Ti woere kriste sin pextimt net lose tas etwas orer yemant iir fon Yeehoowa wech halt. Kans sicher xpiirst tuu tich aach soo. Yeehoowa kept kroos weyert tsu tayn leaaliteet. (Lees 1 Kroonike 28:9.) Was khent unser leaaliteet in proop xtele, un wii khanst tuu too mit um keen?

1. Wii khene anere unser leaaliteet tsu Yeehoowa in proop xtele?

Tas kept layt woo wole uns ap lenke fon Yeehoowa tiine. Tsum payxpiil, ti aphostate, tas is, layt woo Yeehoowa sayn orkanisatsyoon im xtich kelos hon un tuun yets liieray iwich tëne uf pringe. Too sin aach relichyeese fiire woo liie iwich uns tas etliche sole ti woerheet im xtich lose. Tas is kefeerlich mit keechner tiskutiire, iire piicher un blogs leese, iire site pesuuche orer iire wiiteos kuke. Yeesus saat iwich layt woo wole anere tsurik hale fer Yeehoowa tiine: “Lost se. Tii sin plinte fiirer. Un wën eene plinte man eene anere plinte man fiirt, fale ti tswaay in een loch.” — Matheus 15:14.

Un wën yemant woo mer khëne wil net mee Yeehoowa sayn Tsayer sin? Meyer khene uns aarich traurich xpiire wën yemant woo mer liipe tas macht. Te persoon fersuucht im xtant uns tswinge raus suuche tswixich iim orer Yeehoowa. Meyer mise pextimt sin foran leaal tsu Yeehoowa plaype ekaal was khomt. (Matheus 10:37) Tes weeche, heere mer aan Yeehoowa sayn kesets woo saat khee kontakt mit soo mënxe hon. — Lees 1 Korinter 5:11.

2. Wii khene unser ëntxlise pewayse tas mer leaal tsu Yeehoowa sin?

Ti liip woo mer tsu Yeehoowa hon wërt uns uf muute fer niks tsu tuun hon mit een falx relichyoon. Tas petayt tas mer net mee teel mache in een orkanisatsyoon woo mit te falx relichyoon tsu tuun hot. Too pay is unser aarwayt un anere aktiwiteete. Yeehoowa saat: ‘Keet fon Papiloon ti Kroos raus, mayn folek.’ —  Apokalipsis 18:2, 4.

LËRN MEE

3. Phas uf mit falxe inlërnunge

Was sole mer mache wën mer heere xlecht xpreche iwich Yeehoowa sayn orkanisatsyoon? Leest Xpriiche 14:15. Noochte xprecht iwich tiise frooch:

• Warom sole mer uf phase fer net klaape aan ales was mer heere?

Leest 2 Yoohan 10. Noochte xprecht iwich tiise frooche:

• Wii sole mer um keen mit te aphostate?

• Soo kaar wën mer aach net mit te aphostate fertseele, wii khene mer toch kontakt mit iire inlërnunge hon?

• Wii mënst tuu tas Yeehoowa sich xpiirt wën mer acht kepe tsu tëne woo xlecht iwich iim un sayn orkanisatsyoon xpreche?

4. Playp leaal tsu Yeehoowa wën eene pruuter een xlime sint macht

Wën mer tsu wise kriin tas yemant in te kemaynt een xlime sint kemacht hot, was sole mer mache? Kuk was Kot saat tsu te friirixe Israël. Leest Lewiitikus 5:1.

Wii tiise wërs tsaycht, wën mer tsu wise kriin tas yemant een xlime sint kemacht hot, mise mer tas fer ti elteste fertseele. Awer eyerst weyer es liiplich wën mer teete te persoon uf muute tas te selepst solt mit te elteste xpreche keen un saan was tee kemacht hot. Awer wën tee tas net macht, tan sol unser leaaliteet tsu Yeehoowa uns uf muute fer ti elteste fertseele was mer wise. Wii tsaycht tas unser leaal liip . . .

• tsu Yeehoowa Kot?

• tsu te persoon woo te sint kemacht hot?

• tsu ti anere in te kemaynt?

5. Hal tich wech fon Papiloon ti Kroos

 IN KHORTSE WËRTER

Meyer wole imer leaal tsu Yeehoowa sin. Tes weeche, wole mer khee kontakt hon mit tii woo net leaal tsu iim sin. Un noch, meyer mise uns kans wech hale fon te falx relichyoon.

Was hon mer kelërnt?

• Warom sole mer net kuke, leese orer horiche was ti aphostate saan?

• Wii sole mer um keen mit tëne woo wole net mee Yeehoowa sayn Tsayer sin?

• Was petayt sich kans wech hale fon te falx relichyoon?