TIMIRTTE 57
Gita Nagara Oottikko Waatuutee?
Neeni Yihoowa wozanappe siiqiyaabanne A azanttiyaaba oottennaadan baaxetiyaaba gidikkonne, issi issitoo balana danddayaasa. SHin, issi issi nagaray haraappe iita. (1 Qoronttoosa 6:9, 10) Neeni gita nagara oottikko, Yihooway nena siiqiyoogaa aggibeennaagaa hassaya. I neeyyo atto gaanawunne nena maaddanawu koyees.
1. Yihooway nuussi atto gaanaadan ay oottana koshshii?
Yihoowa siiqiyaageeti gita nagara oottidoogaa akeekiyo wode, keehi azzanoosona. SHin, Yihooway ba asawu, “Intte nagarai baaraadan zo77ikkokka, shachchaadan booxxana” yaagidi gelido qaalay eta minttettees. (Isiyaasa 1:18) Nuuni wozanappe nu nagaraappe simmikko, Yihooway nuuyyo muleera atto gaana. Nuuni nagaraappe simmidoogaa waati bessiyoo? Nuuni oottidoban keehi azzanido gishshawu, iitabaa oottiyoogaa aggidi, Yihooway atto gaanaadan woossoos. Yaatidi, nagaraa oottanaadan nuna denttettida iita qofaa woy meeziyaa agganawunne Yihooway kessido geeshsha maaraadan deˈanawu baaxetoos.—Isiyaasa 55:6, 7 nabbaba.
2. Nuuni nagaraa oottiyo wode, Yihooway nuna cimatu baggaara waati maaddii?
Yihooway nuuni gita nagara oottikko, ‘woosa keettaa cimata xeesanaadan’ yootiis. (Yaaqooba 5:14, 15 nabbaba.) He cimati Yihoowanne ayyo oottiyaageeta siiqoosona. Eti Yihoowaara zaarettidi dabbotanaadan nuna waati maaddanaakko tamaaridosona.—Galaatiyaa 6:1.
Nuuni gita nagaraa oottikko, cimati nuna waati maaddiyoonaa? Naaˈˈu woy heezzu cimati Geeshsha Maxaafaa xiqiseta goˈettidi, nuuni oottidobay bala gidiyo gaasuwaa nuussi qonccissana. Qassi, eti nuuni zaarettidi nagaraa oottennaadan maaddiya qofaanne zoriyaa yootana. Eti nuuni ayyaanaaban minnana gakkanaashin galchchan issi issibaa oottennaadan kuuyana danddayoosona. Nagaraa oottidi ba nagaraappe simmenna uri harata qohenna mala, cimati galchchaappe A bohoosona.
LOYTTA AKEEKA
Nuuni gita nagaraa oottiyo wode Yihooway nuna maaddiyo ogiyaa loytta akeekanawunne hegawu galatanawu waatanaakko akeeka.
3. Nagaraa paaxikko paxoos
Nuuni ay nagara oottikkokka Yihooway azzaniyo gishshawu, hegaa awu paaxiyoogee bessiyaaba. Mazamure 32:1-5 nabbabite; yaatidi ha oyshaa tobbite:
-
Nuuni nu nagaraa genttanawu maliyoogaappe Yihoowawu paaxiyoogee loˈˈo gidiyoy aybissee?
Nuuni nu nagaraa Yihoowawu paaxi simmidi, cimati maaddanaadan oychchiyo wode woppu goos. BIIDUWAA beˈite; yaatidi kaallidi deˈiya oyshaa tobbite.
-
Ha biiduwan beˈidoogaadan, Kaneni Yihoowakko simmanaadan cimati waati maaddidonaa?
Nuuni cimatussi aynne genttennan tumaa yootana bessees; eti nuna maaddanawu koyoosona. Yaaqooba 5:16 nabbabite; yaatidi ha oyshaa tobbite:
-
Nuuni tumubaa yootiyoogee cimati nuna maaddanawu metootennaadan oottiyoy aybissee?
Ne nagaraa paaxa, cimatuyyo tumubaa yoota, qassi Yihoowa siiquwaa bessiya maaduwaa ekka
4. Bohiyoogee waati maaddii?
Gita nagaraa oottida uri Yihooway kessido maaraa kaallanawu koyennaba gidikko, hegaappe simmin galchchaa yara gidenna. I bohettees; qassi nuuni aara gayttokko, haray atto A haasayissokko. Koyro Qoronttoosa 5:6, 11nne 2 Yohaannisa 9-11 nabbabite; yaatidi ha oyshaa tobbite:
-
Irshshoy munaqaa denttiyoogaadan, ba nagaraappe simmenna uraara gayttiyoogee galchchaa waati qohii?
Bohettida daroti galchchaa simmidosona. Ayssi giikko, bohettiyoogee azzanttiyaaba gidikkonne, hegee eti mooridoogaa akeekanaadan maaddiis. (Mazamure 141:5) BIIDUWAA beˈite; yaatidi kaallidi deˈiya oyshaa tobbite.
-
Ha biiduwan beˈido Sonja bohettidoogee O waati maaddidee?
Issi uri bohettiyoogee . . .
-
Yihoowa sunttaa bonchchissiyaabaa gidiyoy aybissee?
-
Yihooway bessiyaabaa oottiyoogaanne siiqiyoogaa qonccissiyaaba gidiyoy aybissee?
5. Yihooway nuuni nu nagaraappe simmiyo wode atto gees
Yesuusi issi uri ba nagaraappe simmiyo wode Yihoowawu aybi siyettiyaakko nuuni akeekanaadan maaddiya leemisuwaa yootiis. Luqaasa 15:1-7 nabbabite; yaatidi ha oyshaa tobbite:
-
Neeni hegaappe Yihoowabaa ay tamaaray?
Hizqqeela 33:11 nabbabite; yaatidi ha oyshaa tobbite:
-
Nuuni wozanappe azzanidoogaa bessanawu ay oottana koshshii?
Dorssaa heemmiya uradan, Yihooway ba dorssatussi wozanappe qoppees
ISSI ISSI ASAY HAGAADAN GEES: “Taani ta nagaraa cimatuyyo yootikko bohettanaakkonne gaada yayyays.”
-
Neeni hegaadan qoppiya urawu woyga zaaruutee?
AY AKEEKADII?
Nuuni gita nagaraa oottiyaakkokka, wozanappe azzanidi iitabaa oottiyoogaa agganawu murttikko, Yihooway nuuyyo atto gaana.
Zaaretuwaa
-
Nuuni nu nagaraa Yihoowawu paaxiyoogee loˈˈo gidiyoy aybissee?
-
Yihooway nu nagaraa atto gaanaadan ay oottana koshshii?
-
Nuuni gita nagaraa oottikko, cimati maaddanaadan oychchana koshshiyoy aybissee?
PILGGA
Yihooway Isiyaasa 1:18n yootidoogaadan, issi bitaniyawu I waati atto giidaakko akeeka.
Issi uri bohettiyoogee he allaallee xeelliyo asa ubbaa waati maaddii?
“Bohiyoogee Siiquwan Giigidaba Gidiyoy Aybissee?” (Wochchiyo Keelaa, Hosppune 15, 2015)
Issi issitoo issi uri bohettiyoy aybissakko, neeni Yihoowa Markka gidenna urawu waata qonccissanaakko akeeka.
Tumaa aggida issi bitanee Yihooway bana zaarettidi baakko ehiis giidi qoppiyoy aybissakko, “Yihoowakko Simmiyoogee Tawu Keehi Koshshiis” giyaagan beˈa.
“Geeshsha Maxaafay Asay Laamettanaadan Oottees” (Wochchiyo Keelaa huuphe yohuwaa)
Hageeta Beˈadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaˈissiyoy Ayba Ogiyaanee?
Yihoowa Markkati miishsha qanxxissennan xannaˈissiyo prograamiyan, Geeshsha Maxaafaa birshshettaa awugaakka goˈettana danddayaasa. Ne so asa ubbaynne ne laggetikka nenaara xannaˈanaadan shoobbana danddayaasa.
