Keristani taudia momokanidia be edia lalona idia hadaia, gau ta o tau ta ese edia tomadiho karana Iehova dekenai do ia hadikaia lasi. Reana oi danu be unai bamona oi mamia. Iehova ese ia oi badinaia karana ia laloa bada. (1 Sivarai 28:9 duahia.) Dahaka gaudia ese Dirava badinaia karana idia hadikaia diba, bona dahaka ese oi ia durua diba?

1. Edena dala ai haida ese eda Dirava badinaia karana idia hadikaia diba?

Taunimanima haida do idia ura Iehova oi tomadiho henia karana idia hadikaia. Daidia ese unai do idia ia karaia? Dirava ena orea idia rakatania taudia haida be iseda abidadama idia hadikaia totona, koikoi herevadia do idia gwauraia. Idia be aposteit taudia. Danu, tomadiho gunalaia taudia ese koikoi herevadia amo iseda orea idia hadikaia, bona laloparara lasi taudia ese edia hereva idia abia dae, bena Iehova ena orea idia rakatania. Ita idia inai henia taudia edia buka o hereva ita duahia, edia websait o vidio ita itaia bona idia ida ita hepapahuahu karana ese eda abidadama ia hadikaia diba. Iesu be Iehova ena taunimanima edia tomadiho karana idia hadikaia taudia ia herevalaia. Ia gwau: “Rakatanidia, idia be matakepulu hakaua taudia. Bema matakepulu tauna ta ese matakepulu tauna ma ta ia hakaua, idia ruaosi be guri lalonai do idia moru.”—Mataio 15:14.

To dahaka do ia vara bema ita diba tauna ta be ia ura lasi Iehova ena orea lalonai ia noho? Unai bamona ia karaia neganai, do ita lalohisihisi bada. Bona reana ita do ia doria, ia eiava Iehova ita abia hidi totona. Herevana dahaka ia vara, namona be eda lalona ita hadaia Dirava sibona do ita badinaia noho. (Mataio 10:37) Oibe, Iehova ena taravatu do ita badinaia bona unai tauna do ita bamoa lasi.—1 Korinto 5:​11 duahia.

2. Edena dala ai iseda abia hidi ese do ia hahedinaraia Iehova ita badinaia eiava lasi?

Iehova ita lalokau henia dainai, ita ura lasi tomadiho koikoi ita bamoa. Namo lasi iseda moni gaukara, ita bamoa orea ta eiava ita karaia gaudia ma haida be tomadiho koikoi idia durua. Iehova ena oda herevana be: “Egu taunimanima e, . . . ia [Babulonia Badana] amo umui raka-lasi.”—Apokalupo 18:​2, 4.

 DIBA MA HAIDA ABIA

3. Hahediba taudia koikoidia dainai naria namonamo

Iehova ena orea idia hadikaia herevadia ita kamonai neganai, dahaka do ita karaia? Aonega Herevadia 14:15 duahia, bena inai henanadai herevalaia:

• Dahaka dainai ita ura lasi ita kamonai gaudia ibounai ita abia dae?

Ioane Iharuana 10 duahia, bena inai henanadai herevalaia:

• Aposteit taudia be edena bamona do ita kara henidia?

• Ena be aposteit taudia ita hedavari henidia lasi, to edena dala ai edia hahediba herevadia ita abia dae diba?

• Iehova ena hemami be edena bamona bema Ia eiava ena orea idia hadikaia herevadia ita kamonai henia?

4. Iehova oi badinaia noho ena be ta ia kara dika

Bema ita diba kongrigeisen lalonai tau ta be dika badana ta ia karaia, iseda maduna be dahaka? Mani idaunega Israela besena dekenai Dirava ena Taravatu ese ia gwauraia hakaua herevana ita laloa. Levitiko 5:1 duahia.

Unai siri hegeregerena, bema ita diba tadikaka ta be dika badana ta ia karaia, elda taudia ita hamaoroa be namo. To, unai ita do karaia lasi neganai, lalokau dalana be kerere tauna ita hamaoroa elda taudia dekenai do ia lao, bona ena kerere do ia gwauraia hedinarai. Bema ia karaia lasi, Iehova ita badinaia dainai ita ese elda taudia dekenai ita diba gauna do ita gwauraia. Edena dala ai emu kara amo lalokau oi hahedinaraia . . .

• Iehova Dirava dekenai?

• ia kerere tauna dekenai?

• kongrigeisen taudia ma haida dekenai?

 5. Babulonia Badana umui rakatania momokani

 POINT BADANA

Iehova ita badinaia noho totona, namona be ia idia dadaraia taudia ita bamoa lasi. Danu, tomadiho koikoi amo do ita siri.

Riviu

• Dahaka dainai aposteit taudia edia hereva ita duahia eiava kamonai henia lasi be namo?

• Idia ura lasi Iehova ena orea lalonai idia noho taudia be edena bamona do ita kara henidia?

• Edena dala ai tomadiho koikoi do ita rakatania ena oda herevana ita badinaia diba?