E leʼaise tuku loa e se Kilisiteano se neʼa ke maumauʼiʼia lana felogoi mālie mo Seova. E matala ia e ke maʼua le manatu lenā. E maʼuiga tāfito kia Seova lau agatonu. (Lau 1 Koloniko 28:9.) Koā anoʼaga e mafai ke ʼasiʼasiʼiʼia lau nofo agatonu? Ti e fefeʼaki lau tauʼi a anoʼaga anā?

1. E ʼasiʼasiʼi fefeʼaki e ʼiki latātou agatonu kia Seova?

E loto a ʼiki ke tuku latātou tausi kia Seova. E lagi kau ai a lātou alā na lotou tiʼaki le māʼoki ti mo fakamafola ni loi o uiga mo le kautasi a le Atua. Ko lalātou lenā fakatuʼutuʼu ke maumauʼi ai latātou tui. E pati ko lātou anā ko le kau aposita. E iai foki le kau takitaki lotu e lotou fakamafola ni manatu sala o uiga mo tātou. E lotou loto ke tiʼaki e le kau Kilisiteano alā e leʼaise nofo tokaga a lalātou tausi kia Seova. E fakatupu tuʼutāmaki kia tātou mokā tou māsau mo lātou anā pe lau alātou manatu i alātou tosi pe ko olātou pasina i le neti pe tioʼi alātou gā ʼata. Na pati Sesu o uiga mo lātou alā e lotou faigaʼi ke leʼaise tou nofo agatonu: “Tuku noa latou: Ko ni kivi latou ala e taki ia ni kivi; kapau e taki e se kivi se tasi a kivi, e la vivilo toka lua loa ki se popoko.”—Mateo 15:14.

2. E sā fefeʼaki i atātou tonu pe tou nofo agatonu?

E tou alofa kia Seova, ko ia e leʼaise tou fia fai loa se neʼa e iai sona pikipikiga mo le lotu sala. E leʼaise tonu ke iai se pikipikiga o latātou gaʼoi fakamālama pe ko se neʼa e tou fai mo le lotu sala. E fakatokaga feneʼeki mai a Seova: ‘Ei loku kakai, kotou mavae mei Papilone Lasi.’—Apokalipisi 18:2, 4.

 MANATU LOLOTO

3. Tokaga kia lātou alā e fakamafolaʼia a akonaki sala

Koleā e tonu ke tou fai mokā tou logo e māsau veli se tasi ki le kautasi a Seova? Lau Taagapati 14:15, ti fai le vesili leinei:

• Koleā e leʼaise tonu ai ke tou tui ki neʼa fuli e tou logo ki ai?

Lau 2 Soane 9-10, ti fai a vesili anei:

• E tonu ke fefeʼaki latātou aga ki le kau aposita?

• Logo ai e leʼaise tou felogoi fakaʼagatonu mo le kau aposita, kae koā anoʼaga e mafai e tou maʼua ai alātou manatu?

• Ki lau manatu, koleā e mafai ke logoʼi e Seova mokā tou fakalogo ki māsau veli e fai e ʼiki o uiga mo ia ti mo lona kautasi?

4. Mokā fai e se taina se ʼagasala mamafa

Kāpau e tou iloa na fai e se tasi o le kokelekasio se ʼagasala mamafa, koleā e tonu ke tou fai? Tou tioʼi se pelesepeto o le Lao leia na soli e le Atua ki le kau Iselaele. Lau Levitiko 5:1.

O fai pe lona fakasā i le vaega leinei, kāpau e tou iloa na fai e se tasi se ʼagasala mamafa, e tonu ke tou fakasā ki le kau tagata āfea. Kae i muʼa o le fai o le koga lenā, e mālie ake ke tou fakalotomakekeʼi aia leia na sala ke fakasā e ia totonu ki le kau tagata āfea. Kāpau e tou fai fenaʼaki, ti e tou fakasā ai lotātou alofa kiate ia. Kae kāpau e leʼaise fai e ia, ti e tou fakasā loa ki le kau tagata āfea talie e tou fia nofo agatonu kia Seova. Ka tou fai le koga lenā, e tou fakasā fefeʼaki ai lotātou alofa māʼoki . . .

• kia Seova Atua?

• kiate ia leia na ʼagasala?

• kia lātou o le kokelekasio?

 5. Mavae mei Papiloni Lasi

 MANATU TĀFITO

E tou fia nofo agatonu kia Seova, ko ia leia e leʼaise tou fakatasi ai mo lātou alā e mafai ke takiʼia tatou ki le fai o le neʼa e veli.

Fakamanatu

• Koleā e tonu ke leʼaise tou fakalogo ki neʼa alā e māsau ki ai le kau aposita?

• Koleā e tonu ke tou fai mo kāpau e tou iloa ku fakamavae se tasi mei a Seova?

• E fakasā fefeʼaki e se Kilisiteano kua mavae aia mei le lotu sala?