Хьисэ и гъэсэн пэжхэм мурад быдэ яІэщ Иеговэ хуаІэ ныбжьэгъугъэм зыри — ар хэти е сыти ирехъу — зэран хуамыгъэхъуну. Уэри а ныбжьэгъугъэр лъапІэу плъытэу къыщІэкІынщ. Иеговэ узэрыхуэпэжыр лъапІэу елъытэ. (Къеджэ 1 Летопись 28:9.) Сыт хуэдэ Іуэхугъуэхэм деж Иеговэ пэжу укъыхуэнэну щымытыншыр икІи сыт абыкІэ къыбдэІэпыкъунур?

1. Иеговэ убгъэдашыну нэгъуэщІхэр дапхуэдэу зэрыхэтыфынур?

Языныкъуэ цІыхухэр хуейщ уэ Иеговэ ухуэлэжьэн щыбгъэтыну. Хэт а цІыхухэр? Псалъэм папщІэ, Иеговэ епцІыжахэр. Абыхэм пэжыр къагъэнащ икІи дэри ди фІэщхъуныгъэр зэтракъутэн щхьэкІэ Алыхьым и организацэм пцІы тралъхьэ. Абы нэмыщІ дин пашэхэми дэ ттеухуауэ пцІы ягъэІу. Абыхэм я мурадыр — цІыху мысакъхэр, къэгъэпцІэгъуафІэхэр Иеговэ и лъабжьэм къыщІашыныращ. Апхуэдэ мурад зиІэхэм уедэуэным, я тхылъхэм уеджэным, я блогхэм, сайтхэм уихьэным икІи къралъхьэ видеохэм уеплъыным шынагъэшхуэ пылъщ. Алыхьым и лэжьакІуэ пэжхэм я фІэщхъуныгъэр зэтезыкъутэну хэтхэм теухуауэ Хьисэ мыпхуэдэу жиІащ: «Абыхэм я ужь фикІ. [Ахэр] цІыху нэфхэм я нэф пашэхэщ. Зы нэфыр адрей нэфым гъуазэ хуэхъумэ, тІури мащэм ихуэнущ» (Маттэ 15:14).

Дэ тцІыху гуэр Иеговэ хуэлэжьэну хуэмеижмэ сыт тщІэнур? Ар ди унагъуэм щыщу е ди ныбжьэгъуу щытмэ, абы ди гур хуабжьу хигъэщІынущ. Апхуэдэ цІыхум мыпхуэдэу къыджиІэфынущ: «Къыхэх! Е сэ е Иеговэ» жиІэу. Ауэ дэ зыщыдгъэгъупщэн хуейкъым: ди дежкІэ псом нэхърэ нэхъапэр Иеговэ хуэпэжу дыкъэнэныращ (Маттэ 10:37). Абы къыхэкІкІэ Иеговэ жиІэм дытету апхуэдэ цІыхум депсалъэкъым. (Къеджэ 1 Коринф 5:11.)

2. Иеговэ дызэрыхуэпэжыр дапхуэдэу ди унафэхэм къызэрыхэщынур?

Иеговэ худиІэ лъагъуныгъэм дыхуигъэушынущ дин нэпцІым зыкІи зыпыдмыщІэну. Дэ дыхуейкъым дин нэпцІым епха лэжьыгъэ гуэр дгъэзэщІэну, абы пыщІа организацэ гуэрым дыхэтыну е нэгъуэщІ Іуэху гуэркІэ абы дыхэІэбэну. Иеговэ дыкъыхуреджэ: «Си цІыхухэ... [Бабилэн зи цІэ къалэшхуэм] фыкъыдэкІ» (Апокалипсис 18:2, 4).

 НЭХЪ КУУУЭ ХЭПЛЪЭ

3. Алыхьым теухуауэ пцІым хуезыгъаджэхэм зыщыхъумэ

Иеговэ и организацэм теухуауэ пцІы щызэхэтхым деж дапхуэдэу абы дызэрыхущытын хуейр? Притчи 14:15, Гъэсэпэтхыдэхэм къеджи мы упщІэм егупсыс:

• Зэхэтх псори ди фІэщ тщІын щІыхуэмейр сыт?

2 Иуан 10 итым къеджи мы упщІэхэм егупсыс:

• Алыхьым епцІыжахэм дапхуэдэу дазэрыхущытын хуейр?

• Алыхьым епцІыжахэм дахуэмызэми, демыпсалъэми дапхуэдэу ахэр зэран къызэрытхуэхъуфынур?

• Дауэ уеплърэ, сыт Иеговэ зыхищІэнур езымрэ и организацэмрэ теухуауэ жаІэ пцІым дедаІуэмэ?

4. Зэхуэсым щыщ гуэрым гуэныхь щилэжьам деж Иеговэ хуэпэжу къанэ

Зэхуэсым щыщ гуэрым гуэныхь хьэлъэ ищІауэ къатщІэмэ, сыт дэ тщІэн хуейр? Ижь зэманым Алыхьым Израил лъэпкъым ирита хабзэхэм щыщ зы зэпкърытхынщ. Къеджэ Левит 5:1.

Мы едзыгъуэм зэритымкІэ, зыгуэрым гуэныхь хьэлъэ ищІауэ къатщІэмэ, зэхуэсым и нэхъыжьым жетІэн хуейщ. Ауэ япэщІыкІэ гуэныхь зыщІам дыбгъэдыхьэу, зэхуэсым и нэхъыжьхэм псори жриІэну хуэдгъэушмэ нэхъыфІщ. Апхуэдэу абы имыщІэмэ, Иеговэ дызэрыхуэпэжым къыхэкІкІэ зэхуэсым и нэхъыжьхэм дабгъэдыхьэнурэ Іуэхур зыІутыр яжетІэнущ. Дауэ абы къызэрыхэщыр пэжагърэ лъагъуныгъэрэ дызэрыхуиІэр:

• Алыхь Иеговэ?

• гуэныхь зыщІам?

• зэхуэсым щыщхэм?

 5. Бабилэн къалэшхуэм къыдэкІ

 КЪЭПЩЫТЭЖ

Иеговэ хуэпэжу дыкъэнэн щхьэкІэ абы епцІыжахэм депсэлъэн хуейкъым. Абы нэмыщІ дин нэпцІым дыкъыхэкІынурэ, афІэкІа зыкІи зыпытщІэжынукъым.

Мы упщІэхэр зэгъусэу зэпкърыфх:

• Алыхьым епцІыжахэм къыдагъэкІхэм дыщІемыджэр, дыщІемыдаІуэр икІи дыщІемыплъыр сыт?

• Иеговэ и Щыхьэту щытыну хуэмеижхэм дапхуэдэу дазэрыхущытын хуейр?

• Дин нэпцІыр къэбгъэнэным сыт къикІыр?