Сын христианнар Иегованаң ынархастарын пір дее кізее алай пір дее нимее сайбирға пирбеске пик пӧгін тутчалар. Сірер дее Иегованаң ынархазыңарны аарлыға санапча поларзар. Ол сірернің киртістіг тудынызыңарны ідӧк аарлыға санапча. (1 Летопись 28:9 хығырыбызыңар.) Хайдағ тустарда Худайға киртістіг халарға сидік полча паза сірерге ниме полыс пирер?

1. Хайди пірее кізілер Иеговаа киртістіг халарға харығ полчалар?

Пірее кізілер пісті Иеговаа нымысчыланарын тохтат салзыннар тіп хынчалар. Кемнер олар? Кӧзідімге, отступниктер — Худайның сынын артыс салған, ам, тізең, пістің киртінізібісті сайбабызар ӱчӱн, Худайның организациязынаңар чой чоохтар тарат чӧрчеткен кізілер. Ідӧк, пірее религиознай устағҷылар киртінҷек паза сизіктіг нимес кізілернің киртіністерін сайбабызарға кӱстеніп, пістеңер чой чоохтар таратчалар. Андағ кізілернең талазарға, оларның кинделерін алай блогтарын хығырарға, са́йттарынзар кірерге паза видеоларын кӧрерге уғаа хорғыстығ. Иисус сын христианнарның киртіністерін сайбабызарға кӱстенчеткен кізілердеңер піди чоохтаан: «Оларны артыс салыңар. Оларның харахтары чоғыл, че пасхаларын чидін чӧрчелер. Харах чох кізі харах чох кізіні чидін парчатса, ікізі дее оймахха тӱс парарлар» (Матфей 15:14, НТ).

Таныс кізілернің піреезі паза Иеговаа нымысчыланарға хынминчатса чи? Ол чағын кізі полза, піске уламох аар полар. Андағ кізі пірееде: «Мин алай Иегова», — тіпче. Че піске ундутпасха кирек: Иеговаа киртістіг халғаны піске иң аарлығ (Матфей 10:37). Аннаңар піс, Иегованың устағларынҷа тудынып, андағ кізілернең чоохтаспинчабыс. (1 Коринфтегілерге 5:11 хығырыбызыңар.)

2. Пістің хайдағ пӧгіннерібіс Иеговаа киртістіг полчатханыбысты сыныхтирға айабас?

Иеговаа хыныс пісті чой религияларның киректерінде пір дее араласпасха кӧӧктірер. Пістің тоғызыбыс таа, піс тоғынчатхан организация даа чой религиянаң кӧмес тее палғалыстығ полбазыннар тіп хынчабыс. Иегова позының чонына Илбек Вавилоннаң сығыбызарға чоохтапча (Азых чоох 18:2, 4).

 ТИРЕҢ АРАХ ХАС КӦРІҢЕР

3. Чой ӱгретчілердең китеніңер

Иегованың организациязынаңар пірее хомай ниме ис салзабыс, хайди тудынарға? Притчи 14:15 хығырып алып, ӱзӱрібізіңер:

• Ноға полған на сӧске киртінерге чарабас?

2 Иоанның 10 хығырып алып, ӱзӱрібізіңер:

• Отступниктерге хайди хайарға?

• Отступниктернең кӧстең кӧске чоохтаспинчатсабыс таа, хайда оларның чой ӱгредіглеріне урун парарға хорғыс пар?

• Иеговадаңар паза аның организациязынаңар ыырҷылар таратчатхан хомай чоохтарға киртінзебіс, Иегова ниме чувствовать полар?

4. Ӧмеде пірее кізі чазых ит салза, Худайға киртістіг халыңар

Ӧмеде пірее кізі чазых ит салғанын піл салзабыс, піске ниме идерге кирек? Худай пурунғы Израильге пирген Чахығда пір принцип кӧр кӧреелер. Левит 5:1 хығырыбызыңар.

Пу стих хоостыра, кемнің-де аар чазых ит салғанын піліп алзабыс, піске ах сағалларға чоохтап пирерге кирек. Че ах сағалларға чоохтир алнында, ол кізіні позын, ах сағалларзар парып, иткен чазыхтаңар чоохтап пирерге кӧӧктірзе, чахсы полар. Ол кізі анзын итпезе, Иеговаа киртістіг тудынызыбыс пісті пілчеткен киректі ах сағалларға прай чоохтап пирерге кӧӧктірер. Хайди андағ тудыныста...

• Иегова Худайға киртістіг хынызыбыс кӧрінче?

• чазых ит салған кізее киртістіг хынызыбыс кӧрінче?

• ӧмедегі харындас-пиҷелерге киртістіг хынызыбыс кӧрінче?

 5. Илбек Вавилоннаң оортах тудын

 ӦӦН САҒЫС

Иеговаа киртістіг халар ӱчӱн, аннаң тоғыр пар сыххан кізілернең палғалыспасха кирек. Ідӧк пістің чуртазыбысты чой религиянаң пір дее ниме палғалыстырбасха кирек.

Сағысха хатап кир кӧреелер

• Ноға піс отступниктер сығарған материалларны кӧрбинчебіс, испинчебіс паза хығырбинчабыс?

• Иегованың киречізі поларға паза хынминчатхан кізее хайди хайарға кирек?

• Чой религиядаң сығыбысханына ниме кірче?