Nájkirukajtsï kánikua xénchajka Jeobani ka ístujtsï jánguarhintani jarhani parajtsï no no sési pʼikuastani, ménisï jauati engajtsï uaaka ambe ma enga no sési jaka. Peruksï jarhasti máru pekaduecha engaksï sánderu kʼéraka eska máteruecha (1 Korintu 6:9, 10). Engajtsï chá niárapiringa k’éri pekadu ma úni, miá je eskaksïni Tata Diosï Jeoba seguiriuaka xénchani; imaksïni puáchentaati ka jarhuatani.

1. ¿Ambechi jatsiski para úni parakajtsïni Tata Diosï Jeoba puáchentaaka?

Enga nema enga xénchajka Tata Diosï Jeobani ka kuenta íntskukuarheni eska k’éri pekadu ma úska, kánikua kómu pʼikuarherasïndi. Peru Tata Diosï Jeoba sési pʼikuastantasïndi ini aiatsperakua jingoni enga imeeri iretani íntskupka: “Nájkirukaksï chaari pekaduecha ísïiuaka komueska charhapiti ambe, urapintaatiksï komueska niebi” (Isaías 1:18). Engachi mintsita jingoni móantaska, Tata Diosï Jeobajtsïni puáchentaati. ¿Ambe arhikuekasïni sési jimbo moántani? Arhikuekasïndi eska ma no sési pʼikuarherasïnga imani ambe jimbo enga úka, eska nóteru uaakia imani ambe enga no sési jaka ka eska kurhakuaka Jeobani eska puákuntaaka. Jimajkani, ma jánguarhintasïndi para nóteru únia o eratseni imani ambe enga újka eska niárapiringa pekadu ma úni ka jánguarhintasïndi kurhajchaani Tata Diosïri juramukuechani engaksï pímbinharhatika (arhinta je Isaías 55:6, 7).

2. Engachi pekadu ma újka, ¿nénajtsïni jarhuatasïni Tata Diosï Jeoba orhejtsïkutichani úrapariani?

Tata Diosï Jeoba arini konseju íntskusïndi imani enga k’éri pekadu ma uaaka: ‘Eska ióarhiauaka tánguarhikuarhu anapu arhistatspitichani’ o orhejtsïkutichani (arhinta je Santiagu 5:14, 15). Íksï orhejtsïkuticha engaksï espiritu santu jimbo erakunhaka, xénchasïndiksï Tata Diosï Jeobani ka Tata Diosïri marhuarichani, ka jorhendakataksï jarhasti parajtsïni jarhuatani sési pájperantani Tata Diosï Jeoba jingoni (Galasia 6:1).

¿Nénajtsïni jarhuatasïni orhejtsïkuticha engachi niárajka pekadu ma úni? Tsimani o tanimu orhejtsïkutichajtsïni jarhuatasïndi kurhanguni Biblia jingoni eska no sési jarhaska ambe engachi úka. Ístujtsïni uinhaperantaati ka íntsaantsïni ambakiti konsejuechani parachi nóteru únia imani ambe enga no sési jaka. Jamberijtsïni orhejtsïkuticha arhiaati eskachi no uaaka úni máru ambe kúnguarhikuarhu engachi jamberi sési pájperantaaka Tata Diosï Jeoba jingoni. Enga kʼuiripu ma k’éri pekadu ma úska ka no moántani, orhejtsïkutichaksï ekspulsariuati para kuájchakuni kúnguarhikuani ka para no pájtamaani máteruechani.

 JORHENGUARHI JE SÁNDERU AMBE

3. Uandantani eskachi no sési ambe úska jarhuatasïndijtsïni sési pájperantani Jeobani jingoni

Náki uéjki pekaduchi niátani, no sési pʼikuastasïndi Tata Diosï Jeobani, jimbochisï jatsika para uandantani. Arhinta je Salmo 32:1-5 ka uandontskuarhi je íri ambe:

• ¿Andisï sánderu sésii aianguni Tata Diosï Jeobani ambe engachi no sési úka ka no jámani jískani?

 4. Enga nema petanhantajka kúnguarhikuarhu iáminduechani marhuakuasïndi

Enga nema k’éri pekadu ma újka ka no uékani kurhajchaani Tata Diosï Jeobaeri juramukuechani, nóteru úsïndia kúnguarhikuarhu jarhani. Ísï jimbo, petanhantasïndi. Nóteruchi kúnguarhisïngia imani jingoni ka niárasïngachi jamberi nóteru uandajpania. Arhinta je 1 Korintu 5:6, 11 ka 2 Juanu 9-11, ka uandontskuarhi je íri ambe:

• Eratseparini na enga lebadura kʼúrajka jarineri tsïrerini, ¿úpirini no sési úkuni kúnguarhikuani engachi kúnguarhipiringa imani jingoni enga k’éri pekadu ma úka ka no uékani moántani? ¿Andi?

 AMBE ENGACHI JORHENGUARHIKA

Engachi k’éri pekadu ma úska peruchi meru moántani ka eratsetinchi jarhania nóteru méni ísï úni, Jeobajtsïni puáchentaati.

Ambejtsï jorhenguarhiski

• ¿Andisï sésii eskachi aianguaka Jeobani engachi k’éri pekadu ma uaaka?

• ¿Ambechi jatsiski para úni parajtsïni Jeoba puáchentani engachi pekadu ma úska?

• ¿Andisï sési jaki jarhuajperata kurhakuani orhejtsïkutichani engachi k’éri pekadu ma úska?