Yelmeŋɛ Kristabiiri eɛ siri ka ba koŋ vɛŋ ka yelzaa bee bonzaa vɛŋ ka ba bare Jehoova puoruu. Te baŋɛɛŋ ka lɛ hoŋ meŋ teɛre. Ka hooŋ dire yelmennoŋ korɔ Jehoova, o poɔ maŋ pɛleŋ yaga zaa. (Kanne 1 Tungkori 28:9.) Bo yɛlɛ teŋ na baŋ tuore ka lɛ vɛŋ ka a e kpeɛŋaa ko te ka te dire yelmennoŋ korɔ Jehoova? Boŋ na toɔ̃ soŋ te ka te are a yelkpeɛne ŋa noɔreŋ?

1. Bo yɛlɛ ka noba mine na baŋ e a vɛŋ ka a e kpeɛŋaa ko te ka te dire yelmennoŋ korɔ Jehoova?

Noba mine maŋ boɔrɔŋ ka ba e yɛlɛ naŋ na vɛŋ ka te bare Jehoova puoruu. Nemboboŋ na sage e lɛ? Noba mine naŋ zagre Jehoova puoruu maŋ ŋmaarɛɛ zirii a kyaara Naaŋmen lantaapuoruu na, ba maŋ erɛɛ lɛ a boɔrɔ ka ba sãã te sagediibu. Te boɔlɛɛ a noba ŋa ka noba naŋ zagre Jehoova puoruu bee nɔzagreba. Kyɛ lɛ yoŋ naane, ŋmenpuore wedeɛreba mine meŋ maŋ ŋmaarɛɛ zirii a dɔglɔ te. Ba maŋ eɛ lɛ a na vɛŋ ka noba sagediibu naŋ ba e kpeɛŋaa bare Jehoova puoruu. A ba soma fẽẽ zaa ka te neŋ noba naŋ ba nɔŋ a yelmeŋɛ ŋmeɛrɛ nɔkpeɛne, kyɛbee ka te kanna ba gama, bee yɛlɛ ba naŋ sɛge eŋ intanɛt zuŋ. A ba seŋ ka te gɛrɛ intanɛt zu ziiri ba naŋ maale, bee a kaara ba vidiori. Noba naŋ de biŋ ba nimitɔɔreŋ ka ba na vɛmeŋ ka te bare Jehoova puoruu na, Yezu da yelee yelkaŋa a kyaare ba, o da yelka: “Yɛ bare ba; ba waa la zɔnne naŋ tagra ba zɔntaaba. Kyɛ ka zɔŋ wa tagra o zɔŋ tɔ, ba zaa na laŋ le la bogi poɔ.”​—Matio 15:14.

Ka neɛ kaŋa te naŋ baŋ wa yelka o ba lɛ boɔrɔ ka o e Jehoova Sieree Deme kaŋa, wala aŋ seŋ ka te e? A maŋ beɛrɛ teŋ yaga zaa saŋa na te nɔŋna kaŋa naŋ de a gbɛre ŋa. Ba kaŋa gba na baŋ yelko teŋ ka, nyɛ ma la ne, nyɛ Jehoova meŋ la ne, kaa iri kaŋa. Ka lɛŋ wa e, aseŋ ka te e siri ka te naŋ na diree yelmennoŋ korɔ Naaŋmen, a ba seŋ ka te dire yelmennoŋ korɔ neɛzaa bee bonzaa a gaŋ Jehoova. (Matio 10:37) Jehoova yelko teŋ ka te ta laŋna neŋ noba naŋ waa lɛ, aseŋ ka te de yɛlɛ na oŋ yelko te na meŋ tonɔ neŋ toma.​—Kanne 1 Korinti 5:11.

2. Bo gbɛɛ la aŋ seŋ ka te de te zemmo poɔŋ ka lɛ vɛŋ ka te toɔ̃ dire yelmennoŋ korɔ Jehoova?

Te naŋ nɔŋ Jehoova zuŋ, te boɔrɔŋ ka te tage te menne a yi zirii puoruu eŋɛŋ kpɛlɛŋkpɛlɛŋ. Azuŋ, aseŋ ka te kaa soŋ a ta wa tonɔ toma mine neŋ zirii puoruu naŋ taa niiloŋ. Lɛ meŋ la aŋ ba seŋ ka te de te menne te poɔ yelsɛgraa zaa, bee yel-eroo zaa neŋ zirii puoruu naŋ laŋ niiloŋ. Jehoova kpãã teŋ peɛlaaŋ ka: “N noba, yɛ wa yi [Baabilɔŋ Kpoŋ] poɔ.”​—Yel-iriwulaa 18:2, 4.

 ZANNE YƐLƐ YAGA POƆ

3. Go ho meŋɛ a yi zirii wulwulibo eŋɛŋ

Ka noba mineŋ yel yelfaare a kyaare Jehoova lantaapuoruu na ka te woŋ, wala aŋ seŋ ka te e? Kanne Yeng Yelibie 14:15, a kyɛ gyieli a soorebiri ŋa yɛlɛ:

• Bonso aŋ ba seŋ ka te sage yelzaa te naŋ woŋ a di?

Kanne 2 Gyɔɔn 10, a kyɛ gyieli a soorebie ŋa yɛlɛ:

• Ka neɛ kaŋa naŋ yele yelfaare kyaara Jehoova lantaapuoruuŋ boɔrɔ ka te ne o di dama, wala aŋ seŋ ka te e?

• Yelmeŋɛ la, te koŋ sage gaa ka te ne neɛ kaŋa naŋ yele Jehoova lantaapuoruu na yelfaare di dama, kyɛ yenee teŋ na baŋ nyɛ ba wuluu na?

• Ka teneeŋ kyɛllɛ wono yelfaare na noba naŋ maŋ yele a kyaara Jehoova ane o lantaapuoruu na, wala ka Jehoova maŋ teɛre?

4. Naŋ dire yelmennoŋ korɔ Naaŋmen saŋa na ho yɔɔ kaŋa naŋ e yelfaa kaŋa na

Ka teneeŋ wa baŋ ka te yɔɔ kaŋa naŋ be a lantaapuoruu poɔŋ e la yelfaa kaŋa naŋ e nimizeɛ, wala aŋ seŋ ka te e? Te na baŋ nyɛɛ sowuli a kyaare lɛ aŋ seŋ ka te e a yi Bege na Naaŋmen naŋ da ko a takoreŋ saŋa Izerayɛl biiri na. Kanne Liivai 5:1.

Aŋa lɛ a Baabole sɛgre ŋa naŋ wuli na, ka teneeŋ wa baŋ ka te yɔɔ kaŋa e la yelfaa naŋ e nimizeɛ aseŋ ka te yeli yɛlɛ na teŋ baŋ na ko a lantaapuoruu nembɛrɛ. Kyɛ sɛre teŋ na e lɛ na, a na somaŋ ka te yelko te yɔɔ na naŋ e a yelfaa na ka o gaa te kyiiri o yelfaare ko a lantaapuoruu nembɛrɛ. Ka teneeŋ e lɛ, a wuleeŋ ka te taa la nimimaaroŋ ko o soba. Ka o naŋ zagre ka o e lɛ, te naŋ dire yelmennoŋ korɔ Jehoova zuŋ, te na yelee yɛlɛ na zaa te naŋ baŋ a kyaare a yelfaa na oŋ e na ko a lantaapuoruu nembɛrɛ. Ka neɛŋ e lɛ, sobuo ka lɛ wuli ka o soba nɔŋ la . . .

• Jehoova Naaŋmen?

• o yɔɔ naŋ e a yelfaa na?

• o yɔɔmine naŋ be a lantaapuoruu poɔŋ?

 5. Tage ho meŋɛ yi Baabilɔŋ Kpoŋ eŋɛŋ kpɛlɛŋkpɛlɛŋ

 A ZANNOO YELNIMIZEERE

Ka teneeŋ boɔrɔ ka te naŋ dire yelmennoŋ korɔ Jehoova, aseŋ ka te tage te menne yi neɛzaa naŋ ba dire yelmennoŋ koroo eŋɛŋ. Aseŋ ka te tage te menne yi zirii puoruu meŋ eŋɛŋ kpɛlɛŋkpɛlɛŋ.

Bo Hoŋ Zanne

• Bonso aŋ ba seŋ ka te kaara noba naŋ zagre Jehoova puoruu vidiori, a kanna, bee a kyɛllɛ yɛlɛ na baŋ yele na?

• Ka neɛ kaŋaŋ yelka o ba lɛ boɔrɔ ka o e Jehoova Sieree Deme kaŋa, wala aŋ seŋ ka te ne o niiloŋ waa?

• A Baabole yeleeŋ ka te zo yi zirii puoruu poɔŋ, wala teŋ na baŋ e a de a Baabole kpããmo ŋa toŋ neŋ toma?