HAAPIIRAA 57
Eaha te rave mai te peu ua rave oe i te hoê hara rahi?
Noa ˈtu mea here na oe ia Iehova e te tutava ra oe i te patoi i te rave i te tahi mea e haamauiui ia ˈna, e hape iho â oe i te tahi mau taime. Tera râ, te vai ra te tahi mau hara tei rahi aˈe i te tahi atu. (Korinetia 1, 6:9, 10) Mai te peu e rave oe i te hoê hara rahi, a haamanaˈo eita Iehova e faaea i te here ia oe, e ua ineine o ˈna i te faaore i te hara e i te tauturu ia oe.
1. Eaha ta tatou e fanaˈo i to Iehova faaoreraa i te hara?
Ua mauiui roa te feia tei here ra ia Iehova i to ratou iteraa e ua rave ratou i te hoê hara rahi. Ua ite râ ratou i te tamahanahana i ta Iehova i fafau i to ˈna nunaa: “Noa ˈtu mea uteute ta outou mau hara, e uouo roa ïa mai te hiona.” (Isaia 1:18) Mai te peu ua tatarahapa mau tatou, e faaore roa Iehova i ta tatou hara. E nafea tatou e faaite ai i te tatarahapa? Na te tatarahapa mau e turai ia tatou ia faaea i te rave i te mea ino e ia ani ia Iehova ia faaore i ta tatou hara. E ia tutava tatou i te taui i te mau manaˈo ino aore ra i te mau ohipa tei turai ia tatou ia rave i te hara, e ia tamata tatou i te ora ia au i te mau ture aveia viivii ore a Iehova.—A taio i te Isaia 55:6, 7.
2. Nafea Iehova e faaohipa ˈi i te mau matahiapo no te tauturu ia tatou ia hara tatou?
Ia rave tatou i te hoê hara rahi, te parau ra Iehova ia tatou “ia ani . . . i te mau matahiapo o te amuiraa.” (A taio i te Iakobo 5:14, 15.) Te here ra teie mau tane faatoroahia ia Iehova e i ta ˈna mamoe. E tiaraa to ratou no te tauturu ia tatou ia faatupu faahou i te hoê auhoaraa e o Iehova.—Galatia 6:1.
E nafea te mau matahiapo e tauturu ai ia tatou ia rave tatou i te hoê hara rahi? E piti aore ra e toru matahiapo te aˈo ia tatou ma te faaohipa i te mau aˈoraa e vai ra i roto i te mau papai. E horoa atoa ratou i te mau ravea papu e faaitoitoraa no te tauturu ia tatou ia ore faahou e rave i te hara. E faataime ratou i ta tatou mau hopoia i roto i te mau ohipa a te amuiraa tae roa i te taime e maitai faahou ai tatou i te pae varua. No te paruru i te amuiraa i te hiˈoraa ino, e tiavaru te mau matahiapo i tei rave i te hara e tei ore e tatarahapa.
A FAAHOHONU ATU Â
A faaite i to oe mauruuru rahi no ta Iehova tauturu ia tatou ia rave tatou i te hoê hara rahi.
3. E tauturu mai te faˈiraa i ta tatou hara ia maitai mai
E haamauiui te mau hara atoa ta tatou e rave ia Iehova, mea maitai ïa ia faˈi tatou ia ˈna. A taio i te Salamo 32:1-5, e a aparau i nia i teie uiraa:
-
No te aha mea maitai ia faˈi tatou i ta tatou mau hara ia Iehova i te tamataraa i te huna i te reira?
Hau atu i te faˈiraa i ta tatou hara ia Iehova, mea maitai atoa ia imi tatou i te tauturu no ǒ mai i te mau matahiapo ra. A pata i te VIDEO, e a aparau i te uiraa i muri nei.
-
I roto i te video, eaha ta te mau matahiapo i rave no te tauturu ia Canon ia hoˈi faahou ia Iehova ra?
E titauhia ia tatou ia faaite pauroa i te parau mau i te mau matahiapo, to reira ratou no te tauturu ia tatou. A taio i te Iakobo 5:16, e a aparau i teie uiraa:
-
No te aha mea ohie aˈe no te mau matahiapo ia tauturu ia tatou ia faaite atu tatou i te parau mau?
A faˈi i ta oe hara, a faaite i te parau mau i te mau matahiapo e a farii i te tauturu î i te here a Iehova
4. E tauturu te tiavaruraa ia tatou
Mai te peu e patoi te hoê tei rave i te hoê hara rahi i te pee i ta Iehova mau ture aveia, aita ta ˈna e tuhaa faahou i roto i te amuiraa. E tiavaruhia oia e eita faahou tatou e amui ia ˈna e e paraparau ia ˈna. A taio i te Korinetia 1, 5:6, 11 e te Ioane 2, 9-11, e a aparau i teie uiraa:
-
Mai te faraoa hopue, nafea te amuimuiraa i te hoê taata tatarahapa ore e faaino ai i te amuiraa?
E rave rahi o tei tiavaruhia, tei hoˈi faahou mai i roto i te amuiraa, no te mea na te aˈoraa i tauturu ia ratou ia taui i to ratou feruriraa noa ˈtu te mauiui. (Salamo 141:5) A pata i te VIDEO, e a aparau i te uiraa i muri nei.
-
I roto i teie video, nafea te tiavaruraa i tauturu ai ia Sonja?
No te aha te faanahoraa o te tiavaruraa e . . .
-
faahanahana ˈi i te iˈoa o Iehova?
-
faaite ai i to Iehova huru au noa e te î i te here?
5. E faaore Iehova i ta tatou mau hara ia tatarahapa tatou
Ua faaohipa Iesu i te hoê faahohoˈaraa no te tauturu ia tatou ia taa eaha to Iehova manaˈo ia tatarahapa te hoê taata. A taio i te Luka 15:1-7, e a aparau i teie uiraa:
-
Eaha ta te reira e haapii ra ia oe no nia ia Iehova?
A taio i te Ezekiela 33:11, e a aparau i teie uiraa:
-
Eaha te taahiraa faufaa e titauhia no te faaite i te tatarahapa mau?
Mai te hoê tiai mamoe, e aupuru mai Iehova i ta ˈna mamoe
TE MANAˈO O VETAHI: “E mǎtaˈu vau i te faaite i te mau matahiapo no nia i ta ˈu hara, aˈunei au e tiavaruhia ˈi.”
-
Eaha ta oe e hinaaro e parau i te hoê taata ia manaˈo o ˈna mai te reira?
HAAPOTORAA
Ia rave tatou i te hoê hara rahi e ia tatarahapa mau râ tatou e ia tutava tatou i te faaea i te rave i te mea ino, e faaore mai Iehova i ta tatou hara.
Haamanaˈoraa
-
No te aha mea faufaa ia faˈi i ta tatou mau hara ia Iehova?
-
Eaha ta tatou e rave ia faaorehia ta tatou mau hara?
-
Ia rave tatou i te hoê hara rahi, no te aha mea faufaa ia imi i te tauturu a te mau matahiapo?
HIˈOPOA
A hiˈo nafea te hoê tane i te iteraa i te aroha hamani maitai o Iehova faahitihia i roto i te Isaia 1:18.
Ia tiavaruhia te hoê taata, nafea te reira e tauturu ai i te amuiraa?
“No te aha e faanahoraa î i te here te tiavaruraa?” (Te Pare Tiairaa 15 no Me 2015)
A faataa i te hoê taata e ere i te Ite, no te aha i te tahi taime e tiavaruhia ˈi te hoê taata.
“E tiavaru anei te mau Ite no Iehova i to ratou mau taata?” (Tumu parau natirara)
I roto i te aamu “Titauhia ia ˈu ia hoˈi ia Iehova ra,” a haapii nafea te hoê tane tei atea ê i te parau mau i ite ai e te hinaaro ra Iehova ia hoˈi mai o ˈna.
“Ua taui te Bibilia i to ˈu oraraa” (Tumu parau o Te Pare Tiairaa)
E au atoa outou . . .
UIRAA A TE TAATA
Eaha te ravehia i te hoê haapiiraa Bibilia pûpûhia na te mau Ite no Iehova?
Maoti teie aparauraa Bibilia tamoni ore pûpûhia na te mau Ite no Iehova, nehenehe outou e faaohipa i ta outou iho Bibilia. A titau atoa mai i to outou utuafare aore ra hoa.
