DYONDZO 57
U Fanele U Endla Yini Loko U Endle Xidyoho Lexikulu?
Hambileswi u rhandzaka Yehovha swinene naswona u ringetaka hi matimba ku papalata ku endla leswi nga ta n’wi twisa ku vava, mikarhi yin’wana u ta pfa u endla swihoxo. Hambiswiritano, ku ni swihoxo leswikulu. (1 Vakorinto 6:9, 10) Loko u endle xidyoho lexikulu, tsundzuka leswaku Yehovha wa ha ku rhandza; u tiyimiserile ku ku rivalela ni ku ku pfuna.
1. Hi fanele hi endla yini leswaku Yehovha a hi rivalela?
Lava rhandzaka Yehovha va twa ku vava swinene loko va xiya leswaku va endle xidyoho lexikulu. Kambe swa va chavelela leswi Yehovha a swi tshembiseke vanhu vakwe loko a ku: “Hambiloko swidyoho swa n’wina swo va swo tshwuka, swi ta basisiwa swi fana ni gamboko.” (Esaya 1:18) Loko hi hundzuka, Yehovha u ta hi rivalela. Hi hundzuka njhani? Hikuva hi tisola swi huma embilwini, kutani hi tshika ku endla swo biha ivi hi kombela Yehovha leswaku a hi rivalela. Endzhaku ka sweswo, hi tikarhatela ku tshika ku ehleketa hi swilo swo biha kumbe mikhuva leyi endleke leswaku hi dyoha, kutani hi ringeta ku hanya hi milawu ya Yehovha.—Hlaya Esaya 55:6, 7.
2. Yehovha u va tirhisa njhani vakulu leswaku va hi pfuna loko hi dyohile?
Loko hi endle xidyoho lexikulu, Yehovha u hi byela leswaku hi “[vitana] vakulu va vandlha.” (Hlaya Yakobo 5:14, 15.) Vavanuna volavo lava vekiweke va rhandza Yehovha ni tinyimpfu ta yena. Va hi pfuna leswaku hi lulamisa vuxaka bya hina na Yehovha.—Vagalatiya 6:1.
Vakulu va hi pfuna njhani loko hi endle xidyoho? Vakulu vambirhi kumbe vanharhu va ta hi lulamisa va tirhisa ndzayo ya le Matsalweni. Va ta tlhela va hi nyika swiringanyeto ni switsundzuxo leswi nga ta hi pfuna ku papalata ku tlhela hi dyoha. Va nga ha tlhela va hi vekela swipimelo swa leswaku hi nga endli mitirho yo karhi evandlheni ku ringana nkarhi wo karhi, kukondza vuxaka bya hina na Yehovha byi tlhela byi va kahle. Leswaku va sirhelela vandlha eka minkucetelo yo biha, vakulu va susa munhu loyi a endlaka swidyoho leswikulu naswona a nga hundzukiki.
ANAKANYISISA
Dyondza ku tlangela ndlela leyi Yehovha a hi pfunaka ha yona loko hi endle xidyoho lexikulu.
3. Ku vula swidyoho swa hina swi hi pfuna ku lulamisa vunghana bya hina na Yehovha
Xidyoho xin’wana ni xin’wana lexi hi xi endlaka xi twisa Yehovha ku vava, hikwalaho swa fanela leswaku hi n’wi byela swidyoho swa hina. Hlaya Pisalema 32:1-5, ivi mi bula hi xivutiso lexi:
-
Hikwalaho ka yini swi ri swinene ku byela Yehovha swidyoho swa hina ematshan’weni yo n’wi tumbetela swona?
Endzhaku ka loko hi byele Yehovha swidyoho swa hina, hi ta titwa hi pepile loko hi lava mpfuno eka vakulu. Tlanga VHIDIYO, ivi mi bula hi xivutiso lexi landzelaka.
-
Eka vhidiyo leyi, vakulu va n’wi pfune njhani Canon leswaku a tlhelela eka Yehovha?
Hi fanele hi byela vakulu swilo hinkwaswo hi nga va hembeli hikuva va lava ku hi pfuna. Hlaya Yakobo 5:16, ivi mi bula hi xivutiso lexi:
-
Hikwalaho ka yini swi va olovela vakulu ku hi pfuna loko hi nga va hembeli?
Vula xidyoho xa wena, byela vakulu ntiyiso, u tlhela u amukela mpfuno wa Yehovha wa rirhandzu
4. Ndlela leyi ku susa munhu evandlheni swi pfunaka ha yona
Loko munhu loyi a endleke xidyoho lexikulu a ala ku hanya hi milawu ya Yehovha, a nge yi emahlweni a va xiphemu xa vandlha. Wa susiwa evandlheni naswona a hi tihlanganisi na yena kumbe ku n’wi vulavurisa. Hlaya 1 Vakorinto 5:6, 11 na 2 Yohane 9-11, ivi mi bula hi xivutiso lexi:
-
Ku fana ni leswi comela yi kukumukisaka fulawuri ya xinkwa, xana vandlha ri khumbeka njhani loko mudyohi loyi a nga hundzukiki a tama a tihlanganisa ni vandlha?
Vanhu vo tala lava a va susiwile va tlhelele evandlheni hi ku famba ka nkarhi hikuva ndlela leyi va tshinyiweke ha yona hambileswi a yi vava, yi endle va swi xiya leswaku leswi va swi endleke swi hoxile. (Pisalema 141:5) Tlanga VHIDIYO, ivi mi bula hi xivutiso lexi landzelaka.
-
Eka vhidiyo leyi, ku va Sonja a susiwile evandlheni swi n’wi pfune njhani?
Loko munhu a susiwa evandlheni, hikwalaho ka yini sweswo swi . . .
-
dzunisa vito ra Yehovha?
-
kombisa leswaku Yehovha wa anakanyela naswona u ni rirhandzu?
5. Yehovha wa hi rivalela loko hi hundzuka
Yesu u tirhise xikombiso lexi hi pfunaka ku twisisa ndlela leyi Yehovha a titwaka ha yona loko munhu a hundzuka. Hlaya Luka 15:1-7, ivi mi bula hi xivutiso lexi:
-
Tsalwa leri ri ku dyondzisa yini hi Yehovha?
Hlaya Ezekiyele 33:11, ivi mi bula hi xivutiso lexi:
-
Hi swihi swilo leswi munhu a faneleke a swi endla ku kombisa leswaku u hundzukile?
Yehovha u khathala swinene hi tinyimpfu takwe ku fana ni murisi
VAN’WANA VA RI: “Ndza chava ku byela vakulu xidyoho xa mina hikuva ndzi ta susiwa.”
-
U nga n’wi hlamula njhani munhu loyi a titwaka hi ndlela yoleyo?
NKATSAKANYO
Loko hi endle xidyoho lexikulu kambe hi tisola swi huma embilwini naswona hi tiyimisele ku tshika ku endla swo biha, Yehovha u ta hi rivalela.
Mpfuxeto
-
Hikwalaho ka yini swi hi pfuna ku byela Yehovha swidyoho swa hina?
-
Hi fanele hi endla yini leswaku hi rivaleriwa swidyoho?
-
Loko hi endle xidyoho lexikulu, hikwalaho ka yini hi fanele hi kombela vakulu leswaku va hi pfuna?
KUMA LESWI ENGETELEKEKE
Vona ndlela leyi Yehovha a kombiseke wanuna un’wana tintswalo leti hlamuseriweke eka Esaya 1:18.
Loko mudyohi a susiwa, yena ni vandlha va vuyeriwa njhani?
Twana leswaku u nga n’wi hlamusela njhani munhu loyi a nga riki Mbhoni xivangelo lexi endlaka van’wana va pfa va susiwa.
Eka mhaka ya vutomi leyi nge, “A Ndzi Lava Ku Tlhelela Eka Yehovha,” twana lexi endleke wanuna un’wana loyi a a hambukile entiyisweni a swi xiyeke ha yona leswaku Yehovha u tlhele a n’wi koka.
“Bibele Yi Hundzula Vutomi Bya Vanhu” (Xihondzo xo Rindza, April 1, 2012)
U Nga Ha Tsakela
SWIVUTISO LESWI TALAKA KU VUTISIWA
I Yini Dyondzo Ya Bibele Leyi Dyondzisiwaka Hi Timbhoni Ta Yehovha?
Eka dyondzo ya Bibele leyi dyondzisiwaka hi Timbhoni ta Yehovha, u nga tirhisa vuhundzuluxeri byin’wana ni byin’wana bya Bibele. Titwe u ntshunxekile ku rhamba ndyangu hinkwawo kumbe vanghana va wena leswaku mi ta dyondza swin’we.
