Kwityen ki vwé détèminé pou pa kité anyen ében pyèsonn donmajé wilasyon yo épi Jéhova. Asiwé sé konsa ou ka santi. Alò, Jéhova ka vwéman apwésyé fidèlitéʼw. (Li 1 Kwonnikèl 28:9.) Mé ki sitiwasyon ki sa fèʼy difisil pou ou wèsté fidèl pou Jéhova, èvèk kisa ki sa édéʼw wèsté fidèl?

1. Ki mannyè moun sa fèʼy difisil pou nou wèsté fidèl pou Jéhova?

La ni moun ki ka éséyé pou anpéché nou sèvi Jéhova. Mé pitèt ou ka katjilé, ki moun ki kay vlé fè an mové bagay kon sa? Ében, la ni moun ki kité ògannizasyon Jéhova èk yo ka simen mansonj konsèné ògannizasyon-an, pou yo sa détwi lafwa nou. Nou ka kwiyé sé moun sala apòsta. Osi la ni mèt wilizyon ki ka simen enfòmasyon ki pa vwé konsèné nou. Èk si nou pa pwan pokosyon enfòmasyon sala sa annékòz nou pou kité lavéwité-a. Alò, nou pa sipozé tjenn konmézasyon épi moun ki ka òpozé lavéwité-a. Osi nou pa sipozé li liv yo, gadé vidiyo yo fè, ében bagay yo mété asou intannèt-la. Konsèné moun ki vlé anpéché lòt moun sèvi Jéhova, Jézi di: “Kité yo bat mizè yo. Yo sé menm kon an nonm avèg ki ka mennen an lòt avèg, épi lè yon avèg ka mennen an lòt, yo toulé dé kay tonbé [adan] an kannal.”​—Mafyou 15:14.

Mé, kisa ou kay fè si on moun ou konnèt désidé i pa vlé sèvi Jéhova ankò? Ében, lè on moun nou enmen désidé i pa vlé sèvi Jéhova ankò, sa ka kasé tjè nou. Sé konmsi moun-lan ka fosé nou pou chwazi ant li èvèk Jéhova. Mé nou ni pou détèminé pou wèsté fidèl pou Jéhova. (Mafyou 10:37) Konsa, nou ka obéyi konmandman Jéhova pou pa ni anyen pou fè épi moun ki doubout sèviʼy.​—Li 1 Kòrint 5:11.

2. Si nou vlé wèsté fidèl pou Jéhova, kisa nou sipozé wèsté hòd?

Lè nou enmen Jéhova, sa ka pousé nou pou pa ni anyen pou fè épi fo wilizyon. Konsa, ki sé twavay nou, ki sé népòt aktivité nou ka pwan pa adan, yo pa sipozé ni anyen pou fè épi fo wilizyon. Anfen Jéhova di nou: “Ou, sé moun mwen-an, lévé sòti andidan [Gwan vil Babilonn-an].”​—Wévélasyon 18:2, 4.

 ANNOU APWANN PLI

3. Pwan pokosyon épi fo enstwiksyon

Lè nou tann bagay ki pa vwé konsèné ògannizasyon Jéhova, kisa nou sipozé fè? Annou li Pwovèb 14:15, èk apwé nou kay kozé asou kwèsyon sala:

• Pouki nou ni pou pwan pokosyon èk pa kwè tout sa nou tann?

Annou li 2 Jan 10, èk apwé nou kay kozé asou kwèsyon sala:

• Koumannyè nou sipozé twété moun ki apòsta?

• Menm si nou pa ka tjenn konmézasyon épi moun ki apòsta, an ki diféwan mannyè nou sa konnèt sé bagay-la yo ka enstwi-a?

• Ki mannyè ou kwè Jéhova kay santi si nou kouté mansonj konsènéʼy, ében konsèné ògannizasyonʼy?

4. Wèsté fidèl pou Bondyé lè on fwè ében on sè fè on péché ki gwav

Siʼw apwann on fwè ében on sè fè on péché ki gwav, kisa ou sipozé fè? Annou konsidiwé on pwensip ki an Lwa-a Bondyé té bay nasyon Izwayèl. Annou li Livitikòs 5:1.

Silon vèwsé sala, si nou apwann on fwè ében on sè fè on péché ki gwav nou sipozé di sé ansyen-an sa nou konnèt. Mé avan nou palé épi sé ansyen-an, i kay bon pou nou palé épi moun-lan èvèk ankouwajéʼy pou di sé ansyen-an konsèné péché-a i fè-a. Si moun-lan pa alé oti sé ansyen-an, nou sipozé di sé ansyen-an sa nou konnèt. Lè nou fè sa, ki mannyè nou ka moutwé lanmityé fidèl pou . . .

• Jéhova?

• fwè-a ében sè-a ki péché-a?

• lézòt moun an kongwigasyon-an?

 5. Wèsté lwen fo wilizyon

 CHONJÉ SÉ PWEN SALA

Si nou vlé wèsté fidèl pou Jéhova, nou pa sipozé ni anyen pou fè épi moun ki pa fidèl pou li. Osi nou ni pou wèsté lwen tout fo wilizyon.

Annou Wivizé Sa Nou Ja Apwann

• Pouki nou pa sipozé li, gadé, ében kouté enstwiksyon apòsta?

• Ki mannyè nou sipozé twété moun ki pa vlé sèvi Jéhova ankò?

• Kisa nou sa fè pou tiwé kò nou an fo wilizyon?