UKPEPN̄KPỌ 58
Sọn̄ọ Da Nam N̄kpọ Jehovah
Ata mme Christian isiyakke n̄kpọ ndomokiet m̀mê owo ndomokiet akpan mmọ ndinam n̄kpọ Jehovah. Imenịm ke afo n̄ko udûyakke. Enem Jehovah nte afo ọsọn̄ọde ada anam n̄kpọ esie. (Kot 1 Chronicle 28:9.) Nso ye nso ikeme ndinam fi etre ndinam n̄kpọ Jehovah? Nso ke afo edinam utọ n̄kpọ oro ekpetịbe?
1. Nso ke mme owo ẹkeme ndinam man afo etre ndinam n̄kpọ Jehovah?
Ndusụk owo ẹyedomo ndinam nnyịn itre ndinam n̄kpọ Jehovah. Mmanie ikeme ndinam oro? Mbon emi ẹma ẹkekpọn̄ Jehovah ye esop esie ẹkeme ndisu nsu ndian esop esie man ẹnam mbuọtidem nnyịn emem. Ẹkot mmọ mbon mfiakedem. Mme ikpọ owo ufọkabasi n̄ko ẹsisu nsu ẹdian nnyịn man ẹnam mbon emi mîdiọn̄ọke nsu mmọ ẹkpọn̄ Jehovah. Ifọnke isida ifan̄a n̄kpọ ye owo ekededi emi etịn̄de ikọ abiat nnyịn, ikot n̄wed mmọ, ika ikpehe intanet mmọ, m̀mê ise vidio mmọ. Enyene se Jesus eketịn̄de aban̄a mbon emi ẹdomode ndinam mme owo ẹkpọn̄ Jehovah; enye ọkọdọhọ ete: “Ẹkpọn̄ mmọ. Mmọ ẹdi mme adausụn̄ emi ẹdide nnan. Ndien edieke nnan adade nnan usụn̄, mmọ mbiba ẹyeduọn̄ọ ẹdụk obube.”—Matthew 15:14.
Nso ke ikpanam edieke owo emi idiọn̄ọde ọdọhọde ke imọ idịghe aba Ntiense Jehovah? Utọ n̄kpọ oro esibiak owo tutu, akpan akpan ekpedi ima inen̄ede ikpere owo oro. Mme owo ntre ẹkeme ndidomo ndinam nnyịn itiene mmọ ikpọn̄ Jehovah. Ana ibiere ke tutu amama ke nnyịn iditieneke owo ikpọn̄ Jehovah. (Matthew 10:37) Ana itre ndidian idem ye utọ owo oro nte Jehovah ọdọhọde.—Kot 1 Corinth 5:11.
2. Didie ke se ibierede ekeme ndiwụt m̀mê ke isọsọn̄ọ ida ye Jehovah?
Ima emi imade Jehovah ayanam nnyịn iyet ubọk nnyịn isio ke n̄kpọ ekededi emi asan̄ade n̄kpọ ye ufọkabasi abian̄a. Ikpanaha inam utom, idụk n̄ka, m̀mê inam n̄kpọ ekededi emi asan̄ade n̄kpọ ye ufọkabasi abian̄a. Jehovah ọdọhọ nnyịn ete: “Mbufo ikọt mi ẹwọn̄ọ ke [Akwa Babylon].”—Ediyarade 18:2, 4.
SỊN IDEM KPEP
Se se akpanamde man owo idinam fi ọkpọn̄ Jehovah. Nyụn̄ se nte ndiwọrọ ke Akwa Babylon owụtde ke ọmọsọn̄ọ ada ye Jehovah.
3. Kpeme idem ye mbon emi ẹkpepde mme owo nsu
Nso ke ikpanam ima ikop nte mme owo ẹtịn̄de idiọk ikọ ẹdian esop Jehovah? Kot Mme N̄ke 14:15, ekem ẹbọrọ mbụme emi ẹnyụn̄ ẹneme ẹban̄a enye:
-
Ntak ọfọnde ikpeme idem man nnyịn idinịm kpukpru se ikopde?
Kot 2 John 10, ekem ẹbọrọ mbụme emi ẹnyụn̄ ẹneme ẹban̄a mmọ:
-
Ikpanam n̄kpọ didie ye mbon mfịakedem?
-
Ekpededi nnyịn inemeke nneme ye mbon mfiakedem iso ye iso, nso ikeme ndinam itọn̄ọ ikere n̄kpọ nte mmọ?
-
Ekere ke editie Jehovah didie edieke ikpan̄de utọn̄ inọ idiọk ikọ oro mme owo ẹtịn̄de ẹban̄a enye m̀mê esop esie?
4. Wụt ke ada ye Jehovah ke ini owo ke esop anamde idiọkn̄kpọ
Edieke idiọn̄ọde ke Ntiense Jehovah nte nnyịn anam akwa idiọkn̄kpọ, nso ke akpana inam? Ti se Abasi ọkọdọhọde nditọ Israel. Kot Leviticus 5:1.
Nte itie Bible oro etịn̄de, edieke idiọn̄ọde ke Ntiense Jehovah nte nnyịn anam akwa idiọkn̄kpọ, akpana itịn̄ ofụri se idiọn̄ọde iban̄a n̄kpọ oro inọ mbiowo. Edi mbemiso anamde oro, ọkpọfọn ọdọhọ enye aka ke idemesie eketịn̄ ọnọ mbiowo. Enye mîmaha, wụt ke ada ye Jehovah, nyụn̄ sọsọp ketịn̄ ofụri se ọdiọn̄ọde aban̄a n̄kpọ oro nọ mbiowo. Didie ke oro ediwụt ke afo emenen̄ede ama . . .
-
Jehovah Abasi?
-
owo oro akanamde idiọkn̄kpọ do?
-
nditọete ke esop?
Asan̄autom Jehovah ekpenyene mfịna, n̄wam enye!
5. Wọrọ ke Akwa Babylon
Kot Luke 4:8 ye Ediyarade 18:4, 5, ekem bọrọ mme mbụme emi:
-
Ndi enyịn̄ mi ke esesịne ke n̄wed ufọkabasi abian̄a?
-
Ndi ke ndodu ke n̄ka emi asan̄ade n̄kpọ ye ufọkabasi abian̄a?
-
Ndi mmesinam utom nnọ ufọkabasi abian̄a?
-
Okûdi enyene n̄kpọ ndomokiet emi osụk asan̄ade n̄kpọ ye ufọkabasi abian̄a, emi anade nyet ubọk mi nsio?
-
Edieke mbọrọde ih ke mbụme ndomokiet mi, nso ke ana nnam?
Ke kpukpru n̄kpọ, biere ndinam se idinamde esịt okûfịna fi, ye se idiwụtde ke ọmọsọn̄ọ ada ye Jehovah.
Nso ke akpanam ufọkabasi ẹkpedọhọ fi etiene etịp okụk man ẹda ẹn̄wam mbon n̄kpọnnam?
NDUSỤK OWO ẸSIDỌHỌ ẸTE: “Ọfọn ikop se mbon mfiakedem ẹtịn̄de man ikeme ndinam mme owo ẹdiọn̄ọ ke mmọ ẹsu nsu.”
-
Ndi emekere ke nnennen n̄kpọ edi oro? Nso inam ọdọhọ ntre?
SE IKPEPDE
Edieke nnyịn mîyomke ndikpọn̄ Jehovah, ana ikpeme idem ye mbon emi ẹma ẹkekpọn̄ Jehovah. Ana iyet ubọk n̄ko isio ke n̄kpọ ufọkabasi abian̄a.
Se M̀mê Emeti
-
Ntak emi nnyịn mîkpesehe vidio mbon mfiakedem, ikot n̄wed mmọ, m̀mê ikpan̄ utọn̄ inọ mmọ?
-
Ikpanam n̄kpọ didie ye mbon emi ẹdọhọde ke mmimọ idịghe aba Mme Ntiense Jehovah?
-
Nso ke ikpanam man ifehe iwọrọ ke Akwa Babylon nte Bible ọdọhọde?
KPEP N̄KPỌ EN̄WEN
Se se akpanamde mme owo ẹma ẹsu nsu ẹdian Mme Ntiense Jehovah.
Edinam didie idiọn̄ọ n̄ka m̀mê n̄kpọ emi asan̄ade n̄kpọ ye Akwa Babylon?
Nso ke ndusụk owo ẹsinam man ikpọn̄ Jehovah?
Kot ibuotikọ emi “N̄kọtọn̄ọ ke Ekpri Nyom Abasi,” man okụt nte oku Shinto akasan̄ade ọkpọn̄ ufọkabasi abian̄a.
Ekeme Ndidi Ayama Mmọ Emi N̄ko
MBỤME EMI ẸSIWAKDE NDIBỤP
Didie ke Mme Ntiense Jehovah Ẹsikpep Mme Owo Bible?
Emekeme ndikama Bible ekededi ke ini ekpepde n̄kpọ ye Mme Ntiense Jehovah. Akpama, emekeme ndikot ofụri mbon ubon fo, m̀mê ufan fo ekededi editiene ekpep.
