Kuyungizya aakubuzya Jehova zibi zyesu, tulakonzya kukumbila baalu kuti batugwasye. Mweebele KAVIDIYO, mpawo musandule mubuzyo uutobela.
-
Baalu bakamugwasya biyeni Canon kuti abweede lubo kuli Jehova?
Tweelede kubabuzya zitukataazya baalu nkaambo balilibambilide kutugwasya. Bala Jakobo 5:16, mpawo musandule mubuzyo uutobela:
-
Kubabuzya choonzyo baalu, kubagwasya biyeni kuti bakonzye kutugwasya?
Wamba chibi chako, ubabuzye choonzyo baalu mpawo uzumine kugwasigwa aaJehova
4. Mabambe aakugwisigwa mumbungano alagwasya
Kuti muntu wachita chibi chipati mpawo katachiyandi kupona kweendelana azyeelelo zyaJehova, ulagwisigwa mumbungano. Kuti wagwisigwa mumbungano nga tatuchiliswaanizyi pe anguwe naakuti kwaambuulaawe. Bala 1 Bakorinto 5:6, 11 a 2 Johane 9-11, mpawo musandule mubuzyo uutobela:
-
Kuliswaanizya aabantu batayandi kuchincha michito yabo iitali kabotu, kujana kwayipambanisya biyeni mbungano?
Bantu biingi bakagwisidwe mumbungano, bakaboola lubo nikuba kuti lulayo ndubakajana lwakali kuchisa pesi lwakabagwasya kuti bachinche. (Intembauzyo 141:5) Mweebele VIDIYO, mpawo musandule mubuzyo uutobela.
-
Kugwisigwa mumbungano kwakamugwasya biyeni Sonja?
Mabambe aakugwisigwa mumbungano . . .
-
alilemeka biyeni zina lyaJehova?
-
atondeezya biyeni kuti Jehova ulaaluyando?
5. Jehova ulatulekelela kuti twaleka kuchita chibi
Jesu wakabelesya chikozyano chitondeezya Jehova mbamvwa kuti muntu waleka kuchita chibi. Bala Luka 15:1-7, mpawo musandule mubuzyo uutobela:
-
Eezi zikuyiisyaanzi atala aJehova?
Bala Ezekieli 33:11, mpawo musandule mubuzyo uutobela:
-
Nchiichili chintu chiyandikana nchayelede kuchita muntu kuti atondeezye kuti waleka kuchita chibi?
Jehova uli mbuli mweembezi nkaambo ulaandaba ambelele zyakwe
BAMWI BAAMBA KUTI: “Ndilayoowa kubuzya baalu atala achibi changu nkaambo ndilagwisigwa mumbungano.”
-
Kujana wamugwasya biyeni muntu uulaamaboneno aali boobu?
CHIFWIINSYO
Kuti twachita chibi chipati mpawo twalisola akuleka kuchita chibi eecho, Jehova ulatulekelela.
Mibuzyo Yakwiindulula
-
Nkamboonzi nikuyandikana kubuzya Jehova zibi zyesu?
-
Niinzi nzitweelede kuchita kuti zibi zyesu zilekelelwe?
-
Nkamboonzi nitweelede kukumbila kugwasigwa aabaalu kuti twachita chibi chipati?
YANDUULISISYA
Bona umwi mwaalumi mbaakabona luzyalo lwaJehova lulembedwe muli Isaya 1:18.
Mabambe aakugwisigwa mumbungano abagwasya biyeni bantu baswaanizidwe?
“Mabambe Aakugwisigwa Mumbungano Atondeezya Luyando” (Ngaziyakulinda, April 15, 2015)
Bona mbukonzya kupandulwida muntu uutali Kamboni atala amabambe aakugwisigwa mumbungano.
“Bakamboni baJehova Balabazonda Na Bantu Bakagwisigwa Mumbungano?” (Chiiyo chijanika aaIntaneti)
Muchiiyo chitii, “Ndakali Kuyanda Kubweeda Lubo Kuli Jehova,” bona chakagwasya umwi mwaalumi wakali waleya mukasimpe kuti abweede lubo kuli Jehova.
“Bbayibbele Lilakonzya Kubachincha Bantu” (Ngaziyakulinda, April 1, 2012)
