Ro matuod nga mga Cristyano hay determinado gid nga indi pagsugtan ro maskin ano o maskin sin-o nga magpapundo sa pagsimba kay Jehova. Sigurado gid nga makaruyon man ing nabatyagan. Importante kay Jehova ro imong katutom. (Basaha ro 1 Cronica 28:9.) Sa anong mga sitwasyon matestingan ro ing katutom kana, ag paano mo ra atubangon?

1. Paano matestingan it iba ro atong katutom kay Jehova?

Ginatinguhaan it iba nga papunduhon kita sa pag-alagad kay Jehova. Sin-o ro pwedeng mag-obra kara? May mga nagpundo sa pag-alagad kay Jehova, ag nagasugid sanda makaron it mga kapurilan parti sa organisasyon it Dyos tungod gusto nanda nga paeuyahon ro atong pagtuo. Ginatawag sanda nga mga apostata. Ro pila man sa mga relihiyusong lider hay nagapakalat it mga saea nga impormasyon parti katon agud kumbinsihon ro iba nga aywanan ro kamatuoran. Indi gid kita dapat magdebate sa mga apostata, magbasa it andang mga libro o blog, mag-agto sa andang mga website, o magtan-aw it andang mga video. Naghambae si Jesus parti sa ratong mga gustong magpapundo katon sa pag-alagad kay Jehova: “Pabay-i sanda! Mga bulag sanda nga manogtuytoy, ag kon ro bulag magtuytoy sa isaeang ka bulag, sanda nga daywa mahueog sa kanae.”—Mateo 15:14.

Paano kon may kilaea kita nga owa eon naila nga mangin Saksi ni Jehova? Makasueobo gid kon maeapit katon ro nag-obra karon. Pwede kita piliton it ruyong tawo nga pilion imaw o si Jehova. Dapat determinado gid kita nga magpabilin nga matutom sa Dyos. (Mateo 10:37) Ngani, ginasunod gid naton ro sugo ni Jehova nga indi mag-iba sa ruyong mga tawo.—Basaha ro 1 Corinto 5:11.

2. Paano matestingan it atong personal nga desisyon ro atong katutom kay Jehova?

Ro pagpalangga kay Jehova hay makapahueag katon nga likawan ro pag-intra sa mga ueobrahon it buko’t matuod nga relihiyon. Dapat nga ro atong trabaho, mga organisasyon nga ginaintrahan, ag mga ueobrahon hay buko’t konektado sa buko’t matuod nga relihiyon. Nagpaandam si Jehova katon: “Gumuwa kamo, [sa Bantug nga Babilonia] mga tawo ko!”—Pahayag 18:2, 4.

 TUN-I PA GID

3. Mag-andam sa buko’t matuod nga mga manogturo

Ano ro dapat natong reaksyon kon makabati kita it negatibong mga bagay parti sa organisasyon ni Jehova? Basaha ro Hulubaton 14:15, ag talakaya rayon rayang pangutana:

• Ham-an indi naton pagpatihan ro tanan natong mabatian?

Basaha ro 2 Juan 10, ag talakaya rayon rayang mga pangutana:

• Ano ro dapat natong obrahon sa mga apostata?

• Paano kita maimpluwensyahan it mga apostata maskin pa owa kita nagaistorya kanda?

• Kon kimo, ano ro mabatyagan ni Jehova kon pamatian naton ro negatibo nga mga ginahambae parti kana o sa anang organisasyon?

4. Magpabilin nga matutom sa Dyos kon makasaea ing igmanghod

Kon masayran naton nga nakaobra it seryoso nga saea ro atong igmanghod sa kongregasyon, ano ro dapat natong obrahon? Tan-awa ro prinsipyo halin sa Kasugoan it Dyos sa Israel kato. Basaha ro Levitico 5:1.

Base sa instruksyon sa ruyong teksto, kon nasayran naton nga ro sangka tawo hay nakaobra it seryoso nga saea, kinahang-ean nga isugid naton ra sa mga elder. Pero bago ron, palig-unon naton imaw nga isugid na sa mga elder ro anang haobra nga saea. Kon indi na ron pag-obrahon, makabulig katon ro katutom kay Jehova nga isugid sa mga elder ro atong nasayran. Paano ro pag-obra karon nagapakita it mainunongon nga gugma para . . .

• kay Jehova nga Dyos?

• sa tawo nga nakasaea?

• sa iba pa sa kongregasyon?

 5. Magguwa sa Bantug nga Babilonia

 SUMARYO

Para makapabilin nga matutom kay Jehova, dapat natong likawan nga makig-iba sa ratong mga nag-aywan kana. Kinahang-ean man natong magbueag sa buko’t matuod nga relihiyon.

Review

• Ham-an indi naton dapat tan-awon, basahon, o pamatian ro mga ideya it mga apostata?

• Ano ro dapat natong obrahon sa mga owa eon naila nga mangin Saksi ni Jehova?

• Paano naton masunod ro paandam nga magguwa sa buko’t matuod nga relihiyon?