Akristu ebaribari ahigana ohittiya nne elobo obe muttu wamwalaniha na Yehova. Mwebaribari weyo vina oniwamo dhawene. Yehova onovaha venjene ttima weddeyana wawo. (Kengesa 1 Mapadduwo 28:9.) Dhilobo gani dhigadhile weha weddeyana wawo vina ogakosile eni na makani ninga aba?

1. Attu ena agadhile dhavi weha weddeyana wehu na Yehova?

Attu ena anele okosa muli mwetemwene wi anittiyihe omulabela Yehova. Mbwenye bani agakosile ejuwene? Ena attiyile ebaribari anologa dhozivala sabwa ya nlogo na Mulugu wi obanihe nroromelo nehu. Awene ankuweliwa asadduweli. Ottiya ejo, asogorheli ena a marelijiau anowaza dhottambi mwaha wa iyo na efunelo ya wattiyiha attu ena ebaribari. Jowopiya otamela ologa na abale annisadduwela, wengesa manivuru awa, wona miselu dhawa mwinternetini, odhowa mu site mwawa vina wonaga manivuru awa. Yezu wahiloga sabwa ya abale antamela wattiyiha ena omulabela Yehova: “Kamwazuzumele. Abale aliba ohona, anaweddiha aliba ohona akwawa. Akala muttu wohona, onomweddiha muttu wohona mukwaye, oheli anogwela muttoloni.”—Mateu 15:14.

Akala muttu onimuziwihu onogana ottiya okala Munamoona wa Yehova? Ninokala wokumuwene muttu onimukwelihu agagana okosa ejuwene. Txino muttuya oddo ononimagelela onfwara iyene ottiya Yehova. Ninofwanyela okosa yogana ya okalavi oweddeyana na Yehova opitta dhilobo dhotene. (Mateu 10:37) Nona ninowiwelela malamulo a Yehova a ohikosa mandano na attu ninga abuwene.—Kengesa 1 Korinto 5:11.

2. Dhogana dhehu dhintonyihedha dhavi wi nili oweddeyana na Yehova?

Omukwela wehu Yehova onele onittukulela ohikosa mpaddi wa marelijiau ottambi. Ejo entapulela wi kaninkosa epaddi ya nikuru eniwanana na marelijiau ottambi, nne mabasa ehu obe elobo yina enkosihu. Yehova ononaddela: ‘Budduwanimo mmuttetteni mpo w’o Babilónia.’—Ovuhulela 18:2, 4.

 KASUNZAVI

3. Porhe-porhe na masunziho ottambi

Ninakose eni nigewa dhilobo dhabure sabwa ya nikuru na Yehova? Kengesa Gano 14:15, mugamala mutanaalele nivuzo ntti:

• Ninfwanyelela eni okala txenjewa wi nihirumeele dhotene dhiniwihu?

Kengesa 2 Joau 10, mugamala mutanaalele mavuzo aba:

• Ninaweddihe dhavi asadduweli?

• Ninoziwa wi kahiyo yamalago ologaga na asadduweli, mbwenye nigadhile dhavi okwekwetteya na dhubuwelo dhawa?

• Yehova agewilemo dhavi iyo kovuruwana dhilobo dhohikala dhinlogiwa mwaha wa iyene vina nikuru naye?

4. Kakalavi oweddeyana na Mulugu masiki akala mbali onokosa yottega

Ninfwanyela okosa eni akala mbali mmulogoni onokosa yottega enddimuwa? Koona yalogile Mulugu na nlogo na Izrayel. Kengesa Onamakutha 5:1.

Ninga munlogela versu eji, nigaziwa wi mbali ohikosa yottega enddimuwa, ninofwanyela wawaddela anddimuwa a mmulogoni. Mbwenye egahikala yaderetu ologa na mwinya wi awaddele anddimuwa a mmulogoni. Akala iyene kanakose ejoya, weddeyana wehu na Yehova onele onittukulela wawaddela anddimuwa a mmulogoni ejile enziwihu. Okosa ejuwene entonyihedha dhavi okwela woweddeyana . . .

• na Yehova Mulugu?

• na muttuya okosile yottega?

• na attu ena mmulogoni?

 5. Kakala wolapawene na Babilónia Munddimuwa

 OGWADDELA

Ninofwanyela okalavi attu oweddeyana na Yehova, nona enofuneya ogwadda mandano na abale ahili oweddeyana na iyene. Ninofwanyela orabela kakamwe marelijiau ottambi.

Kobuwela Dhisunziliwe

• Sabwaya jani kaninfwanyela wona, wengesa obe wiwa dhinloga asadduweli?

• Ninaweddihe dhavi attu abale attiyile okala Anamoona a Yehova?

• Ninewelele dhavi nikokomezo na ottawa marelijiau ottambi?