Kalak Kristen situhu-tuhu, la pediatna kai pe ntah ise pe erban ia ngadi ngelayani Jahwe. Pasti kam pe bage. Ergai Jahwe kel kesetianndu e. (Baca 1 Kronika 28:9.) Situasi si uga nge si banci nguji kesetianndu man Jahwe, janah uga kam banci tetap setia?

1. Uga kalak si deban banci nguji kesetianta man Jahwe?

Piga-piga kalak erusaha gelah kita ngadi ngelayani Jahwe. Contohna, lit si enggo nadingken kebenaren janah sebarkenna bual kerna organisasi Dibata gelah lemah kinitekenta. Kalak e igelari kalak murtad. Selain si e, piga-piga peminpin agama, sebarkenna ka informasi si la tuhu kerna Saksi Jahwe. Tujunna guna erban kalak si la hati-hati dungna nadingken kebenaren. Emaka bahaya kel adi erdebat kita ras kalak si nentang e, mbaca bukuna ntah pe blogna, mbuka situs webna ntah pe nonton videona. La kita nggit ngelakokenca. Perdiateken kai nina Jesus kerna kalak si usahakenna erban kalak si deban ngadi ngelayani Jahwe. Nina, “Pediat saja kalak e. Kalak e penegu-negu si pentang. Adi kalak pentang negu kalak pentang, ndabuh me ia duana ku lubang.”​—Matius 15:14.

Uga adi lit keluarga ntah pe temanta si lanai nggit jadi Saksi Jahwe? Pasti sedih kel siakap. Mungkin ipaksana kita erban pilihen, milih ia ntah Jahwe. Arus sipilih lebih setia man Jahwe asangken man ise pe ntah kai pe. (Matius 10:37) Emaka lanai kita bergaul ras kalak si bage sesuai perentah Jahwe.​—Baca 1 Korinti 5:11.

2. Uga kesetianta teridah arah keputusenta?

Nina Jahwe, “Ndaratlah [arah Babilon si Mbelin], o umatKu!” (Ketangkasen 18:2, 4) Perban keleng ateta Jahwe, la kita nggit terlibat ras agama palsu. Emaka perlu sipastiken pendahinta ras kegiatenta la lit hubungenna ras agama palsu. Selain si e, la kita ikut bas organisasi kai pe si lit hubungenna ras agama palsu.

 PELAJARI TERBAGESEN

3. Hati-hatilah man guru-guru palsu

Uga nge arusna tanggapenta sanga sibegi hal-hal negatif kerna organisasi Jahwe? Bacalah Kuan-kuanen 14:15, kenca si e bahas penungkunen enda:

• Engkai maka ula min mis kita tek man kerina si enggo sibegi?

Bacalah 2 Johanes 10, kenca si e bahas penungkunen enda:

• Uga arusna perbahanenta man kalak murtad?

• Amin gia labo kita langsung ngerana ras kalak murtad, uga kalak e banci mpengaruhi kita?

• Menurutndu uga nge perasan Jahwe adi sibegiken kalak si ngataken hal-hal negatif kerna Ia ntah pe organisasiNa?

4. Tetaplah setia man Dibata amin pe lit turang seninata si ngelakoken dosa serius

Adi siteh lit turang senina bas runggun si ngelakoken dosa serius, kai nge si arus silakoken? Cuba perdiateken sada prinsip arah Undang-Undang Dibata man bangsa Israel mbarenda. Bacalah Imamat 5:1.

Bagi si ikataken bas ayat e, adi siteh lit turang seninata ngelakoken dosa serius, arus sikataken man pertua. Tapi sope si e, sikataken lebe man turang seninata ndai gelah jumpaina pertua janah akukenna dosana. E buktina mehuli kita man bana. Adi la ia nggit, emaka kita si njumpai pertua janah sikataken kai si enggo lakokenna. Uga enda ncidahken maka keleng ateta janah setia kita man . . .

• Dibata Jahwe?

• kalak si ngelakoken dosa e?

• turang senina bas runggun?

 5. Ndaratlah arah Babilon si Mbelin

 KESIMPULEN PELAJAREN ENDA

Gelah kita tetap setia man Jahwe, la kita nggit bergaul ras kalak si la setia man baNa. Janah la banci lit hubungenta ras agama palsu.

Kai si Enggo Sipelajari?

• Engkai maka la banci sitonton, sibaca, ntah pe sibegiken ajaren kalak murtad?

• Uga nge arusna kita man kalak si lanai nggit jadi Saksi Jahwe?

• Uga kita banci matuhi perentah guna ndarat arah agama palsu?