Kabèh wong Kristen, termasuk njenengan, mesthi péngin terus nglayani Yéhuwah. Mulané bakal nolak apa waé sing isa marahi dadi ora setya. Yéhuwah seneng nèk njenengan terus setya. (Wacanen 1 Babad 28:9.) Apa waé sing isa marahi dadi ora setya? Piyé bèn isa terus setya?

1. Sapa sing isa waé marahi ora setya manèh karo Yéhuwah? Piyé carané?

Ana sing péngin umaté Yéhuwah ora nglayani Yéhuwah manèh, misalé wong murtad. Wong-wong kuwi mbiyèné Seksi Yéhuwah, tapi saiki ngèlèk-èlèk organisasiné Yéhuwah. Tujuané, bèn umaté Yéhuwah ora percaya manèh karo Yéhuwah lan organisasiné. Terus, ana pemimpin agama sing nyebarké keterangan sing ora bener soal Seksi-Seksi Yéhuwah. Tujuané, bèn akhiré umaté Yéhuwah wegah dadi abdiné Yéhuwah manèh. Mulané, aja nganti debat, maca blog utawa bukuné, mbukak situs wèbé, utawa nonton vidéoné. Yésus ngomong, ”Wong-wong kuwi ora usah mbok urusi. Wong-wong kuwi penuntun-penuntun sing wuta. Nèk wong wuta nuntun wong wuta, loro-loroné bakal kecemplung kalèn.”​—Matius 15:14.

2. Apa buktiné nèk mémang péngin setya karo Yéhuwah?

Nèk sayang Yéhuwah, ora mungkin ndhukung agama palsu. Kuwi termasuk soal gawéan, organisasi, utawa kegiatan apa waé sing ana hubungané karo agama palsu. Yéhuwah ngomong, ”Umat-Ku, metua saka [Babilon Gedhé].”​—Wahyu 18:​2, 4.

 SINAU LUWIH AKÈH

3. Ngati-ati karo wong murtad

Piyé nèk ana sing ngèlèk-èlèk organisasiné Yéhuwah? Wacanen Wulang Bebasan 14:​15, terus rembugen pertanyaan iki:

• Ngapa kok ora éntuk langsung percaya karo kabèh omongané wong?

Wacanen 2 Yohanes 9-11, terus rembugen pertanyaan-pertanyaan iki:

• Nèk karo wong murtad, awaké dhéwé kuduné piyé?

• Meskipun ora omong-omongan langsung, tapi isa waé bergaul karo wong murtad. Misalé nèk piyé?

• Nèk njenengan seneng ngrungokké omongan sing ngèlèk-èlèk Yéhuwah utawa organisasiné, piyé perasaané Yéhuwah?

4. Tetep setya karo Yéhuwah wektu ngerti ana sing nggawé dosa

Nèk ngerti ana sedulur seiman sing nggawé dosa gedhé, awaké dhéwé kuduné piyé? Saka hukumé Gusti Allah kanggo bangsa Israèl mbiyèn, ana pathokan apa? Wacanen Kaimaman 5:1.

Menurut ayat kuwi, nèk ngerti ana sedulur seiman sing nggawé dosa, kudu ngandhani para pinituwa. Tapi sakdurungé kuwi, kudu ngandhani sik sedulur sing dosa mau bèn dhèwèké dhéwé sing ngomong karo para pinituwa. Nèk dhèwèké ora gelem, awaké dhéwé sing kudu ngandhani para pinituwa. Ngapa kok kuwi bukti nèk awaké dhéwé sayang lan setya karo . . .

• Yéhuwah?

• sedulur sing nggawé dosa kuwi?

• sedulur liyané ing jemaat?

 5. Aja nganti isih ana hubungan karo Babilon Gedhé

 KESIMPULAN

Bèn isa tetep setya karo Yéhuwah, aja bergaul karo wong-wong sing péngin nyesatké awaké dhéwé.

Jawaben

• Ngapa kok ora éntuk ngrungokké pendapat lan ajarané wong murtad?

• Nèk ngerti ana sedulur sing nggawé dosa gedhé, awaké dhéwé kudu piyé?

• Apa buktiné nèk aku babar blas ora ana hubungan karo agama palsu?