EISOMO LYA 58
Gendelera Kuba Mahika Ahali Yehova
Abakirisito b’amazima baramwire nk’okwo tibalikwija kujubura nakati kintu anga omuntu wena wena aite obukwatane bwabo ahali Yehova. Twina obwesige nk’okwo naiwe notekeleza otyo. Yehova nasiima okuba mahika kwawe. (Shoma 1 Amakuru 28:9.) Nibintuki ebya kukukora iwe ogumirwe kugendelera kuba mahika ahali Yehova, kandi nikihai ekyakubasa kukujuna?
1. Abantu abandi bakubasa kutukora batai tugumirwe kugendelera kuba mahika ahali Yehova?
Abantu abandi nibaija kulengesa kutwohya tulekere kukolera Yehova. Isi, aliho abantu abakubasa kukora ekintu ekyo ekili kibi? Abantu abandi abalekeire kukolera Yehova, nibagendelera kugamba ebishuba ebikwete aha itengenezo lya Katonda babase kuyugya omwesigo gwaitu. Abantu abo nibetwa abashengi b’omwesigo (waasi-imani). Kandi, abebembezi b’edini abandi nibagendelera kutugambaho ebishuba babase kukora abantu abatali maisho balekere kukolera Yehova. Rushengo kuhakana n’abantu abali kutugambaho kubi, kushoma ebitabo n’emijadala yabo kuraba omu mitandao, kukomorora etovuti zabo, anga kuleba evideo zabo. Yesu akagambati ekikwete ahali balinya abali kulengesa kuhenda omwoyo abandi balekere kuba mahika ali Yehova: “Mubaleke; bebembezi abaigaire amaisho. Empume k’ekwata empume endijo omukono, bombili bagwa omu kiina.”—Matayo 15:14.
Orakoraki k’omuntu ow’olikumanya araramura nk’okwo takyenda kuba mujulizi wa Yehova? Nitubasa kuhendeka omwoyo omuntu owo tulikugonza k’alikukora atyo. Rundi twakwetagwa kuramura kuba mahika aha muntu ogwo anga ahali Yehova. Nitwetagwa kuramura kugendelera kuba mahika ahali Katonda kushaaga aha muntu anga aha kintu ekindi kyona kyona. (Matayo 10:37) Kityo nitukunira omuku gwa Yehova ogwa nk’okwo nitwetagwa kulekera kwema amoi n’omuntu ogwo.—Shoma 1 Abakorinto 5:11.
2. Ni buramuziki obwakubasa kwolekya nk’okwo ichwe tuli mahika ahali Yehova?
Engonzi zaitu ahali Yehova nizitwinegeza kwelinda kwema hamoi omu ngeli yona yona n’edini z’ebishuba. Tituli kwetagwa kukora milimo anga kwema hamoi n’eishirika lyona lyona ely’ekidini anga kwetahya omu milimo yona yona ekweteho edini z’ebishuba. Yehova natutatira ati: “Inywe bantu bange [Babiloni N’obuhango bwayo], mumurugemu.”—Okushurulirwa 18:2, 4.
MANYURUZA
Yega omanye okwo wakubasa kwelinda omuntu wena wena ataita bunywanyi bwawe ahali Yehova. Kandi, enjuza omanye okwo wakubasa kwolekya nk’okwo iwe oli mahika omu kweshumba n’edini zona ez’ebishuba.
3. Oyelinde abeli kwegesa ebishuba
Nitwetagwa kukoraki orwo tulikuhulira amakuru agatali kugasha agakweteho eitengezezo lya Yehova? Shoma Emigani 14:15, mushube mufumoreho ekibazo eki:
-
Kubaki tituli kwetagwa kuba bangu kwesiga buli kigambo ekyo tulikuhulira?
Shoma 2 Yohana 10, mushube mufumoreho ebibazo ebi:
-
Abashengi b’omwesigo nitwetagwa kubakolera tutai?
-
Okushaaga kwema hamoi n’abashengi b’omwesigo limoi limoi, nibintuki ebindi ebyo tulikwetagwa kwelinda tutabasa kwohibwa emyegeso yabo?
-
Notekeleza Yehova arayehulira atai katurahuliliza ebintu ebitali kugasha ebikwete ahali wenene anga ebikwete aha itengenezo lye?
4. Obe mahika ahali Katonda, orw’Omukirisito mutahi wawe ali kukora entambara
Orw’olikumanya nk’okwo omuntu nanka omu nteko yakora entambara esikiire, noyetagwa kukoraki? Tekeleza ekanuni eli omu mateka ago Katonda yahaire Abaisiraeli abakarai. Shoma Eby’abalevita 5:1.
Omu kwigana n’orujuru oru, orwo tulikumanya nk’okwo omuntu yakora entambara esikiire, nitwetagwa kugambira abagurusi amakuru ago tulikumanya. Kyonkai, otakakozire otyo, kintu ky’obushobekerwa kugambira omuntu ogwo agye abagurusi abagambire entambaraye. Karaba atakozire atyo, engonzi zaitu mahika ahali Yehova ziratwinegeza kugambira abagurusi amakuru ago tulikumanya. Okukora tutyo nikwolekya kutai engonzi mahika ahali . . .
-
Katonda waitu Yehova?
-
olinya ayakora entambara?
-
balinya abali omu nteko?
K’omu Kirisito mutahi wawe araba ali omu rushengo, mujune!
5. Oruge omu dini y’ebishuba
Shoma Luka 4:8 n’Okushurulirwa 18:4, 5, mushube muhorole ebibazo ebi:
-
Isi, eibara lyange likyahandikirwe omu kitabo ky’abali kwema hamoi n’edini y’ebishuba?
-
Isi, ninyema amoi n’eishirika elili kwema amoi n’edini y’ebishuba?
-
Isi, omulimo gwange niguunga omukono edini y’ebishuba omu ngeli yona yona?
-
Isi, aliho ekintu ekindi ekyo ndikwetagwa kukora mbase kweshumba n’edini y’ebishuba?
-
Koraba wahorora ego omu kibazo kimoiho omu lyebi noyetagwa kukoraki?
Omu bintu ebyo byona, kora oburamuzi oburakusiga oina ishenkazi mutima eli nungi nobura yolekya nk’okwo oli mahika ahali Yehova.
Orakoraki korashabwa ogire omuchango gw’okujuna amashirika g’ekidini?
ABANTU ABANDI NIBAGAMBA BATI: “Ninyetaga kumanya ebintu eby’abashengi b’omwesigo balikugamba ebikwete aha Bajulizi ba Yehova, mbase kutonganira amazima.”
-
Isi, ekyo kintu ky’obumanyi? Kubaki?
OMUBIGUFI
Obase kugendelera kuba mahika ahali Yehova, noyetagwa kwelinda kwema hamoi na abantu abatali mahika ahali wenene. Kandi, nitwetagwa kweshumba edini z’ebishuba.
Isi ebi wakubihorora otai?
-
Kubaki tituli kwetagwa kuleba, kushoma, anga kuhuliliza amakuru ag’abashengi b’omwesigo?
-
Nitwetagwa kukoleraki balinya abatakyenda kuba Bajulizi ba Yehova?
-
Nitubasa tutai kukunira omuku ogw’okuruga omu dini z’ebushuba?
ENJUZA MUNO
Yega omanye eky’olikwetagwa kukora orw’olikuhulira amakuru g’ebishuba agakweteho Abajulizi ba Yehova.
“Isi, Oina Amakuru Agalikwo?” (Mnara wa Mlinzi, Omwezi gwa Munana 2018)
Nobasa otai kumanya amashirika anga emilimo yona yona elikuunga omukono edini z’ebishuba?
Abashengi abandi bakozileki kulengesa kuyugya omwesigo gwaitu?
Omu baruro eli kugamba eti “Nkaba Nimpiga Katonda Kwema Nkyali Muto,” yega ebikwete ali kuhani ow’edini ya shinto ayalekeire kwema hamoi n’edini y’ebishuba.
“Ebubulia Nehindura Emikalire” (Mnara wa Mlinzi, Omwezi gwa Mushanju 1, 2011)
