Pasti bertekad do sude halak Kristen na sittong menjaga hubungan ni nasida tu Jahowa. Dang olo nasida manang aha pe dohot manang ise pe manegai i. Pasti songon i do tong na dihilala hamu. (Jaha 1 Kronika 28:9.) Akka aha ma na boi mambahen hamu maol tetap setia tu Jahowa? Jala boha do carana mengatasi i?

1. Ise do na boi mambahen hita maol tetap setia tu Jahowa?

Adong do piga-piga halak na berusaha mambahen hita asa unang manomba Jahowa be. Akka ise ma i? Piga-piga halak na dipakaluar sian organisasi olo do paroa-roahon organisasi ni Debata. Tujuanna lao manegai haporseaotta. Didok do nasida halak na murtad. Adong muse pamimpin agama na paboahon informasi na so sittong taringot hita. Tujuanna asa boi akka dongan na so manat kaluar sian organisasi. Alani i, unang ma olo hita makkatai tu halak sisongon i. Unang ma tajaha bukku ni nasida manang blog ni nasida. Unang ma taida situs web ni nasida jala unang ma tatonton video ni nasida. Alana berbahaya do i. Songon on do didok Jesus taringot akka halak na berusaha mambahen hita dang setia tu Jahowa, “Pasombu ma disi. Panogu-nogu na mapitung do nasida. Molo na mapitung manogu-nogu na mapitung, rap madabu ma na nasida na dua tu lombang.”—Mateus 15:14.

Boha do molo adong donganta na mamutusson dang olo be ibana gabe Saksi Jahowa? Pasti lungun do rohatta, apalagi ma molo dongan kompakta ibana. Olo do ra dipaksa ibana hita mamillit, naeng mangihutton ibana do manang mangihutton Jahowa. Alai ikkon bertekad do hita asa tetap setia tu Jahowa sian tu manang ise pe. (Mateus 10:37) Jadi taoloi ma paretta ni Jahowa na mangorai hita mardongan tu halak sisongon i.—Jaha 1 Korint 5:11.

2. Keputusan aha do na ikkon tabahen lao patuduhon na setia hita tu Jahowa?

Didok Jahowa do tu hita, “Kaluar ma hamu sian [Babel na Balga], hamu naposokku.” (Pangungkapon 18:2, 4) Molo holong do rohatta tu Jahowa, pasti dang olo be hita gabe bagian sian agama na so sittong. Jadi dang olo hita mangulahon manang aha pe na adong hubunganna tusi. Jala dang olo be hita karejo manang bergabung tu organisasi na adong hubunganna tu agama na so sittong.

 ASA LAM TAATTUSI

3. Hati-hati ma tu halak na murtad

Aha do na ikkon taulahon molo tabege informasi na so sittong taringot organisasi ni Jahowa? Jaha Poda 14:15, dung i bahas ma sukkun-sukkun on:

• Porlu do hita porsea tu sude barita na tabege? Boasa?

Jaha 2 Johannes 10, dung i bahas ma sukkun-sukkun on:

• Ikkon boha do sikapta tu halak na murtad?

• Aha do na diulahon halak na murtad lao manegai haporseaotta, nang pe dang langsung nasida makkatai tu hita?

• Molo tatangihon hata ni halak na paroa-roahon Jahowa manang na paroa-roahon organisasina, boha do perasaan ni Jahowa?

4. Tetap ma setia tu Debata tikki adong donganta na mangulahon dosa na balga

Molo taboto adong donganta na mangulahon dosa na balga, aha do na ikkon taulahon? Taida ma prinsip na sian Patik na dilehon Debata tu halak Israel najolo. Jaha 3 Musa 5:1.

Didok di ayat i, molo taboto adong donganta na mangulahon dosa na balga, ikkon tapaboa do i tu akka sintua. Alai sebelum taulahon i, denggan do molo tajujui donganta na marsala i, asa ibana sandiri na mangakkui kesalahanna tu akka sintua. Molo dang olo ibana, hita ma na paboahon i tu akka sintua. Molo tabahen i, songon dia i patuduhon na setia jala holong rohatta tu . . .

• Debata Jahowa?

• donganta na marsala i?

• akka dongan di huria?

 5. Kaluar ma sian Babel na Balga

 KESIMPULAN

Asa boi hita tetap setia tu Jahowa, unang ma makkatai hita tu halak na murtad. Jala ikkon tapadao do diritta sian agama na so sittong.

Tinjauan

• Boasa dang boi tatonton, tajaha, manang tatangihon informasi na dipaboa halak na murtad?

• Molo adong donganta na so olo be gabe Saksi Jahowa, aha do na ikkon taulahon?

• Boha do carana mangoloi paretta ni Jahowa asa kaluar sian Babel na Balga?