Akristiano a ma makoragwo matuĩte itua rĩa kwaga gwĩtĩkĩria kĩndũ o gĩothe kana mũndũ o wothe aingĩrĩre ũthathaiya wao harĩ Jehova. Hatarĩ nganja ũguo noguo ũiguaga. Jehova nĩ akenagio mũno nĩ wĩhokeku waku. (Thoma 1 Maũndũ ma Matukũ ma Tene 28:9.) Nĩ maũndũ ta marĩkũ mangĩgeria wĩhokeku waku harĩ we, na ũngĩhiũrania namo na njĩra ĩrĩkũ?

1. Andũ arĩa angĩ mangĩgeria wĩhokeku witũ harĩ Jehova atĩa?

Andũ amwe no magerie gũtũgirĩrĩria gũtungatĩra Jehova. Nĩa mangĩka ũndũ ta ũcio? Andũ amwe arĩa matigĩte gũtungatĩra Jehova nĩ maragia maũndũ ma maheeni megiĩ ithondeka rĩa Jehova makĩgeria gũthũkia wĩtĩkio witũ. Metagwo aregenyũki. Ningĩ atongoria amwe a ndini nĩ matheremagia ndeto cia maheeni itwĩgiĩ makĩgeria gũtũma arĩa matehũgaga ndeto ta icio matige ũhoro wa ma. Nĩ ũgwati gũteereta na akararia, gũthoma mabuku mao, kũingĩra website-inĩ ciao, kana kwĩrorera video ciao. Jesu ooigire ũũ igũrũ rĩgiĩ andũ arĩa mageragia kũũraga ngoro andũ arĩa angĩ matige gũtungatĩra Jehova marĩ na wĩhokeku: “Tiganai nao. Nĩ atongoria atumumu. na mũtumumu angĩtongoria mũtumumu ũngĩ, eerĩ no kũgwa mangĩgwa irima.”—Mathayo 15:14.

2. Matua maitũ mangĩonania atĩa atĩ tũrĩ ehokeku harĩ Jehova?

Wendo witũ harĩ Jehova no ũtũtindĩke gwĩthema ũndũ o wothe ũhutanĩtie na ndini cia maheeni. Gũtirĩ ũndũ witũ wagĩrĩirũo gũkorũo ũhutanĩtie na ndini cia maheeni, o na angĩkorũo nĩ wĩra witũ, kana mathondeka marĩa tũnyitanagĩra namo, o na kana ũndũ ũngĩ o wothe tũreka. Jehova atwathĩte ũũ: “Umai thĩinĩ [wa Babuloni Ũrĩa Mũnene], inyuĩ andũ akwa.”—Kũguũrĩrio 18:2, 4.

 THUTHURIA MAKĨRIA

3. Wĩmenyagĩrĩre arutani a maheeni

Twagĩrĩirũo gwĩka atĩa tũngĩigua ndeto njũru ciĩgiĩ ithondeka rĩa Jehova? Thomai Thimo 14:15, mũcoke mwarĩrĩrie kĩũria gĩkĩ:

• Nĩ kĩĩ gĩtũmaga twĩtheme gwĩtĩkia ũndũ o wothe twaigua?

Thomai 2 Johana 9-11, mũcoke mwarĩrĩrie ciũria ici:

• Twagĩrĩirũo kũhiũrania atĩa na aregenyũki?

• Tũngĩhutania atĩa na morutani ma aregenyũki o na angĩkorũo tũtiraranĩria nao ĩmwe kwa ĩmwe?

• Ũgwĩciria Jehova angĩigua atĩa tũngĩthikĩrĩria ndeto njũru imwĩgiĩ kana ciĩgiĩ ithondeka rĩake?

4. Ikara ũrĩ mwĩhokeku harĩ Ngai o na rĩrĩa Mũkristiano ũngĩ ehia

Tũgĩaga na ũigĩrĩrĩki ũrĩkũ rĩrĩa twamenya atĩ mũndũ mũna thĩinĩ wa kĩũngano nĩ ekĩte mehia maritũ? Reke tuone ũtaaro ũmwe ũrĩ thĩinĩ wa Watho wa Ngai ũrĩa aaheete Aisiraeli. Thomai Maũndũ ma Alawii 5:1.

O ta ũrĩa mũhari ũcio ũtaarĩirie, tũngĩmenya atĩ mũndũ nĩ ekĩte mehia maritũ, twagĩrĩirũo kwĩra athuri ũrĩa tũĩ. O na kũrĩ ũguo, ũtaneka ũguo, ũngĩkorũo ũrĩ ũndũ mwega kwĩra mũndũ ũcio wĩkĩte mehia athiĩ kũrĩ athuri akamoimbũrĩre mehia make we mwene. Angĩaga gwĩka ũguo, wĩhokeku witũ harĩ Jehova wagĩrĩirũo gũtũtindĩka kwĩra athuri ũrĩa tũĩ. Kũrũmĩrĩra makinya macio kuonanagia atĩa wendo harĩ . . .

• Jehova Ngai?

• mũndũ ũcio wĩhĩtie?

• andũ arĩa angĩ kĩũngano-inĩ?

 5. Wĩyeheranie biũ na Babuloni Ũrĩa Mũnene

 ŨRĨA TWERUTA

Nĩguo tũtũũre tũrĩ ehokeku harĩ Jehova, tũrabatara gwĩthema kũnyitanagĩra na arĩa mangĩgeria gũtũhĩtithia.

Ciũria cia gũcokera

• Nĩkĩ nĩ twagĩrĩirũo gwĩthema gũthikĩrĩria maũndũ ma aregenyũki?

• Twagĩrĩirũo gwĩka atĩa tũngĩmenya atĩ mũrũ kana mwarĩ wa Ithe witũ nĩ ekĩte mehia maritũ?

• Tũngĩathĩkĩra atĩa watho wa Jehova wĩgiĩ kuuma ndini-inĩ cia maheeni?