დუდ 57
მუ ოკო აკეთათ, სერიოზულო შეცოდენთ-და?
მუშო ოკო რაგად, იეჰოვა მანგარო გიჸორა დო ოცადუთ, დუდ ეუჩილითუათ თიცალ მუდგარენიშ კეთებას, მუთ თის გურს უწყუნუანდჷ. თეშ უმკუჯინუო, მინშა შეცდომეფს ხოლო დუშვენთ. მარა ნამთინე ცოდვა შხვეფშე უმოს სერიოზულ რე (1 კორინთელები 6:9, 10). სერიოზულო ქეშეცოდენთ-და, რშუდან, იეჰოვას იშენით უჸორთ დო მზათ რე, გაპატუან დო ქიმგეხვარან.
1. მუ ოკო ვაკეთათ, ნამდა იეჰოვაქ მაპატუან?
თინეფ, მიდგას იეჰოვა უჸორა, მანგარო წუხენა, მუჟამსით მეხვადნა, ნამდა სერიოზულო შეცოდეს. მარა თინეფს გურშა ეუქექუანს იეჰოვაშ დუნაპირებ, ნამუთ მუშ ხალხის მეჩჷ: „თქვან ცოდვეფ ალიშფერ რდასინ ხოლო, თირცალო დერჩიალებ“ (ესაია 1:18). მთელ გურით ქიმნანიენთ-და, იეჰოვა სრულაშო მაპატიენა. მუჭო შემლებნა თეშ კეთება? დაშებულს ქობნარღენთ-და, თენა აღბძრენა, მივოტუათ გლახაშ კეთება დო იეჰოვას ქოფთხუათ პატიება. თეშ უკულ ირფელს ვორთუთ, ნამდა ჩეფთხინუათ არასწორ აზროვნება დო ჩვევეფ, ნამდგაქ ცოდვაშა მემიჸონეს, დო ვოცადუთ, იფცხოვრათ იეჰოვაშ წმინდა ნორმეფიშ თანახმას (წეკითხით ესაიაშ 55:6, 7).
2. მუჭო ირინუანს იეჰოვა უხუცესეფს ჩქინ მახვარებელო, მუჟამსით ფცოდენთ?
სერიოზულო შეფცოდით-და, იეჰოვა მირაგადნა, ნამდა ქოვუწუათ „თენა კრებაშ უხუცესეფს“ (წეკითხით იაკობიშ 5:14, 15). ღორონთშე დანიშნულ თე ქომოლკათას უჸორს იეჰოვა დო თიშ შხურ. თინეფს უჩქნა, მუჭო მიმეხვარან იეჰოვაწკუმა ჯგირ ურთიერთობაშ დორთინაფას (გალატელები 6:1).
მუჭო მოხვარნა უხუცესეფ, მუჟამსით სერიოზულო ფცოდენთ? ჟირ ვარდა სუმ უხუცეს ბიბლიაშ საშვალებათ ქუმოძირანა, მუ ვაკეთით არასწორ. თინეფ პრაქტიკულ რჩევეფს ხოლო ქომჩანა, ნამდა ქიმმეხვარან, დუდ ევუჩილითუათ დაშებულიშ კინ გამეორებას. თინეფქ შილებე მიწუან, ნამდა ონდო იეჰოვაწკუმა ჯგირ ურთიერთობას ვედიფრთინუანთ, ნამთინე სულიერ საქმეს მონაწილება ვემმაღებენა. კრება გლახა გავლენაშე დოთხილუანინ თიშენ, უხუცესეფ კრებაშე არიცხენა თინეფს, მით სერიოზულო ცოდენა დო ვენანიენა.
ქიგეგით უმოს
დეფიქრით, მუჭო მოხვარნა იეჰოვა, მუჟამსით სერიოზულო ფცოდენთ დო უმოს მარდულობა გეგმირჩქინით თეშ მიმართ.
3. აღიარება მოხვარნა, სულიერო გეგშებჯგირათ
ნებისმიერ ცოდვა გურს უწყუნუანს იეჰოვას, ათეშენ, აუცილებერ რე, თიშ წოხოლე ვაღიარათ დაშებულ. წეკითხით ფსალმუნიშ 32:1—5 დო უკულ გარჩით თუდო მოჩამილ კითხვა:
-
მუშენ რე ჩქინო ჯგირ იეჰოვაშ წოხოლე ცოდვეფიშ აღიარება, ფულუაშ მანგიორო?
იეჰოვაწკუმა ცოდვეფიშ აღიარებაშ უკულ უხუცესეფს ხოლო ფთხინთ მოხვარას, მუთ უჯგუშო მოგინებაფუანა დუდის. ქოძირით ვიდეო დო უკულ გარჩით თუდო მოჩამილ კითხვა:
-
მუჭო მეხვარეს უხუცესეფქ კენონს, დართუკო იეჰოვას?
ჩქი უხუცესეფს ალალას ოკო ვეჩუათ ირფელ; თინეფ მზათ რენა, მიმეხვარან. წეკითხით იაკობიშ 5:16 დო უკულ გარჩით თუდო მოჩამილ კითხვა:
-
მუჭო გეადვილებნა უხუცესეფს ჩქინ მოხვარა, მუჟამსით თინეფს ალალას ქივეჩიებუთ?
აღიარით ცოდვა, ალალას ქუდურაგადეთ უხუცესეფს დო მიღით იეჰოვაშ მოხვარა
4. გარიცხვა ოხვარ კრებას დო შემცოდველს
პიროვნება, მიდგაქ სერიოზულო შეცოდ დო ვარიას იჩიებ იეჰოვაშ ნორმეფიშ მეჸუნაშე, მეტო ვა დოსქიდუ კრებას დო გერიცხებ. ჩქი მუთუნნერ ურთიერთობა ვა მიღნა თეცალ პიროვნებაწკუმა დო ვართ ვურაგადუთ თის. წეკითხით 1 კორინთელეფიშ 5:6, 11 დო 2 იოანეშ 9—11. უკულ გარჩით თუდო მოჩამილ კითხვა:
-
მუჭოთ ქობალიშ ეიოჸუნაფალ ეიჸუნანს ცომს თეშ, მუჭო იმოქმედენს მოუნანიებელ შემცოდველწკუმა ურთიერთობა კრებაშა?
მართალ რე, გარიცხვა მტკივნეულ რე, მარა თიქ ბრელს მეხვარ, მუშ დაშებულს ქიმეხვადკო დო დირთკო კრებაშა (ფსალმუნი 141:5). ქოძირით ვიდეო დო უკულ გარჩით თუდო მოჩამილ კითხვა:
-
მუჭო მეხვარ სონიას გარიცხვაქ?
მუჟამსით მიდგარენ ირიცხებ, . .
-
მუჭო განადიდენს თენა იეჰოვაშ სახელს?
-
მუჭო ოძირანს თენა, ნამდა იეჰოვა სამართლიან დო მოჸოროფე რე?
5. იეჰოვა მაპატიენა, მუჟამსით იმნანიენთ
იესოშ მოჸუნაფილ მაგალით მოხვარნა თიშ გაგებას, მუს გინაფლენს იეჰოვა, მუჟამსით პიროვნება ინანიენს. წეკითხით ლუკაშ 15:1—7 დო უკულ გარჩით თუდო მოჩამილ კითხვა:
-
მუს გურაფლენთ თავრეშე იეჰოვაშ გურშენ?
წეკითხით ეზეკიელიშ 33:11 დო უკულ გარჩით თუდო მოჩამილ კითხვა:
-
მუ მნიშვნელოვან ნაბიჯეფ მიშურს მონანიებაშა?
ჭყიშცალო, იეჰოვა ხოლო მანგარო ზრუნენს მუშ შხურშე
ნამთინექ შილებე თქუას: „უხუცესეფს ჩქიმ ცოდვაშ გურშენ ქოუწუენ, მოშქურ, გებრიცხე“.
-
მუ შეილებნა უწუათ თის, მით თაშ ფიქრენს?
დასკვნა
სერიოზულო შეფცოდით, მარა მთელ გურით ქიმნანიენთ დო არასწორიშ კეთებას მივოტენთ-და, იეჰოვა მაპატიენა.
გამეორებელ კითხვეფ
-
მუშენ რე ჩქინო ჯგირ იეჰოვაშ წოხოლე ცოდვეფიშ აღიარება?
-
მუ ოკო ვაკეთათ, ცოდვეფქ მეპატუანინ?
-
სერიოზულო შეფცოდით-და, მუშენ ოკო ფთხუათ მოხვარა უხუცესეფს?
დამატებით მასალა
ქოძირით, მუჭო გიმოცად ართ კოჩიქ იეჰოვაშ ჭყოლოფა, ნამდგაშენ ესაიაშ 1:18-ს მეურს ჩიება.
მუჭო შილებე გარიცხვაქ არძას მოუღას ჯგირობუა?
„გარიცხვა ჸოროფაშ გიმოხანტუა რე“ („გინაჯინალ კოშკი“ 15 აპრილი, 2015 წ.)
ქიგეგით, მუჭო შეილებნა ეუნწყათ იეჰოვაშ მოწმე ვა რენ ფერს გარიცხვაშ გურშენ.
„ქოიღნანო ურთიერთობა თქვან რელიგიაშ ყოფილ წევრეფწკუმა?“ (ვებ მასალა)
ბიოგრაფიაშე: „ქიმეფხვად, ნამდა იეჰოვას ოკო დუვართკო“, ქიგეგით, მუშენ ფიქრენდჷ ართ კოჩ, ნამდა იეჰოვას ოკოდ, თიქ კინ დართუკო ჭეშმარიტებას.
„ბიბლია ხალხიშ ცხოვრებას თირანს“ („გინაჯინალ კოშკი“ 1 აპრილი, 2012 წ.)
შილებე თექ ხოლო მიგეწონან
ᲑᲠᲔᲚᲨᲐ ᲓᲝᲡᲣᲛᲐᲚᲘᲠ ᲙᲘᲗᲮᲕᲔᲤᲘ
მუჭო იტარებ ბიბლიაშ გურაფა იეჰოვაშ მოწმეეფწკუმა ართო?
იეჰოვაშ მოწმეეფწკუმა ბიბლიაშ უფასო გურაფაშ დროს, შეილებნა ბიბლიაშ ნებისმიერ თარგმანიშ გიმორნაფა. ბიბლიაშ გურაფაშა შეილებნა დაპატიჟათ მთელ ოჯახ ვარდა მეგობრეფ.
