UMBUESÁ 57
Maã usú uajudari indé remuñhã ramé pecado turusuwaá?
Até resaisú ramé Jeová ne piá suí, asuí reyuesforçari ramé remuñhã arama maã aé upurandú, amuramé resú reyawí. Ma aikué pecado turusú piriwaá amuitá suí. (1 Korintowaraitá 6:9, 10) Sá remuñhã pecado turusuwaá, te ne resarai Jeová ti upituú usaisú indé. Aé uputari uperdoari asuí uajudari indé.
1. Maã yarikuté yamuñhã Jeová uperdoari arama yandé?
Yepé mira usaisuwaá Jeová upitá sasiára retana umuñhã ramé pecado turusuwaá. Ma umusurí aé ukuá resewara Jeová umbeu imiraitá supé: “Embora os seus pecados sejam como escarlate, serão tornados brancos como a neve.” (Izaía 1:18) Sá yayuarrependeri yané piá suí, Jeová usú uperdoari yandé ipiá suí yuíri. Mayé yaxari Jeová ukuá yaikú arrependido? Yayuarrependeri ramé yané piá suí, kuá usú umuñhã yaxari yané pecado asuí yapurandú Jeová irum uperdoari arama yandé. Ariré yasú yatrocari yané manduarisá asuí maã yamuñhãwaá. Asuí yuíri yasú yamuñhã maã Jeová upurandú yamuñhã arama. — Peleri Izaía 55:6, 7.
2. Mayé Jeová usari anciãoitá ta uajudari arama yandé yamuñhã ramé pecado?
Sá yamuñhã pecado turusuwaá, Jeová upurandú yakuntari arama anciãoitá irum. (Peleri Tiago 5:14, 15.) Anciãoitá ta usaisú Jeová asuí iovelhaitá. Aintá ta usari Bíblia ta uajudari arama yandé yarikú arama amizade kirimbá Jeová irum mukũisá. — Galasiawaraitá 6:1.
Mayé anciãoitá ta uajudari yandé sá yamuñhã pecado turusuwaá? Mukũi u musapiri anciãoitá ta usú ta usari Bíblia ta umukameẽ arama marã ti puranga maã yamuñhã. Aintá ta usú ta umbeu maã yapoderi yamuñhã ti arama yamuñhã pecado mukũisá. Amuramé aintá ta usú ta umbeu ti yapoderi yamuñhã yepeyepé maã congregação upé até yapitá kirimbá espiritualmente mukũisá. Ape, maã usasá sá yepé mira umuñhã pecado turusuwaá asuí ti uyuarrependeri? Usasá ramé kuayé, anciãoitá ti ta usú ta uxari kuá mira upitá congregação upé, ñhãsé aé upoderi umuapatuka amuitá.
REYUMBUÉ PIRI ARAMA
Remaã mayé Jeová upoderi uajudari yandé yamuñhã ramé pecado turusuwaá.
3. Yakuntari ramé maã yamuñhã uajudari yandé
Mairamé yamuñhã pecado, yamusasiára Jeová piá. Yawewaá resewara yaprecisari yambeu yané pecado resé ixupé. Peleri Salmuitá 32:1-5, ariré pekuntari kuá resé:
-
Marã puranga piri yakuntari Jeová supé maã yamuñhãwaá asuí ti yayumimi yané pecado?
Yambeu ramé yané pecado resé Jeová supé, puranga yandé arama yapurandú yuíri ajuda anciãoitá supé. Pemaã kuá VÍDEO, ariré pekuntari kuá resé:
-
Kuá vídeo upé, mayé anciãoitá ta uajudari Canon uyuíri arama Jeová supé?
Yarikuté yambeu supiwaá anciãoitá supé, ñhãsé aintá ta uputari ta uajudari yandé. Peleri Tiago 5:16, ariré pekuntari kuá resé:
-
Marã iwasuíma piri anciãoitá supé ta uajudari arama yandé mairamé yambeu pañhe maã yamuñhãwaá?
Rekuntari ne pecado anciãoitá supé, te reganani aintá asuí rexari Jeová uajudari indé.
4. Desassociação aé yepé ajuda Jeová umeẽwaá
Sá yepé mira umuñhã pecado turusuwaá asuí ti uputari umuñhã maã Jeová upurandú, tiã upoderi upitá congregação upé. Ape tiã yapoderi yakuntari irum ne yayumuatiri kuá mira irum. Peleri 1 Korintowaraitá 5:6, 11 asuí 2 João 9-11, ariré pekuntari kuá resé:
-
“Kuá maniaka ambeka saiwaa uxari sai ae panye aintaukitikawaa.” Ape, sá yayumuatiri awaitá irum tiwaá ta uyuarrependeri ta pecado suí, mayé ta upoderi ta umuapatuka pañhe miraitá congregação upé?
Siya desassociadoitá u miraitá ta uxariwaá congregação, amuramé ta uyuíri congregação kití. Aintá ta umaã mayé ta upurará ta uxari resewara congregação, ma kuíri ta uputari ta uyumusatambika. (Salmuitá 141:5) Pemaã kuá VÍDEO, ariré pekuntari kuá resé.
-
Kuá vídeo upé, marã desassociação uajudari Sônia?
Mayé desassociação . . .
-
ti uxari ta umukiá Jeová rera?
-
umukameẽ Jeová yepé Deus satambika asuí usaisuwaá yandé?
5. Jeová uperdoari yayuarrependeri ramé
Jesus ukuntari yepé história uajudari arama yakuá mayé Jeová uyusaã mairamé yepé mira uyuarrependeri. Peleri Luka 15:1-7, ariré pekuntari kuá resé:
-
Maã yayumbué Jeová resé kuá versículo upé?
Peleri Ezekiel 33:11, ariré pekuntari kuá resé:
-
Maã yarikuté yamuñhã yaxari arama ta ukuá yayuarrependeri yané piá suí?
Mayé yepé pastor, Jeová uyupreocupari asuí umuñhakunta iovelhaitá resé
YEPEYEPÉ MIRAITÁ TA UMBEU: “Asikié ambeu anciãoitá supé maã amuñhãwaá, asuí aintá ta uyuka ixé congregação suí.”
-
Maã taá repoderi rembeu yepé mira supé uyusaãwaá kuayé?
MAÃ REYUMBUÉ
Sá yamuñhã pecado turusuwaá, Jeová upoderi uperdoari yandé. Ma yarikuté yayuarrependeri yané piá suí asuí tiã yamuñhã pecado mukũisá.
Remanduári arama
-
Marã puranga yambeu yané pecado resé Jeová supé?
-
Maã yarikuté yamuñhã Jeová uperdoari arama yandé?
-
Sá yamuñhã pecado turusuwaá, marã yarikuté yasikari anciãoitá ajuda?
REPUTARI SERÁ REKUÁ PIRI?
Remaã mayé yepé apigá usaã Jeová purangasá, mayé umbeu Izaía 1:18 upé.
Mayé desassociação uajudari kuá mira, ianama, asuí miraitá congregação upé?
“Marã desassociação umukameẽ Jeová saisusá miraitá rupí” (A Sentinela, 15 de abril de 2015)
Remaã mayé repoderi rembeu desassociação resé awaitá supé tiwaá yepé Umbeusá Jeová resé.
“Será Umbeusaitá Jeová resé ti ta ukuntari miraitá irum tiã yepé Umbeusá Jeová resé?” (Artigo do jw.org)
Remaã arama marã yepé apigá uxariwaá kuera uadorari Jeová, usaã Jeová uputari aé uyuíri arama ixupé, releri kuá história “Ixé aprecisari ayuíri Jeová supé”.
“Bíblia utrocari miraitá vida” (A Sentinela, 1° de abril de 2012)
