LÈSON 58
Rété fidèl a Jéova
On krétyen pa ka lésé ayen ni ponmoun anpéché-y adoré Jéova. Sèten sé sa ou désidé fè osi. Lè ou ka rété fidèl, sa ni onlo valè pou Jéova (li 1 Kronik 28:9). Adan ki sitiyasyon ou pé touvé sa rèd dè rété fidèl, é ka ki pé édé-w ?
1. Sèwten moun bizwen fè-nou ba Jéova do. Ki mannèv yo ka pòté ?
Ni moun ki té’é vlé kè nou arété sèvi Jéova. Pawmi sé moun-lasa, ni sa ki lagé lavérité é ki ka simé manti asi òwganizasyon a Bondyé pou fè-nou pèd lafwa. Yo ka kriyé-yo apòsta. Ni dòt ankò ki chèf adan sèwten rèlijyon. Yo ka simé manti asi nou pou fè-nou arété sèvi Jéova. É si nou pa’a pran prékosyon, nou pé pri adan sa. Nou ka tou konprann kè fò pa nou pran pon diskisyon èvè dé moun konsa. Anplis, fò pa nou pran tan gadé sa yo ka di adan liv a yo oben adan vidéo a yo. Fò pa nou li sa yo ka maké asi entèwnèt nonplis, paskè sa danjéré toubònman. Mi sa Jézi di anrapò èvè moun ki vlé fè-nou lagé Jéova : « Lésé-yo. Yo sé dé gid ki avèg. É si on avèg ka gidé ondòt avèg, yo toulédé ké tonbé adan on tou » (Matyé 15:14).
É si nou vin sav kè on bon moun an nou oben on moun ki an fanmi an nou vé pa sèvi Jéova ankò ? Sèten sa ké fè-nou lapenn toubònman ! Men délè, moun-lasa pé jous rivé a mandé-nou chwazi ant li é Jéova. Adan on ka konsa, fò-nou byen désidé a rété fidèl a Jéova an prèmyé (Matyé 10:37). Anplisdisa, nou pé’é frékanté moun-lasa ankò pas sé sa Jéova ka mandé-nou fè (li 1 Korentyen 5:11).
2. Kijan nou pé montré kè nou fidèl adan désizyon nou ka pran ?
Konm nou enmé Jéova, nou vé pa ni ayen a vwè èvè fo rèlijyon-la. Savédi kè fò pa travay an nou oben kèlkèswa aktivité-la nou ka fè la ni pon rapò èvè fo rèlijyon-la. É si nou adan on asosyasyon oben on òwganizasyon, fò pa i ni pon rapò èvè fo rèlijyon-la nonplis. Jéova ka avèti-nou parapòt a Gran Babilòn-la. Mi sa i ka di-nou : « Sòti andidan a-y [Gran Babilòn-la], pèp an mwen » (Révélasyon 18:2, 4).
AN-NOU FOUYÉ PI FON
An-nou vwè ka ou pé fè pou ou pa lésé ponmoun anpéché-w rété fidèl a Jéova. An-nou vwè osi ka sa vlé di ‘sòti adan Gran Babilòn-la’.
3. Véyé-zòt èvè sé fo anségnan-la
Ka nou pé fè si nou ka tann on moun ka malpalé òwganizasyon a Jéova ? Li Pwovèb 14:15 é fè on ti kozé asi kèsyon-lasa :
-
Poukwa fò pa nou kwè tousa nou ka tann ?
Li 2 Jan 10 é fè on ti kozé asi sé kèsyon-lasa :
-
Kijan fò-nou aji èvè sé apòsta-la ?
-
Menmsi nou pa’a palé èvè sé apòsta-la, kijan nou té’é pé tonbé asi ansègnman a yo kanmenm ?
-
Sèlon vou, ka Jéova té’é rèsanti si nou té ka kouté moun ki ka di bétiz asi-y oben asi òwganizasyon a-y ?
4. Rété fidèl a Jéova lè on frè fè on péché
Si nou vin sav kè on moun ki adan lasanblé-la fè on péché ki grav, ka nou dwètèt fè ? Pou nou réponn, an-nou gadé on vèwsé ki adan Lwa-la Bondyé té ba sé Izraélit-la. Li Lévitik 5:1.
Dapré prensip-lasa, si nou vin sav kè on moun ki adan lasanblé-la fè on péché ki grav, fò-nou di sé ansyen-la sa. Men adan on prèmyé tan, sa té’é byen si nou té ka ankourajé moun-lasa ay vwè sé ansyen-la limenm a-y pou i di-yo ki péché i fè. É lè nou ka fè sa, nou ka montré-y kè nou enmé-y. Si i pa’a suiv konsèy an nou, konm nou enmé Jéova, nou ké mété sé ansyen-la okouran a sa i fè. Lè nou ka aji konsa, kijan sa ka montré kè nou enmé...
-
Jéova ?
-
moun-la ki péché la ?
-
sélézòt moun-la ki adan lasanblé-la ?
Si on frè fè on péché ki grav, édé-y !
5. Rété lwen a Gran Babilòn-la
Li Lik 4:8 é Révélasyon 18:4, 5, é fè on ti kozé asi sé kèsyon-lasa :
-
Si an té adan on rèlijyon, ès an fè-yo sav kè an pa èvè yo ankò ?
-
Ès an adan on òwganizasyon ki lyanné èvè ondòt rèlijyon ?
-
Ès travay an mwen ka édé fo-rèlijyon-la pou zafè a-y maché ?
-
Ès an ka rann-mwen kont kè fo-rèlijyon-la ka aji asi mwen toujou adan sèwten domenn ?
-
Si an ka réponn wi pou yonn adan sé kèsyon-lasa, ki chanjman an dwètèt fè ?
Kèlkanswa sitiyasyon a-w, toujou pran désizyon ki ké montré kè ou fidèl a Jéova é ki ké édé-w ni on konsyans ki pwòp.
Si on asosyasyon ki lyanné èvè ondòt rèlijyon ka mandé-w fè on don, ka ou ké fè ?
MI SA MOUN KA DI : « Fò-mwen sav ka sé apòsta-la ka di asi Témwen a Jéova. Konsa, an ké pé défann lavérité. »
-
Ou ka di sé on bon lidé ? Poukwa ?
ON TI RÉZIMÉ
Nou ka montré Jéova kè nou fidèl lè nou pa’a frékanté moun ki lagé-y, é lè nou ka ba sé fo rèlijyon-la gran lè a yo.
Ka ou woutyenn
-
Poukwa fò pa nou li, ni gadé, ni kouté sa sé apòsta-la ka di ?
-
Kijan fò-nou aji èvè moun ki vé pa sèvi Jéova ankò ?
-
Kijan on krétyen ka montré kè i pa adan fo-rèlijyon-la ankò ?
AY GADÉ SA OSI
Ka pou ou fè lè ou ka tann moun ka di bétiz asi Témwen a Jéova ?
« As-tu vraiment tous les faits ? » (Tou dè Gad a out 2018 an fransé)
Kijan nou ka pé sav si on òwganizasyon oben on aktivité ka soutyenn Gran Babilòn-la ?
Sèwten moun ki lènmi èvè nou ka pòté bon mannèv pou fè-nou pèd lafwa. Kijan yo ka fè sa ?
Istwa a on prèt ki té adan on rèlijyon yo ka kriyé Chinto é ki koupé lépon èvè rèlijyon-lasa. Ou ké touvé istwa-lasa adan awtik-la : « Je recherchais Dieu depuis mon enfance ».
« La Bible transforme des vies » (Tou dè Gad a 1é Juiyé 2011 an fransé)
Ay gadé sa osi...
KÈSYON ONLO MOUN KA POZÉ-YO
Sé lèson biblik la Témwen a Jéova ka pwopozé : kijan sa ka pasé ?
Sé lèson-la gratui é ou ka pé fè bèl ti kozé èvè Témwen a Jéova ; ou pé sèvi èvè pwòp Bib a-w é ou pé envité fanmi a-w oben zanmi a-w suiv étid-la èvè-w.
