Kristotɔ adodwiwo delɔnnɔ ŋɖe danahɛn ekacaca ci yí le wowo koɖo Yehowa gblamɛ o. Kankandoji li mɔ ahanke ele nɔ eɔ can nɛ. Egbejinɔnɔ aotɔ le veviɖe nɔ Yehowa. (Hlɛn 1 Kronika 28:9.) Enujɔjɔ ciwo yí atɛnŋ avado egbejinɔnɔ aotɔ kpɔɔ, yí nyi yí atɛnŋ akpedo eo nu nakpanŋkɔ wo yí anɔ gbeji nɔ Yehowaɔ?

1. Lé mɛbuwo atɛnŋ ado egbeji ci èle nɔ Yehowa kpɔ doɔ?

b Mɛɖewo atekpɔ mɔ yewoaxe mɔ nɔ mì mìasɛn Yehowa aglo. Miwo han anyi druɔ? Mɛɖewo gbe mɔ yewodagbesɛn Yehowa o. Ecɛyɛɔ, wovatɔ ŋsunyɔwo kakaka so yi habɔbɔ lɔ nu keŋ asɔ dahɛn nu le mìwo xɔse nu. Woyɔnɔ wo mɔ xɔsegbetɔwo. Gbesɔ kpe niɔ, sɛnsɛnŋkɔnɔtɔ ɖewo can nunɔ ŋsunyɔwo so mì nu nɔ amɛmanyaɖewo ato le nyɔnɔnywi lɔ mɛ. Afɔku teŋ anyi nɔ mì, nɔ mìxonɔ nuxu koɖo egufɔntɔ cɛwo, hlɛnnɔ wowo wemawo, kpɔnɔ wowo videowo alo enu ciwo woŋwlɛnɔ do wowo sitiwo ji. Yesu nu so mɛ ciwo yí tenɔkpɔ mɔ yewoagbɔjɔ mɛbuwo nɔ woasɛn Yehowa le gbejinɔnɔ mɛ aglo nu mɔ: “Mí tashi wo! Ŋkuvitɔnnɔ ciwo yí donɔ asɛ emɔ nɔ ŋkuvitɔnnɔwo ke yí wo nyi. Nɔ́ ŋkuvitɔnnɔ ɖekatɔ kplɔ ŋkuvitɔnnɔ xlɔtɔ yìkɔ ɔ, wowo amɛve lɔwo bɔnɔ doju vayì jenɔ dodu ɖeka mɛ.”—Matie 15:14.

Vɔ nɔ mɛɖe ci èjeshi ɖɛ nywiɖe vasɔ gbeta mɔ yedagbesɛn Yehowa ɖe? Ave sugbɔ nɔ enyi mɔ mìwo mɛ vevi ɖe yí wa ahan. Mɛ cɛ tɛnŋ ʒin mì ji mɔ mìwo le sɔ mɛɖeka le ye koɖo Yehowa mɛ. (Matie 10:37) Eyi taɖo mìsenɔ tonu nɔ Yehowa yí mìdecanɔ gbɛ koɖo nɛnɛmunɔwo o.—Hlɛn 1 Korɛntitɔwo 5:11.

2. Mìwoŋtɔ gbetasɔsɔ ciwo yí atɛnŋ ado egbeji ci mìle nɔ Yehowa kpɔɔ?

Lɔnlɔn ci mìɖo nɔ Yehowa adɔ yí mìdaɖo ekacaca ɖekpokpui koɖo ŋsusɛnsɛn o. Edɔ ci mìwanɔ alo gbɛbɔbɔ ɖe ci mɛ mìle deɖo aca eka ɖekpokpui koɖo ŋsusɛnsɛn o. Yehowa kanxle mì mɔ: “Mí to le [Babiloni gangan] lɔ mɛ míwo ciwo yí nyi anyi jukɔn.”—Enyɔdasɛ 18:2, 4.

 JI DWI NI KPƆ DOJI

3. Kpɔ nywiɖe nɔ ŋsunukplamɛtɔwo ŋgbeble eo o

Nɔ mìse enyɔ masɔgbewo so Yehowa habɔbɔ lɔ nu ɖe, lé mìɖo awa nu doɔ? Hlɛn Elododo Wema 14:15, keŋ agbeje biɔse cɛ mɛ:

• Nyi yí taɖo mìnɔnɔ zanŋte yí mìdekannɔdo enyɔ ɖekpokpui ci mìse jiɔ?

Hlɛn 2 Ʒan 10, keŋ agbeje biɔse cɛwo mɛ:

• Lé mìɖo awa nu ɖaɖa xɔsegbetɔwo gbɔ doɔ?

• Nɔ mìdeca ka ɖe koɖo xɔsegbetɔwo tiin can ɖe, lé ajɔ do yí mìavatɔ wowo nukplamuwo xɔxɔɔ?

• Nɔ mìxa vayi seseɛ enyɔmaɖyinyɔwo so Yehowa koɖo yi habɔbɔ lɔ nu ɖe, lé èkpɔ mɔ yɛawa nɔ Yehowaɔ?

4. Kpɔtɔ anɔ gbeji nɔ Mawu nɔ nɔvi ɖe wa nuvɔn

Nɔ mìse mɔ nɔvi ɖe wa nuvɔn gangan ɖe le hamɛ lɔ mɛ ɖe, nyi ele dandanmɛ mɔ mìawaɔ? Kpɔ gɔnmɛɖose ɖeka ci yí le ese ci Mawu na Izraɛliviwo le blema mɛ. Hlɛn 1 Ese Wema 5:1.

Nɔ mìkpɔ alo mìse mɔ nɔvi ɖe wa nuvɔn gangan ɖeɔ, ele mɔ mìanu enu ci mìnya so nyɔ lɔ nu nɔ hamɛmɛshinshinwo shigbe lé wonui le kpukpui lɔ mɛ nɛ. Gbɔxwe mìawɛ ahan ɔ, anyɔ mɔ mìanu nɔ mɛ ci yí wa nuvɔn lɔ mɔ yɛŋtɔ le yi tui nɔ hamɛmɛshinshinwo keŋ asɔ dasɛ ni mɔ mìluin. Nɔ dewɛɔ, mìanɔ gbeji nɔ Yehowa keŋ ayi nu ŋci mìnya so nyɔ lɔ nu nɔ hamɛmɛshinshinwo. Nɔ mìwɛ ahan ɖe, lé adasɛ do mɔ mìɖo lɔnlɔn egbejinɔnɔtɔ nɔ . . .

• Yehowa Mawuɔ?

• mɛ ci yí wa nuvɔn lɔɔ?

• mɛkpɛtɛ ciwo yí le hamɛ lɔ mɛɔ?

 5. Nɔ azɔge nɔ Babiloni gangan lɔ

 ENU CI ÈKPLA

Gbɔxwe mìakpɔtɔ anɔ gbeji nɔ Yehowaɔ, ele mɔ mìagbe ha nɔ mɛ ciwo yí denɔnɔ gbeji ni o. Ele mɔ mìaso ekacaca ɖekpokpui koɖo ŋsusɛnsɛnhawo vɛ keŋkeŋ hɛnnɛ.

Enumɛtoto

• Nyi yí taɖo dele mɔ mìakpɔnɔ, ahlɛnnɔ alo asenɔ xɔsegbetɔwo susuwoɔ?

• Lé mìɖo awa nu ɖaɖa mɛ ciwo yí degbeji mɔ yewoanyi Yehowa Kunuɖetɔwo gbɔ doɔ?

• Lé mìatɛnŋ awa do amɛkanxlenyɔ ci yí nyi mɔ mìashi nɔ ŋsusɛnsɛnhawo ji doɔ?