ISHOMO RYA 58
Gumizamu kuba omwesigwa ahari Yehova
Abakristo ab’amazima nibaba bamaririre kutikiriza ekintu cona ninga shi omuntu wena kubatanisa na Yehova. Hatariho okubanganisa n’iwe ni ko ori kwehurira. Yehova nakureba nk’ow’omuhendo ahabw’okuguma ori omwesigwa. (Shoma omu 1 Busingye 28:9.) Ni ziha mbera eziri kubasa kugeza obwesigwa bwawe, kandi shi ni bata oku ori kubasa kuzehanganira?
1. Ni bata oku abandi bari kubasa kugeza abesigwa bwitu ahari Yehova?
Abantu abamwe nibagezaho kutuzibira kuhereza Yehova. Abo bantu ni baha? Abantu abamwe abarugire omu mazima nibagamba ebishuba aha kitongore ca Ruhanga, kugira ngu bashishe okwikiriza kwitu. Abo nibetwa abahakani. Nambwenu, bamwe omu bebembezi b’amadini nibatugambaho ebishuba kugira ngu kitume abantu abari kubanganisa baruga omu mazima. Ni ec’akabi kutera empaka n’abahakani, kushoma ebitabo byabo, kuza aha mbuga zabo z’ahari intaneti, ninga shi kureba za vidiyo zabo. Yesu akagamba aha bantu abari kugezaho kuremesa abandi kuhereza Yehova, ari kugira ati: ‘Mubareke! Ni abebembezi empumi, haza na bo bahumire. Mumanye ngu empumi ku eyebembera endijo zombi zigwa omu kina.’—Matayo 15:14.
Tukakora ki omuntu owu turi kumanya yareka kuba Omuhamya wa Yehova? Nikibasa kutushasha munywani witu ninga shi omunyabuzare yakora ekintu nk’eco. Ogo muntu nabasa kutushaba kusharamu ahagati yeye na Yehova. Tushemerire kumaririra kuguma turi abesigwa ahari Ruhanga kukira ekindi kintu cona. (Matayo 10:37) Eco nikituma twayorobera ekiragiro ca Yehova, c’okwerinda kwekwatanisa n’omuntu nk’ogwe.—Shoma omu 1 Bakorinso 5:11.
2. Ni bata oku ensharamu ezi turi kukora ziri kwereka ku turi abesigwa ahari Yehova?
Rukundo eyi turi kukunda Yehova netuma twayerinda kwekwatanisa omu bikorwa byona by’amadini g’ebishuba. Kandi netuma tutayekwatanisa n’ebitongore ninga shi ekindi kintu ekiri kubasa kutubuganisa n’amadini g’ebishuba. Yehova naturabura ati: ‘Muruge [omuri Babuloni orurembo orukuru] imwe bantu bange mwe.’—Okushuuruurwa 18:2, 4.
YEGA BYINGI
Manya oku ori kubasa kwerinda ekintu cona ekiri kubasa kukuremesa kuguma ori omwesigwa ahari Yehova. Nambwenu, reba oku ori kubasa kwereka ku ori omwesigwa ori kushohora omuri Babuloni orurembo orukuru.
3. Yerinde abegesa b’ebishuba
Ni enki eki tushemerire kukora twahurira bari kugamba ebishuba aha kitongore ca Yehova? Shoma omu Nfumu 14:15, rero muganire ahari eki kibuzo:
-
Ahabw’enki tutashemerire kwikiriza ekintu cona eki twahurira?
Shoma omuri 2 Yohaana 10, rero muganire ahari ebi bibuzo:
-
Tushemerire kutwariza tuta abahakani?
-
N’obu twakuba tutarabugine abahakani amisho aha gandi, ni bata oku turi kubasa kutwarwa n’enyegesa zabo?
-
Notekateka ngu Yehova nayehurira ata yareba turi kwerinda kuhurira amakuru agari kumugambaho kubi ninga shi agari kugamba kubi ekitongore ceye?
4. Gumizamu kuba omwesigwa ahari Ruhanga hagira Omukristo mugenzi wawe owakora ekibi
Ni enki eki tushemerire kukora twamanya ku Omukristo w’omu kibina kitu akozire ekibi c’amani? Yetegereze omusinge oguri omu biragiro bya Ruhanga ebyahirwe Abisirayeli b’omu bwire bwa kare. Shoma omu Baleevi 5:1.
Nk’oku twakireba omuri orwo runyiriri, twamanya ku hine omuntu okozire ekibi c’amani nituba tushemerire kugambira abazehe eki turi kubimanyaho. Konka tutakagire kubigambira abazehe, nituba tushemerire kugambira ogo muntu okozire ekibi omu muringo gwa rukundo kugira ngu aze kubibagambira. Yaremwa kuza kubibagambira, obwesigwa bwitu ahari Yehova bushemerire kutuma twabigambira abazehe. Ni bata oku eco wakikora biri kwereka ku ori kukunda rukundo etari kuhemuka . . .
-
Yehova Ruhanga?
-
ogo muntu okozire ekibi c’amani?
-
abandi b’omu kibina?
Wareba Omukristo mugenzi wawe ari omu kabi oshemerire kumukwasa!
5. Guma oyetanise ahari Babuloni orurembo orukuru
Shoma omuri Luka 4:8 n’omu Kushuuruurwa 18:4, 5, rero muganire ahari ebi bibuzo:
-
Mbehi izina ryange ricari omu bari kuramiza omu dini y’ekishuba?
-
Mbehi hine ekitongore eki ndi kukorera ekine akakwate n’edini y’ekishuba?
-
Mbehi omurimo gwange nigushagika edini y’ekishuba omu buryo obu ari bwo bwona?
-
Mbehi hariho ebindi ebi nshemerire kuhindura omu kubaho kwange kugira ngu nyetanise aha dini y’ekishuba?
-
Yaba hine ahu nagarakamu ngu yego omuri ebi bibuzo, ni enki eki nshemerire kuhindura?
Omu mbera zona, kora ensharamu eratume wagira omuntuwomunda otari kukucwera orubanja kandi eri kwereka ku ori omwesigwa ahari Yehova.
Ni enki eki orije kukora ku orashabwe kwekwatanisa omu bikorwa by’amadini g’ebishuba?
ABANTU ABAMWE NIBAGAMBA NGU: “Ninyenda kumanya ebi abahakani bari kugamba aha Bahamya ba Yehova kugira ngu binkwase kurwanirira amazima.”
-
Mbehi eco ni ec’obwenge? Ahabw’enki?
EMPINYE
Kugira ngu tugumizemu kuba abesigwa ahari Yehova, tushemerire kwerinda abanywani abatari kumworobera, kandi twetanise n’edini y’ekishuba omu bwijwire.
Wayega ki?
-
Ahabw’enki tutashemerire kureba, kushoma ninga kuhurikiza ebitekateko by’abahakani?
-
Ni bata oku tushemerire kutwariza abari kuba batacari Abahamya ba Yehova?
-
Ahabw’enki tushemerire korobera obuhabuzi bw’okuruga omu dini y’ekishuba?
CONDOZA
Reba eki ori kubasa kukora wahurira abantu abari kugamba kubi aha Abahamya ba Yehova.
“Mbehi oyine ebihamya?” (Omunara g’Omurinzi, Okwamunana 2018)
Ni bata oku ori kubasa kumanya ebitongore ninga shi ebihamya ebiri kushagika Babuloni orurembo orukuru?
Ni enki eki abari kuturwanisa bari kukora kugira ngu batume okwikiriza kwitu kwatuba?
Omu nkuru eri kugamba ngu, “nkarondesa Ruhanga kwiha ncari omwana,” shoma ebiri kukwata aha mwebembezi w’edini ya Shinto omanye oku yayetanisize n’edini y’ekishuba.
“Bibuli nehindura amagara g’abantu” (Omunara g’Omurinzi, 1 Okwamushanju, 2011)
