Mkritè nyenyô be wap le khète ne tchyete laʼ thak ge sômywe ke sômmo le, ghe ge wap yaʼ ne pe gamte Jéova. A gô pe ywe ye o bo tcheng a. Jéova tchente ning deng ne you ne pe dendeng. (Ké 1 Mtchoung Israèl 28:9.) Ma potse fing ne le mlente sôʼ ne you ne pe dendeng ? Ke neng fing ne kwite o ?

1. She pô fing ne le lente sôʼ ne yôkpe ne pe dendeng bi Jéova m tchi ge ke ?

She pô gô tela ne ghe ge pe yaʼ ne pe gamte Jéova. We fing ne ghe tchi ywe bô ? She pô pye wap tak nyenyô neng a gôm mtchwanwe ne bemte Jéova, ne ne gre ge pe waʼ pintum yôkpe. Pou khé wap ge pe aposta. Bing kwiʼ ne, she mtadye tchôsi gôm mtchwanwe ne pe, ne ne gre ge pô pye wap ka pôm a, yaʼ ne pe gamte Jéova. A be a ka poung bi pe, ge pe ghômte pou a pô pye wap thé djuʼ ne nyenyô a, ge pe ké mŋwaʼgne map ke potse tsye wap bve ne èntèrnèt a le, gô ne sit èntèrnèt yap ke djô mvidéo map le. Yéso le ghôm ne pô pye wap thela ne ghe ge pyeshe pô yaʼ ne pe dendeng bi Jéova a ge : “Po tak wap neng : A be mfu, wap po tchya mfu; bya fu neng be tchya fu, be wap gô pemte vu tôm pepue.”—Matio 15:14.

Te bya taʼ mo ye pe jye é a le khète ge é te bo bing tcheng ne pe taʼ Kwithè Jéova pe ? Ya bô fing ne tchente djè wôkpe, tchwe ye a bo be taʼ mo tchum toundye yôkpe, ke taʼ so yôkpe a le. Mo bô fing ne tsegne wôkpe ne ghô ne yu pou Jéova, de yôkpe mo. Pe gô le khète ne tchwe pe dendeng bi Si, te tchye bi bawele. (Matio 10:37) Poʼo, pe djouʼgne ne mtchoʼ Jéova ne tchyete ping kheka tchi mo bô.—Ké 1 Korinto 5:11.

2. Mkhète mye pe de a daʼte be ye pe be dendeng bi Jéova a m tchi ge ke ?

Koungne yôkpe ne Jéova, tsegne wôkpe ne pôm ne tchyete pe ne sômywe pou a tchôsi shyeshwe. Ke a pe faʼ tsôkpe, ke taʼ bemte pe pe tchum o le; ke baya faʼ le ye pe gre a le, te gô pe be a tchoʼ ne sômywe pou a tchôsi shyeshwe pe. Jéova bapte wôkpe ge : “Po tem tchum [Babilôn gwye] m pô pe.”—Apokalipse 18:2, 4.

 PING TCHENG NE GÔ DZE

3. Pôm mtchitcha tchwanwe

Pe youʼ mo po thé bya ne bemte Jéova be pe gô ghe la ? Ké Mghôm jyenwe 14:15, neng gômte ne hente yenge :

• Nweke pe bôm ne tchyete pe bing goung ywe ye pe djouʼ a ?

Ké 2 Yohané 10, neng gômte ne mhente menge :

• Pe gô pe ghe m tchi ge ke pou a pe aposta ?

• Ba m be ye pe te gômte pe kwaʼ pou a pe aposta a pe, potse tsye wap jiʼte a fing ne kem bi pe m tchi ge ke ?

• O kwè ge Jéova gô youʼ ne é m tchi ge ke, be ye pe té mteng ne potse tchwepoung tsye pou gôm ne é, ke ba m ne bemte é a le ?

4. Tchwe pe dendeng bi Jéova tchwe ye taʼ fe hô a

A bya pe jye ge taʼ fe tchum bemte ghe taʼ hô gwye, be faʼ tsôkpe gô pe ne ghe la ? Ne ne jye ya, pe yô taʼ khète ne mtchoʼ Si, ye é le ha bi Israèl tchwedze a. Ké Mtchoʼ 5:1.

Paʼ yeng khè daʼte a, pe jye ge taʼ fe ghe taʼ hô gwye, be pe gô ghôm ywe ye pe jye a bi mghetso. Daʼge pe gô ne ghe ya, be pe lendze gôm bi mo ye é hônwe a, ge é ghô djô mghetso pe kwaʼ yu, gôm ywe ye é gre a bi pou. A be ne laʼte koungne. É tchyete ghe ya, be yôkpe ne pe dendeng bi Jéova gô tsegne wôkpe ne ghô gôm ywe ye pe jye a bi mghetso. Ne ghe poʼo daʼte koungne dendeng yôkpe . . .

• ne Jéova Si m tchi ge ke ?

• ne mo ye é hô a m tchi ge ke ?

• ne pyeshe mfe tchum bemte m tchi ge ke ?

 5. Tchwe te grô sesuô ne Babilôn gwye

 YE NE KHAMTE

Ne tchwe pe dendeng bi Jéova tcheng ge, pe ke pe kheka pô pye wap te be dendeng bii a pe. A tcheng ba ge pe hapgne pou a tchôsi shyeshwe ne goung ywe awè.

O lagne ke ?

• Nweke pe te gô pe yô, ké, ke youʼ potse tsye pe aposta gôm a le ?

• Pe gô pe ghe m ge ke pou a pô pye wap te dje bo khoung ne pe Mkwithè Jéova a pe ?

• Taʼ Kwithè Jéova daʼte ge é tem ne tchôsi shyeshwe m tchi ge ke ?