DJONDZO 57
U Nga Ku Yini Loko U Yentxa Xidjoho Xa Xikulu?
Phela hambileswi wena u mu rhandzaka hintamu Yehovha u tlhela u maha minzamu swaku u yentxa ku rhandza ka yena, minkama yin’wana u ta phazama. Kambe swidjoho swin’wana swi nga ha va swikulu ku tlula swin’wana. (1 Vakorinto 6:9, 10) Loko u tshuka u maha xidjoho xa xikulu, khumbuka swaku Yehovha wa ha ku rhandza naswona a lava ku ku rivalela ni ku ku pfuna.
1. Hi fanele hi yentxa yini swaku Yehovha a hi rivalela?
Munhu lweyi a rhandzaka Yehovha a vaviseka hintamu loko a tsumbula swaku a mahe xidjoho xa xikulu. Kambe leswi Yehovha a swi tshembisaka vanhu va yena swa hi tiyisa, yena a li: “Hambiloko swidjoho swa n’wina swo va swa ku pshuka, swi ta basisiwa”. (Esaya 1:18) Phela loko hi tisola hi mbilu hinkwayu, Yehovha a ta hi rivalela. Se hi nga swi kombisa ndjani swaku ha tisola? Loko hi tisola hikakunene, hi ta tshika ku yentxa swa ku biha hi tlhela hi kombela swaku Yehovha a hi rivalela. Se hi ta gama hi maha minzamu hinkwayu swaku hi txintxa mapimiselo ya hina hi tlhela hi fambela kule ni swilo swa ku biha leswi nga hi maha hi djoha. Naswona hi ta zama ku hanya hi leswi swi tsakisaka Yehovha. — Lerha Esaya 55:6, 7.
2. Yehovha a ma tirhisisa ku yini madoda swaku ma hi pfuna loko hi yentxa xidjoho?
Loko hi maha xidjoho xa xikulu Yehovha a li hi fanele hi ‘vitana madoda ya bandla’. (Lerha Yakobo 5:14, 15.) Phela madoda ma mu rhandza Yehovha ma tlhela ma rhandza ni vanhu va yena. Madoda ya bandla ma tirhisa wutivi la Bibele leli ma nga na lona swaku ma hi pfuna kuva hi tlhela hi va vanghanu vavakulu va Yehovha. — Vagalatiya 6:1.
Madoda ma hi pfunisa ku yini loko hi mahe xidjoho xa xikulu? Madoda mambirhi kumbe manharhu ma tirhisa Bibele swaku ma hi pfuna ku vona swaku hi mhaka muni leswi hi nga swi yentxa swi bihile. Ma tlhela ma hi pfuna ku vona leswi hi nga swi mahaka swaku hi nga ha tlheli hi djoha. Hambileswo, madoda ma nga ha vona swi yampsa kuva hi nyima ku yentxa mintirho yin’wana leyi a hi yi yentxa bandleni anze hi tlhela hi va vanghanu va Yehovha. Se ku maheka yini loko munhu a maha xidjoho xa xikulu a tlhela a nga tisoli? Loko leswo swi yentxeka, madoda ma ta mu susa bandleni swaku vamakwerhu va vhikeliwa ka minchumu ya ku biha.
DJONDZA SWIN’WANA
Vona swaku Yehovha a nga hi pfunisa ku yini loko hi maha xidjoho xa xikulu.
3. Phela swa pfuna ku pfumela swidjoho swa hina
Loko hi djoha hi kwatisa Yehovha, se hi fanele hi mu byela leswi hi nga swi maha. Lerhani Tipisalema 32:1-5, mi gama mi bula hi xivutiso lexi landzelaka:
-
Hi mhaka muni swi li swinene ku byela Yehovha swidjoho swa hina, hi nga zami ku swi fihla?
Handle ka ku byela Yehovha swidjoho swa hina ntsena, leswaku hi titwa kahle hi fanele hi tlhela hi kombela ku pfuniwa hi madoda. Sixtirani VHIDIYO, mi gama mi bula hi xivutiso lexi landzelaka.
-
Ka vhidiyo, madoda ma mu pfunise ku yini Canon swaku a tlhela a va munghanu wa Yehovha?
Hi fanele hi ma byela hinkwaswu madoda hikusa wona ma lava ku hi pfuna. Lerhani Yakobo 5:16, mi gama mi bula hi xivutiso lexi landzelaka:
-
Hi mhaka muni madoda swi ma vevukela ku hi pfuna loko hi ma byela hinkwaswu leswi hi nga swi maha?
Vula swidjoho swa wena, ma byeli hinkwaswu madoda u tlhela u pfumela ku pfuniwa hi Yehovha
4. Ku susiwa bandleni i ndlela ya ku pfuna munhu
Loko munhu lweyi a nga maha xidjoho xa xikulu a yala ku hanya hi minawu ya Yehovha, a swi nge koteki swaku a tama a lumba bandla. Munhu yelweyo a susiwa bandleni funtshi a hi fanelanga hi hanyisana kumbe ku bula na yena. Lerhani 1 Vakorinto 5:6, 11 na 2 Yohani 9-11, mi gama mi bula hi xivutiso lexi landzelaka:
-
Ku fana ni leswi fermentu li kukumukisaka trigu hinkwalu, ku hanyisana ni munhu lweyi a kalaka a nga tisoli ka swidjoho swa yena swi nga li khumbisa ku yini bandla?
Vanhu va vanyingi lava va nga susiwa bandleni va game va tlhelela hikusa hambileswi a swi vava ku layiwa, swi va pfunile swaku va tisola. (Tipisalema 141:5) Sixtirani VHIDIYO, mi gama mi bula hi swivutiso leswi landzelaka.
-
Ku va Sónia a susiwe bandleni, swi mu pfunise ku yini?
Loko munhu lweyi a nga djoha a susiwa bandleni, hi mhaka muni . . .
-
swi dzunisa vito la Yehovha?
-
swi kombisa swaku Yehovha a lulamile naswona a ni lirhandzu?
5. Yehovha wa hi rivalela loko hi tisola
Yesu a tirhise swifaniso swaku a hi pfuna ku twisisa leswi Yehovha a titwisaka xiswona loko munhu a tisola. Lerhani Luka 15:1-7, mi gama mi bula hi xivutiso lexi landzelaka:
-
I mpsini leswi buku leli li hi djondzisaka swona hi Yehovha?
Lerhani Ezekiyele 33:11, mi gama mi bula hi xivutiso lexi landzelaka:
-
Hi fanele hi maha yini kuva hi kombisa swaku ha tisola hikakunene?
Ku fana ni murisi, Yehovha na yena a ni mhaka hintamu ni tinyempfu ta yena
VAN’WANA VA LI: “Phela loko no tshuka ni byela madoda leswi ni nga swi yentxa, ma ta ni susa bandleni.”
-
A wu ta mu byela yini munhu lweyi a titwisaka leswo?
LESWI HI NGA SWI DJONDZA
Phela Yehovha a nga hi rivalela loko hi maha xidjoho xa xikulu, kambe hi fanele hi tisola hi mbilu hinkwayu hi tlhela hi tshika ku yentxa swa ku biha.
Ku kambela leswi hi nga swi djondza
-
Hi mhaka muni swi li swa lisima ku byela Yehovha swidjoho swa hina?
-
I mpsini leswi hi faneleke hi swi maha swaku hi rivaleliwa?
-
Hi mhaka muni hi fanele hi kombela madoda ma hi pfuna loko hi mahe xidjoho xa xikulu?
LOKO U LAVA KU TIVA SWIN’WANA
Vona swaku Yehovha a mu kombise ku yini wanuna mun’wana timpsalu leti ku khulumiwaka hi tona ka Esaya 1:18.
Kuva munhu lweyi a nga djoha a susiwa bandleni, swi mu pfunisa ku yini yena ni vamakwerhu abandleni?
Vona swaku u nga yentxa yini kuva u tlhamusela munhu lweyi a kalaka a nga li Mboni ya Yehovha a timhaka ta ku susiwa bandleni.
Lerha xiperiyensiya lexi nge: “A Ndzi Lava Ku Tlhelela Eka Yehovha” swaku u vona leswi nga yentxa wanuna mun’wana lweyi a a tshike ntiyiso a tlhelela ka Yehovha.
“Bibele Yi Hundzula Vutomi Bya Vanhu” (Murindzi wa 1 ka Abril wa 2012)
