TIMEƔRI TIS 58
Qqim d unṣiḥ i Yahwa
Amasiḥi ur yeţţaǧǧa acemma ad yili d ugur gar-as akk-d Yahwa. Bla ccekk d ayagi i tebɣiḍ ula d kečč. Yahwa yeţţak lqima tameqrant i nnṣaḥa-inek (ɣer-ed 1 Amezruy 28:9). Amek ara teţţujeṛṛbeḍ ahat di nnṣaḥa-inek? Yerna amek i tzemreḍ aţ-ţqableḍ ayagi?
1. Amek i ţţeɛraḍen kra a ɣ-ssebɛden ɣef Yahwa?
Llan lɛibad ara yebɣun a ɣ-sseḥbsen ur nqeddec ara ɣef Yahwa. Ahat d wid i geǧǧan tideţ yerna zerrɛen lekdubat ɣef tuddsa n Ṛebbi iwakken a ɣ-ssefclen di liman-nneɣ. Lɛibad-agi ţţusemman inekkaṛen n liman n ṣṣeḥ. Llan daɣen yemḍebbren n ddyanat i gzerrɛen lekdubat fell-aneɣ iwakken ad ssebɛden ɣef tideţ imasiḥiyen ur neţḥadar ara. Ma nheddeṛ d wigad-agi i ɣ-yeţxaṣamen, neɣ neţnadi a nɣer tiktabin-nsen, d wayen i d-ssufuɣen di Internet akk-d bidyuwat-nsen, ayagi yezmer a ɣ-d-yawi lemḍerra tameqrant. Yenna-d Ɛisa ɣef wigad yeţţeɛraḍen ad rẓen tadukli-nneɣ d Yahwa: “Aneft-asen! D iderɣalen i geţţaṭṭafen afus i iderɣalen. Aderɣal m’ara yeṭṭef afus i uderɣal, ad ɣlin akken ɣer tesraft” (Matta 15:14).
D acu ara nexdem lukan a ɣ-d-yaweḍ lexbaṛ belli yiwen seg yeḥbiben-nneɣ neɣ yiwen si twacult-nneɣ yeṭṭef leqrar ad yeffeɣ si ddin n Inagan n Yahwa? Liḥala-yagi tesseḥzan mliḥ. Wagi i geǧǧan tideţ, yezmer maḍi a ɣ-yessextiṛ gar-as akk-d Yahwa. Meɛna, ilaq-aɣ qbel kulci a neqqim d unṣiḥen i Yahwa (Matta 10:37). Yerna, a naɣ awal i lameṛ n Yahwa i d-yeqqaren belli ur ilaq ara a nɛaceṛ amdan am wagi (ɣer-ed 1 Ikurintiyen 5:11 a, Ṭrejma n ddunit tajdiṭ, s tṛumit).
2. Amek i d-teţban nnṣaḥa-nneɣ di leqrarat i neţţaṭṭaf?
Nḥemmel mliḥ Yahwa; daymi ur nebɣi ara yakk ad yili wayen ara ɣ-icerken d ddin n lekdeb. Ayagi yeɛna lxedma-nneɣ, lecɣal-nneɣ d leḥwayeǧ akk nniḍen ideg i nezmer a nţekki. Yahwa iweṣṣa-yaɣ ɣef “Babil Tameqrant”, yenna-d: “Ffɣet-ed seg-s, ay agdud-iw” (Aweḥḥi 18:2, 4).
A NNADI A NEFHEM AKTEṚ
A nwali amek ara nexḍu i wayen akk i gzemren ad yili d ugur gar-aɣ d Yahwa. A nwali daɣen d acu i d lmeɛna-s ‘a d-neffeɣ si Babil Tameqrant’.
3. Ţḥadar iman-ik seg wid yesselmaden lekdubat
D acu ara txedmeḍ lukan aţ-ţesleḍ i walbeɛḍ yeţqejjim di tuddsa n Yahwa? Ɣret-ed Lemtul 14:15, mbeɛd hedṛet ɣef westeqsi-yagi:
-
Acuɣer ur ilaq ara aţ-ţeţţamneḍ ayen akk i d-qqaren medden?
Ɣret-ed 2 Yuḥenna 10, mbeɛd hedṛet ɣef yesteqsiyen-agi:
-
Amek i d-yewwi a nexdem zdat n inekkaṛen n liman n ṣṣeḥ?
-
Amek i zemren a ɣ-d-awḍen ixemmimen n inekkaṛen n liman n ṣṣeḥ xas m’ur ten-neţxalaḍ ara?
-
Ɛlaḥsab-ik, s wacu ara iḥuss Yahwa lukan a neţḥessis i wid i d-yekkaten deg-s neɣ di tuddsa-ines?
4. M’ara yedneb walbeɛḍ seg watmaten
D acu i glaqen a t-nexdem ma nerra-d s lexbaṛ belli albeɛḍ si tejmaɛt yexdem ddnub ameqran? Akken a d-nǧaweb, a nwali yiwen wafir yellan di Ccariɛa i d-yefka Ṛebbi i wat Isṛayil. Ɣret-ed At Lewwi 5:1.
Ɛlaḥsab n wafir-agi, ma neẓra belli albeɛḍ yexdem ddnub ameqran, ilaq a sen-nehdeṛ i lecyux n tejmaɛt. Meɛna uqbel, yelha a nweṣṣi amednub-nni ad iṛuḥ a sen-yehdeṛ neţţa i lecyux. M’ur sen-yehdiṛ ara, nnṣaḥa-nneɣ i Yahwa a ɣ-tdemmer iwakken a nesseɛlem lecyux. Ma netbeɛ lewṣaya-yagi, ayɣer i nezmer a d-nini belli d leḥmala akk-d nnṣaḥa i d-nbeggen...
-
i Yahwa?
-
i umednub-nni?
-
i iɛeggalen nniḍen n tejmaɛt?
Ma yexdem walbeɛḍ seg watmaten ddnub ameqran, xdem ayen ilaqen iwakken a t-tɛiwneḍ.
5. Ssebɛed iman-ik ɣef Babil Tameqrant
Ɣret-ed Luqa 4:8 akk-d Uweḥḥi 18:4, 5, mbeɛd hedṛet ɣef yesteqsiyen-agi:
-
Mazal yella d acu i y-icudden ɣer ddin ideg i lliɣ zik?
-
Lliɣ akka tura di kra n tuddsa icudden ɣer ddin nniḍen?
-
Yella d acu i gcudden lxedma-inu ɣer ddin n lekdeb?
-
Tella kra n lḥaǧa di tudert-iw i d-yesskanayen belli ddin n lekdeb mazal yeǧǧa-d lateṛ-is deg-i?
-
Ma yeɛna-yi yiwen seg yesteqsiyen-agi, d acu i glaq ad xedmeɣ?
Akken yebɣu yili lḥal, ţţaṭṭaf leqrarat ara d-ibeggnen belli telliḍ d unṣiḥ i Yahwa, yerna lxaṭer-ik yethedden.
Ma teḍleb-ak-d yiwet ger tuddsiwin icudden ɣer ddin n lekdeb a d-tefkeḍ idrimen, d acu ara txedmeḍ?
KRA QQAREN: “Akken ad dafɛeɣ ɣef tideţ, ilaq ad ẓreɣ d acu i d-qqaren inekkaṛen n liman n ṣṣeḥ ɣef Inagan n Yahwa.”
-
Ɛlaḥsab-ik, yelha ma neţxemmim akka? Acuɣer?
AYEN I D-NELMED
Nnṣaḥa-nneɣ i Yahwa teţɛawan-aɣ iwakken ur neţɛacaṛ ara wid yeffɣen i webrid n Yahwa, yerna a nexḍu yakk i ddyanat n lekdeb.
A d-nesmekti
-
Ayɣer ur ilaq ara a nwali, a nɣer neɣ a nḥess i wayen i d-qqaren inekkaṛen n liman n ṣṣeḥ?
-
Amek i d-yewwi a nexdem zdat n wid yeǧǧan ddin n Inagan n Yahwa?
-
Amek ara d-ibeggen umasiḥi belli yeffeɣ-ed si ddin n lekdeb?
TZEMREḌ AŢ-ŢWALIḌ DAƔEN
Amek i d-yewwi a nexdem m’ara nsell d acu i d-ggaren ɣef Inagan n Yahwa?
As-tu vraiment tous les faits ? (La Tour de Garde, août 2018)
Amek ara neɛqel lxedma neɣ leqdic nniḍen i gcudden ɣer Babil Tameqrant?
D acu yakk i zemren ad ssiwḍen a t-xedmen kra seg wid i ɣ-yeţxaṣamen bac a ɣ-ssefclen di liman-nneɣ?
Wali taqsiṭ n yiwen wemḍebber n ddin yeţţusemman “shintoïste”. Yeǧǧa ayen akk i t-icerken d ddin-ines (wali taḥkayt Je recherchais Dieu depuis mon enfance [Ţnadiɣ ɣef Ṛebbi seg wasmi i lliɣ d amecṭuḥ]).
La Bible transforme des vies (La Tour de Garde, 1er juillet 2011)
a 1 Ikurintiyen 5:11, Ṭrejma n ddunit tajdiṭ, s tṛumit: “Meɛna tura uriɣ-awen bac ur teţxalaḍem ara albeɛḍ umi i tessawalem gma-tneɣ, neţţa ixeddem lɛaṛ, d aṭemmaɛ, yeţɛebbid lmeṣnuɛat, ireggem, d asekṛan neɣ d amakar, yerna ula d učči ur teţţet ara d wergaz am wagi.”
Tzemreḍ aţ-ţwaliḍ daɣen…
ISTEQSIYEN I D-IŢŢUƔALEN DIMA
Amek i sɣarayen Inagan n Yahwa Adlis Iqedsen?
M’ara teɣreḍ baṭel Adlis Iqedsen akk-d Inagan n Yahwa, tzemreḍ aţ-ţessexdmeḍ adlis-ik iqedsen w’a d-tɛerḍeḍ iɛeggalen n twacult-ik neɣ leḥbab-ik.
