Beña bekristen baa ye ki likh môt ézing nge ki dzam ézing naa é tsam élat be bele ya Jehôva. Bi bele mebun naa éñe wa wôran aval té. Jehôva a bira bis naa bi tobe sôsôe ya ñe. (A lang 1 Milang 28:9.) Za bitèñ bi ne likh naa é sôsôe dèè é bele mebobelan ? Aval avé bi ne dang mebobelan meté ?

1. Aval avé bôt b’ézing ba dzeng naa bi ke Jehôva ôyap ?

Bôt b’ézing ba ye dzeng naa bi dzôghe naa bia sèhane Jehôva. Za a ne bo aval dzam té ? Éfônan, a ne bo é bôt be nga likh bebela, ba kobe minèè asu ékôan Jehôva, naa bi taa bera bele mebun ébe ñe. A ne é bôt ba luè naa apóstatas nge ki apostats. Betebe ôsu be ye menda menzame, baa fe ba kobe minèè asu dèè naa be dure é bôt béé se ki nkee, nfa ye naa be kôre a bebela été. A léé minlang ya bôt beté, a lang mebakh meba, a ke menden meba nge ki a yen bingengeng bieba é ne mbia dzam. Nfa é bôt ba dzeng naa bi bo atakh nfa ye nsisim ya sim naa bia sèhane Jehôva ya sôsôe, Yésu a nga dzô naa : « Lighane bo. Be ne belere zen be ne ndzim. Nge é môt a ne ndzim, a lere zen ndzidzim mboo, bebèñ ba ye ku ébèñ été. »—Matthieu 15:14.

Dzé da lôt nge é môt bia yem, a ñong nkighan naa aa kômô ki fe bo moan Bengaa Jehôva ? Dzam té é ne bo édedèè mintèñ. Môt té a ne dzeng naa a yemlé bia, é dzô bia naa bi tôp ézang dèñ ya Jehôva. Bia yiène ñong nkighane naa bia sèhane Jehôva a lôt é mam mese mevoo. (Matthieu 10:37) Éde bia bo atsing Jehôva mewokh naa bi taa fulane ya aval môt té.—A lang 1 Becorinthien 5:11.

2. Aval avé minkighane bia ñong mia lere naa bi ne sôsôe ya Jehôva ?

Biaa kômô ki bele élat ézing ya évus n’yebe amu édzing bi bele akal Jehôva. Bisèñ biè nge ki é dzam ésese bia bo, daa yiène ki larane ya bivus min’yebe. Édi da daghe Babilonia nge ki Babylone n’nen, Jehôva a tugha bia dzô naa : « Kuighan ézizang dèñ [Babilonia nge ki Babylone n’nen], ayong dam. »—Melere 18:2, 4.

 A TUGHA FAS

3. Boghane nkee ya bivus beyeghle

Za dzam bia yiène bo nge bi woghe mbimbia mefuèñ nfa ékôan Jehôva ? A lang Minkana 14:15, éyong té mia lèè minlang mia daghe nsili wa zu wi :

• Amu dzé bia yiène bo nkee naa bi taa béé é mam mesese bia wokh ?

A lang 2 Jean 10, éyong té mia lèè minlang mia daghe minsili mia zu mi :

• Za élat bia yiène bele ya be apóstatas nge ki apostats ?

• Amben bii bele ki élat ézing ya be apóstatas nge ki apostats, aval avé mesiman meba me ne bia name ?

• Wa tem naa Jehôva a ye wôrane yè nge bi bèè minèè misese ba kanghle asu dèñ ya ékôan dèñ ?

4. Tobeghe sôsôe ya Nzame éyong moadzang a bo nsem

Nge bi yem naa môt ézing a va bo môra nsem ékôan été, za dzam bia yiène bo ? Fasghe é tsin atsing ézing da so atsing Jehôva a nga ve ayong Israël. A lang Lévitique 5:1.

Aval éfus té da lere de, nge bi yem naa môt ézing a va bo môra nsem, bia yiène ke dzô bemvene é dzam bia yem. Bia ye lere naa bi ne mbemba fulu nge bia tum môt té asi naa émièn a ke yen bemvene, ya dzô bo nsem a va bo. Ve, nga bo kaa de bo, é sôsôe dèè akal Jehôva da ye bia tsini naa bi dzigha ke yen bemvene ya dzô bo é dzam bia yem. Aval avé mboan té wa lere édzing é ne sôsôe bi bele akal . . .

• Jehôva Nzame ?

• é môt a va bo nsem ?

• ya é bôt bevoo be ne ékôan été ?

 5. Kuighane Babilonia nge ki Babylone n’nen atan

 AKIGHE BES

Naa bi tobe sôsôe ya Jehôva, bia yiène kikh élat bi bele ya é bôt baa kang ki ñe. Bia yiène fe kanane ya bivus min’yebe bisese.

Ôbaghle

• Amu dzé biaa yiène ki yen, nge ki a béé é mam be apóstatas nge ki bapostat ba dzô ?

• Aval avé bia yiène tobe ya é môt asese aa kômô ki fe bo moan Bengaa Jehôva ?

• Za dzam bia yiène bo nfa ye naa bi béé atsing Nzame da dzô naa bi kôre évus n’yebe ?