Nekas Kristu aentstikia warinkish nankaamakuisha Jehová tuke enentaimtustasar wakeraji. Amesha aintsam enentaimtsumeash? Tuke umireamna nuna Jehová shiir iiyawai (1 Crónicas 28:9 TNM aujsata). Wari nankaamakuiya Yuus umirkatin itiurchat aminiait? Nu itiurchat nupetkattsam wari itiurkatniuitiam?

1. Jehovan umirkarain tusa itiurtamkamniaitiaj?

Jehovan umirkarain tusar chikich aents itiurchat amajtamiarminiaitji. Yuusnumia aran amajkartustasar Yuusan iniasaruana nu testigos de Jehovanun warinkisha waitruawar tiarminiaiti. Ainis waitruiniaka apóstatas tutainti. Nuyasha pastor turutskesha sacerdote waitruawar testigos de Jehovanun aujmatin ainiawai. Ainis waitruiniakui nukap aents aran ajau ainiawai. Iin kajertamainiajnia nu ayamprumaktasar aujeakrikia itiurchatnum enkemkamniaitji. Nu aents internetnum aarar apujainiana nu aujsashtiniaitji, ni papiirisha aujsashtiniaitji, videon apujainiana nusha iischatniuitji. Ainis najaneakrikia itiurchatnum enkemkashtatji. Yuusan umirkarain tusar itiurchat amajkartuiniaka junis ainiawai Jesús timiayi: “Ikiuktiarum. Kusurua áintsaṉ áiniawai. Tura kusurúncha jintintiáiniawai. Mai̱ kusuru ásar mai̱ wá̱a̱nam akaikí̱ iniaawartatui” (Matéu 15:13, 14).

Ii amikri testigo de Jehová atinian iniaisamtai itiurkatniuitiaj? Ii amikri testigo de Jehová atinian iniaiyakui ti kuntuts enentaimsamniaitji. Nu nankaamakui Jehová tana nuna umirkatjash turutskesha winia amikrujai tukeash shiir amajnai pujuttaj tu enentaimsamniaitji. Tumaitkiusha iikia Jehová tuke umirkatniuitji (Matéu 10:37). Tuma asamtai nu aentsjai shiir amajnaisatniuka iniaisatniuitji (1 Kurintiunam 5:11 aujsata).

2. Nuyasha Yuus umirkattsar wari najanatniuitiaj?

Jehová anea asar antar religión najanainiana nui pachinkiatin penke nakitiaji. Antar religionna takakmaschatniuitji. Ii najaneajnia nuka antar religionnum najanainiana aintsan achatniuiti. Tura warinmansha pachinkiurkia antar religionna achatniuiti. Uunt Babilonianmaya jinkitiarum Jehová ainis tawai (Apukarípsis 18:2, 4).

 PENKER NEKAATAI

3. Wait chichaman jintinkratainia irunu asamtai anearta

Jehová iruntramuriniu aujmatainiamu antukam itiur enentaimsattam? Nekatai̱n Jintinkiartin [Proverbios] 14:15 aujsarum juna aujmattsatarum:

• Warinkish antukrisha nekasaiti tutsuk urukamtai esetrar enentaimsatniuitiaj?

2 Juaṉ 10 aujsarum juna aujmattsatarum:

• Testigos de Jehovanu waitruawar etserainiana nujai nawamnaikiatniuashitiaj?

• Testigos de Jehovanu waitruawar aujmatainiana nujai aujnaiyachkursha ni enentaimiainiana nunisan enentaimsamniashitiaj?

• Yuusnan tura ni iruntramuriniun yajauch aujmatainiamu antureakrincha Yuussha itiurak enentaimpramniait?

4. Kristu aents tunaan najanamtaisha ameka Jehová tuke umirkata

Kristu aents ti yajauchin najana nekaarsha wari turatniuitiaj? Jehová Israel aentsun timiania nui enentaimsata. Levítico 5:1 TNM aujsatarum.

Yuusa chichame tana aintsan Kristu aents ti yajauchin najana nekaarkia uuntri ainiana nu ujakartiniaitji. Nu turutsuk ti yajauch najana chicharkur uuntri ainiana nujai aujmattsata titiniaitji. Ujaktinian nakitiakuinkia Jehová umirkattsar wakera asar uuntri ainiana nu ii ujakartiniaitji.

• Nu turakrikia Jehová anea asar umireajiash? Urukamtai aintsait?

• Nu turakrikia tunaan najana aneajiash? Urukamtai aintsait?

• Nu turakrikia chikich Kristu aents aneajiash? Urukamtai tu enentaimiam?

 5. Warinkisha antar religión najanmanum pachinkiaip

 WARI NEKAAM

Jehová tuke umirkattsarkia Jehovan nakitiainiana nujai shiir amajnaisashtiniaitji. Nuyasha antar religionnumia aran ajastiniaitji.

Awakeasrik nekaatin

• Testigos de Jehovanun yajauch aujmatainiamu urukamtai nakitratniuitiaj?

• Testigos de Jehová atinian iniaisaruana nujai shiir amajnaisatniuashitiaj?

• Antar religionnumia aran ajastasar wari itiurkatniuitiaj?