Шынайы мәсіхшілер Ехобамен достығына ешкімнің де, еш нәрсенің де сызат түсіруіне жол бермейміз деп нық бекінген. Сіздің де осыны қалайтыныңыз анық. Ехоба үшін сіздің адалдығыңыз өте қымбат (Шежірелер 1-жазба 28:9 оқыңыз). Бірақ Ехобаға адалдығыңыз тексерілетін кездер болып жатады. Сондай кездері не істеуге болады? Көрейік.

1. Өзгелер Ехобаға деген адалдығымызды қалай сынауы мүмкін?

Кейбір адамдар бізді Ехобаға қызмет еткізбес үшін барын салады. Сол адамдар кімдер? Солардың бірі — шындықтан кеткен адамдар. Өздері кетіп қана қоймай, олар біздің де сенімімізді күйрету үшін, Құдайдың ұйымы туралы небір өтіріктер таратады. Оларды жолдантаюшылар деп атайды. Олардан бөлек, біз жайлы жалған мәлімет тарататын дінбасылары да бар. Олардың көздегені — абайсыз, сенгіш адамдарды шындықтан алып кету. Бізге қарсы шығатындармен айтысып-дауласу, олардың кітаптары мен блогтарын оқу, сайттарына кіру, видеоларын көру өте қауіпті. Бізді Ехобаға деген адалдығымыздан айнытқысы келетіндер жайлы Иса былай деген: “Оларды елемеңдер. Олар соқыр жетекшілер. Егер соқырды соқыр жетелесе, екеуі де орға құлайды” (Матай 15:14).

Кейде таныстарымыздың бірі “бұдан былай Ехоба куәгері болғым келмейді” деп шешуі мүмкін. Егер жақын адамымыз солай шешсе, бізге ауыр тиетіні айтпаса да түсінікті. Ол тіпті “я мені, я Ехобаны таңда” деп бізге қысым жасауы мүмкін. Сондай кезде біз Ехобаны бәрінен биік қойып, адалдық сақтап қалуымыз керек (Матай 10:37). Міне, сондықтан біз Ехобаның ондай адамдармен араласпа деген бұйрығына бағынамыз (Қорынттықтарға 1-хат 5:11 оқыңыз).

2. Жеке шешім қабылдағанда, Ехобаға адалдығымыз қалай сыналуы мүмкін?

Ехобаны жақсы көретіндіктен жалған дінге қатысы бар кез келген нәрседен аулақ жүргіміз келеді. Мысалы, жалған дінмен байланысы бар жерлерде жұмыс істемейміз, сондай ұйымдарға тұрмаймыз я қолдау көрсетпейміз. Сондай-ақ жалған дінмен байланысты басқа да істермен айналыспаймыз. Ехоба бізді былай деп ескертеді: “Менің халқым, одан [яғни Ұлы Бабылдан] шық” (Аян 18:2, 4).

 ТЕРЕҢІРЕК ҮҢІЛІҢІЗ

3. Жалған ұстаздардан сақ болыңыз

Егер Ехобаның ұйымы жайлы жағымсыз нәрселер естіп жатсақ, не істеуіміз керек? Нақыл сөздер 14:15 оқып, мына сұрақты талқылаңыздар:

• Неге естігендеріміздің бәріне сене бермегеніміз дұрыс?

Жоханның 2-хаты 10 оқып, келесі сұрақтарды талқылаңыздар:

• Жолдантаюшыларға қалай қарауымыз керек?

• Жолдантаюшылармен тікелей араласпасақ та, олардың ілімдеріне қалай ілігіп қалуымыз мүмкін?

• Біз Ехоба жайлы не оның ұйымы жайлы жағымсыз сөздерді тыңдайтын болсақ, Ехоба өзін қалай сезінеді деп ойлайсыз?

4. Бауырлас күнә жасағанда, Құдайға адал екеніңізді дәлелдеңіз

Қауымда бір бауырластың ауыр күнә жасағанын білсек, не істеуге міндеттіміз? Құдайдың ежелгі Исраилге берген Заңындағы бір принципті қарастырайық. Мұсаның 3-жазбасы 5:1 оқыңыз.

Осы тармақтағы нұсқауға сай, біреу ауыр күнә жасаса, біз білген нәрсемізді ақсақалдарға айтуымыз керек. Бірақ алдымен күнә жасаған бауырластың өзін ақсақалдарға барып, күнәсін мойындауға талпындырғанымыз мейірімді іс болар еді. Ал егер ол бармаса, Ехобаға адал болғымыз келгендіктен, біз өзіміз барып ақсақалдарға айтамыз. Осылай еткеніміз айнымас сүйіспеншілігімізді қалай дәлелдейді:

• Ехоба Құдайға?

• күнә жасаған адамға?

• қауымдағы басқа бауырластарға?

 5. Ұлы Бабылдан алшақ жүріңіз

 ТҮЙІНДЕМЕ

Ехобаға адал болып қалу үшін, оған адал болып қалмағандармен араласпауымыз қажет. Сонымен қатар жалған дінмен байланысымызды толық үзуіміз керек.

Қайталау

• Неге жолдантаюшылардың идеялары туралы оқымауымыз да, көрмеуіміз де, тыңдамауымыз да керек?

• Бұдан былай Ехоба куәгері болғысы келмейтіндерге қалай қарауымыз керек?

• Жалған діннен қалай алшақ бола аламыз?