Ami soglea poristhitint Jehovak visvaxi ravonk sodhtat. Amchea mukhar kosleo-i poristhiti ieum ami tachi seva korchi soddun diunk sodhinant. Ani amchem hem visvaxiponn polloun Jehova amcho khub valor korta. (1 Itihas 28:9 vachat.) Punn, Jehovak visvaxi ravonk amkam kednam kotthin zaunk xokta ani amchem visvaxiponn samballunk ami kitem korunk zata tem zannam zaum-ia.

1. Jehovak visvaxi ravonk amkam kednam kotthin zaunk xokta?

Thoddim Jehovachi seva korunk amkam addkholl haddunk xoktat. Zoxem, thoddim sot soddun geleant ani Jehovache songottnne vixim fott uloitat. Tankam dhorm-broxtt korpi mhunnttat. Tim fotti sangon amcho bhavarth oskot korunk sodhtat. Toxench, thodde dhormik fuddari pasun Jehovachea Sakxeam vixim fott sangtat ani teo aikon ami sot soddlolem tankam zai. Osleam munxam lagim bhasabhas kelear, tanchim pustokam vachlear, tancheo website-i vo video polloilear ani Internet-acher tannim ghatloli mahiti vachlear ami dhokeant poddonk xoktat. Visvaxiponnan Jehovachi seva korunk addkholl ghaltat tanche vixim Jezun oxem mhunnttlem: “Tanche koddem dhean dium nakat. Te svota kuddʼdde asun dusreank vatt dakhoitat. Eka kuddʼddean dusrea kuddʼddeak vatt dakhoili zalear te dogui fonddant poddttole.”—Matev 15:14.

Punn amche sobhent konnui Jehovacho Sakxi mhunn ravonk sodhina zalear ami kitem korunk zata? To vo tem amkam lagim asa zalear amkam khub dukh zaunk xokta. Tea vellar ami konnak visvaxi ravtolim? Tea munxak vo Jehovak? To munis amcher dobhav ghalta zalear pasun ami fokot Jehovakuch visvaxi ravtolim mhunn ami ghott nichov korunk zai. (Matev 10:37) Ani toxench, Jehovachi adnea pallun oslea munxa sangata ami koslench natem dovorchem nhoi.—1 Korintkarank 5:11 vachat.

2. Ami Jehovak visvaxi asat mhunn koxem dakhounk zata?

Amkam Jehovacho mog asa zalear ami khottea dhorma sangata koslench natem dovorchim nant. Zoxem, ami khottea dhorma sombondint asloli sirvis korchimnant vo tanchea koslea-i kariavollint bhag gheunchimnant, na mhunn ami toslea songottnneche bhag zaun ravchimnant. Karonn Jehova amkam xittkaunni dita: ‘Mhojea lokamno, [Bollixtt Babilonantlean] bhair sorat’—Prokasovnni 18:2, 4.

 KHOLAIEN XIKAT

3. Khotti mahiti nakarat

Amchea songottnne vixim konnui khotti mahiti sangta tednam ami kitem korunk zai? Mhonnʼnneo 14:15 vachun sokol dilʼlea prosnacho zobab zannam zaum-ia:

• Ami aikotat tem soglem dolle dhampun kiteak manunk favona?

2 Juanv 10 vachun sokol dilʼlea prosnanche zobab zannam zaum-ia:

• Dhorm-broxtt korpeam sangata amchi vagnnuk koxi asonk zai?

• Ami ghoddie tanchea sangata uloinant asonk puro, tori astana ami tanchea fasant koxim poddonk xoktat?

• Konnui Jehova vixim ani tachea songottnne vixim kitem-i vaitt sangta ani ami tem aikotat zalear Jehovak koxem distolem?

4. Konnui gombhir patok kortat tednam Devak visvaxi ravat

Sobhent konnem-i gombhir patok kelam mhunn amkam kollon ieta zalear ami kitem korunk zai? Adim, Devan Izrael lokank zo kaido dilʼlo tantuntlean amkam kitem xikonk melltta tem ami polloum-ia. Levi-Xastr 5:1 vachat.

Hea versa thaun ami xiktat ki konnem-i ek gombhir patok kelam zalear, ami tea munxak tea patka vixim vhoddilank sang mhunn sangonk zai. Hea toren, ami taka doia dakhoitat. Punn to vhoddilank sangona zalear, ami Jehova Devacho mog kortat dekhun ami tea vixim vhoddilank sangchi goroz asa. Tor oxem korun  . . .

• ami Jehovak visvaxi mog koxim dakhoitolim?

• patok kelam tea munxak ami visvaxi mog koxim dakhoitolim?

• ani sobhentlea her bhav-bhoinnank visvaxi mog koxim dakhoitolim?

 5. Bollixtt Babilona thaun bhair sorat

 KITEM XIKLIM

Jehovak visvaxi ravtolim zalear, taka ovisvaxi asloleam sangata ani khottea dhorma sangata ami natem dovorchem nhoi.

Porot Ugddas Korum-ia

• Ami dhorm-broxtt korpeanchi sahitʼtiam kiteak vachunk, aikonk ani pollounk favona?

• Konnak-ui Jehovacho Sakxi zaun ravonk naka tanchea sangata amchi vagnnuk koxi asonk zai?

• Khottea dhormantlean bhair sorchi xittkaunni ami koxi pallunk zata?