Чындык христиандар Иеговала јуук колбуларын кем де, не де ӱреп салбазын деп бек шӱӱп алган. Слер де Иеговала јуук колбулараарды баалап турган болороор. Иегова слердиҥ ого чындык артарга албаданып турганаарды баалап турган. (1 Летопись 28:9 кычырыгар.) Кандый айалгада Кудайга чындык артарга, слерге кӱч болордоҥ айабас? Слерге не болужар?

1. Кезик улус бисти Иегованаҥ туура апарарга канайып умзанат?

Кезик улус бисти Иеговага иштебезин деп кӱӱнзейт. Олор кемдер? Темдектезе, чындыктаҥ јана баскан улус — олор бистиҥ бӱдӱмјисти ӱреерге, Кудайдыҥ организациязы керегинде тӧгӱн јетирӱлер јайат. Анайда ок бистер керегинде кезик кудай јаҥдардыҥ ӱредӱчилери база тӧгӱн неме куучындайдылар. Олордыҥ амадузы — бӱдӱҥкей ле ајарынбас улусты чындыктаҥ туура апарары. Оныҥ учун андый улусла кожо куучындажары, ол эмезе олордыҥ бичиктерин эмезе блогторын кычырары, олордыҥ сайттарына кирип, видеолорын кӧрӧри коркышту јеткерлӱ болот. Чындык христиандардыҥ бӱдӱмјизин бузарга умзанатан улус керегинде Иисус мындый сӧстӧр айткан: «Олор — сокорлордыҥ сокор башчылары. Сокорды сокор јединзе, экилези орого тӱжер» (Матфей 15:14).

Бистиҥ билер кижи Иегованыҥ Керечизи база болбос деп шӱӱп алган болзо, канайдар? Андый кижи бистиҥ јуугыс болзо, биске коркышту тыҥ ачу болот. Ол кижи биске: «Эмезе мен, эмезе Иегова!» — деп айдардаҥ айабас. Је бис озо ло баштап Иегова Кудайыска чындык артарга турганыс (Матфей 10:37). Оныҥ учун бис Иеговага сӧсуккур болуп, андый улусла куучындашпай јадыс. (1 Коринфтегилерге 5:11 кычырыгар.)

2. Недеҥ улам Иеговага чындыгыс ченелердеҥ айабас?

Иегованы сӱӱп турганыстаҥ улам, тӧгӱн кудай јаҥла бир де колбу тутпаска албаданадыс. Темдектезе, бистиҥ ижис эмезе ӧскӧ кандый бир керектерис тӧгӱн кудай јаҥла колбулу болбозын деп кӱӱнзейдис. Анайда ок тӧгӱн кудай јаҥла колбулу, ол эмезе тӧгӱн кудай јаҥга кандый бир эп-аргала јӧмӧжип турган организацияларга бир де кирбей јадыс. Иегова бисти: «Калыгым... бу каладаҥ [Улу Вавилонноҥ] чык» — деп кычырат (Ачылта 18:2, 4, ЈТ).

 ТЕРЕҤЖИДЕ КӦРӰГЕР

3. Кудай керегинде тӧгӱн неме айдып турган улустаҥ коруланыгар

Иегованыҥ организациязы керегинде јаман јетирӱ угуп ийзеес, канайдарыс? Укаа сӧстӧр 14:15 кычырып, суракты шӱӱжип ийигер:

• Нениҥ учун уккан ла немеге бӱтпес керек?

2 Иоанн 10 (ЈТ) кычырып, сурактарды шӱӱжип ийигер:

• Јана баскандарга канайып баштанар керек?

• Бис јана баскандарла куучындашпай турган да болзоос, олордыҥ каршулу санаа-шӱӱлтезине канайып кире берердеҥ айабазыс?

• Иегова керегинде ле оныҥ организациязы керегинде тӧгӱн јетирӱлерле јилбиркеп турзаас, Иегова нени сезер?

4. Јуунда кем-кем кинчек эткен де болзо, Кудайга чындык артыгар

Кем-кем јуунда уур кинчек эткен деп угуп ийзеес, биске нени эдер керек? Кудай јебрен Израильге берген Јасакта кандый принцип барын кӧрӱп ийектер. Левит 5:1 кычырыгар.

Бу ӱлгерле болзо, кемниҥ-кемниҥ уур-кинчек эткенин угуп ийзеес, аксагалдарга айдар керек. Је озо баштап кинчек эткен кижини аксагалдарга јууктап, кинчегин олорго куучындазын деп кӱӱнзедер керек. Ол кижи аксагалдарга айтпаза, бис Иеговага чындык болорго турганыстаҥ улам, аксагалдарга кижиниҥ кинчегин айдып саларыс. Мынайып бис сӱӱжисти ле чындыгысты канайып кӧргӱзерис:

• Иегова Кудайга?

• кинчек эткен кижиге?

• јуундагы ака-эјелерге?

 5. Улу Вавилонло бир де колбу тутпагар

 ТӦС ШӰӰЛТЕЗИ

Кудайга чындык артарга, оноҥ јана баскан улусла куучындашпас керек. Анайда ок тӧгӱн кудай јаҥла кандый да колбу тутпас керек.

Нени билип алдыгар?

• Бис нениҥ учун јана баскандардыҥ ӱредӱлерин кӧрбӧй дӧ, укпай да, кычырбай да јадыс?

• База Иегованыҥ Керечили болбой турган улуска бис канайып баштанар учурлу?

• Тӧгӱн кудай јаҥнаҥ чыгары ол не дегени?