58-ساباق
ەحوباعا ادال بولىپ قالىڭىز
شىنايى ماسىحشىلەر ەحوبامەن دوستىعىنا ەشكىمنىڭ دە، ەش نارسەنىڭ دە سىزات تۇسىرۋىنە جول بەرمەيمىز دەپ نىق بەكىنگەن. ٴسىزدىڭ دە وسىنى قالايتىنىڭىز انىق. ەحوبا ٷشىن ٴسىزدىڭ ادالدىعىڭىز وتە قىمبات (شەجىرەلەر 1-جازبا 28:9 وقىڭىز). ٴبىراق ەحوباعا ادالدىعىڭىز تەكسەرىلەتىن كەزدەر بولىپ جاتادى. سونداي كەزدەرى نە ىستەۋگە بولادى؟ كورەيىك.
1. وزگەلەر ەحوباعا دەگەن ادالدىعىمىزدى قالاي سىناۋى مۇمكىن؟
كەيبىر ادامدار ٴبىزدى ەحوباعا قىزمەت ەتكىزبەس ٷشىن بارىن سالادى. سول ادامدار كىمدەر؟ سولاردىڭ ٴبىرى — شىندىقتان كەتكەن ادامدار. وزدەرى كەتىپ قانا قويماي، ولار ٴبىزدىڭ دە سەنىمىمىزدى كۇيرەتۋ ٷشىن، قۇدايدىڭ ۇيىمى تۋرالى نەبىر وتىرىكتەر تاراتادى. ولاردى جولدانتايۋشىلار دەپ اتايدى. ولاردان بولەك، ٴبىز جايلى جالعان مالىمەت تاراتاتىن ٴدىنباسىلارى دا بار. ولاردىڭ كوزدەگەنى — ابايسىز، سەنگىش ادامداردى شىندىقتان الىپ كەتۋ. بىزگە قارسى شىعاتىندارمەن ايتىسىپ-داۋلاسۋ، ولاردىڭ كىتاپتارى مەن بلوگتارىن وقۋ، سايتتارىنا كىرۋ، ۆيدەولارىن كورۋ وتە ٴقاۋىپتى. ٴبىزدى ەحوباعا دەگەن ادالدىعىمىزدان اينىتقىسى كەلەتىندەر جايلى يسا بىلاي دەگەن: «ولاردى ەلەمەڭدەر. ولار سوقىر جەتەكشىلەر. ەگەر سوقىردى سوقىر جەتەلەسە، ەكەۋى دە ورعا قۇلايدى» (ماتاي 15:14).
كەيدە تانىستارىمىزدىڭ ٴبىرى «بۇدان بىلاي ەحوبا كۋاگەرى بولعىم كەلمەيدى» دەپ شەشۋى مۇمكىن. ەگەر جاقىن ادامىمىز سولاي شەشسە، بىزگە اۋىر تيەتىنى ايتپاسا دا تۇسىنىكتى. ول ٴتىپتى «يا مەنى، يا ەحوبانى تاڭدا» دەپ بىزگە قىسىم جاساۋى مۇمكىن. سونداي كەزدە ٴبىز ەحوبانى بارىنەن بيىك قويىپ، ادالدىق ساقتاپ قالۋىمىز كەرەك (ماتاي 10:37). مىنە، سوندىقتان ٴبىز ەحوبانىڭ ونداي ادامدارمەن ارالاسپا دەگەن بۇيرىعىنا باعىنامىز (قورىنتتىقتارعا 1-حات 5:11 وقىڭىز).
2. جەكە شەشىم قابىلداعاندا، ەحوباعا ادالدىعىمىز قالاي سىنالۋى مۇمكىن؟
ەحوبانى جاقسى كورەتىندىكتەن جالعان دىنگە قاتىسى بار كەز كەلگەن نارسەدەن اۋلاق جۇرگىمىز كەلەدى. مىسالى، جالعان دىنمەن بايلانىسى بار جەرلەردە جۇمىس ىستەمەيمىز، سونداي ۇيىمدارعا تۇرمايمىز يا قولداۋ كورسەتپەيمىز. سونداي-اق جالعان دىنمەن بايلانىستى باسقا دا ىستەرمەن اينالىسپايمىز. ەحوبا ٴبىزدى بىلاي دەپ ەسكەرتەدى: «مەنىڭ حالقىم، ودان [ياعني ۇلى بابىلدان] شىق» (ايان 18:2، 4).
تەرەڭىرەك ٷڭىلىڭىز
ەحوباعا دەگەن ادالدىعىڭىزدى ەشكىم شايقالتپاس ٷشىن نە ىستەۋگە بولاتىنىن بىلەيىك. سونداي-اق ۇلى بابىلدان شىعۋ ٷشىن نە ىستەۋ كەرەكتىگىن كورەيىك.
3. جالعان ۇستازداردان ساق بولىڭىز
ەگەر ەحوبانىڭ ۇيىمى جايلى جاعىمسىز نارسەلەر ەستىپ جاتساق، نە ىستەۋىمىز كەرەك؟ ناقىل سوزدەر 14:15 وقىپ، مىنا سۇراقتى تالقىلاڭىزدار:
-
نەگە ەستىگەندەرىمىزدىڭ بارىنە سەنە بەرمەگەنىمىز دۇرىس؟
جوحاننىڭ 2-حاتى 10 وقىپ، كەلەسى سۇراقتاردى تالقىلاڭىزدار:
-
جولدانتايۋشىلارعا قالاي قاراۋىمىز كەرەك؟
-
جولدانتايۋشىلارمەن تىكەلەي ارالاسپاساق تا، ولاردىڭ ىلىمدەرىنە قالاي ىلىگىپ قالۋىمىز مۇمكىن؟
-
ٴبىز ەحوبا جايلى نە ونىڭ ۇيىمى جايلى جاعىمسىز سوزدەردى تىڭدايتىن بولساق، ەحوبا ٶزىن قالاي سەزىنەدى دەپ ويلايسىز؟
4. باۋىرلاس كۇنا جاساعاندا، قۇدايعا ادال ەكەنىڭىزدى دالەلدەڭىز
قاۋىمدا ٴبىر باۋىرلاستىڭ اۋىر كۇنا جاساعانىن بىلسەك، نە ىستەۋگە مىندەتتىمىز؟ قۇدايدىڭ ەجەلگى يسرايلگە بەرگەن زاڭىنداعى ٴبىر ٴپرينسيپتى قاراستىرايىق. مۇسانىڭ 3-جازباسى 5:1 وقىڭىز.
وسى تارماقتاعى نۇسقاۋعا ساي، بىرەۋ اۋىر كۇنا جاساسا، ٴبىز بىلگەن نارسەمىزدى اقساقالدارعا ايتۋىمىز كەرەك. ٴبىراق الدىمەن كۇنا جاساعان باۋىرلاستىڭ ٶزىن اقساقالدارعا بارىپ، كۇناسىن مويىنداۋعا تالپىندىرعانىمىز مەيىرىمدى ٸس بولار ەدى. ال ەگەر ول بارماسا، ەحوباعا ادال بولعىمىز كەلگەندىكتەن، ٴبىز ٶزىمىز بارىپ اقساقالدارعا ايتامىز. وسىلاي ەتكەنىمىز اينىماس سۇيىسپەنشىلىگىمىزدى قالاي دالەلدەيدى:
-
ەحوبا قۇدايعا؟
-
كۇنا جاساعان ادامعا؟
-
قاۋىمداعى باسقا باۋىرلاستارعا؟
باۋىرلاسىڭىز ٴبىر جاعدايعا ۇرىنسا، كومەگىڭىزدى اياماڭىز!
5. ۇلى بابىلدان الشاق ٴجۇرىڭىز
لۇقا 4:8 بەن ايان 18:4، 5 وقىپ، كەلەسى سۇراقتاردى تالقىلاڭىزدار:
-
مەن جالعان ٴدىننىڭ سالت-جورالارىنا ٵلى دە قاتىسىپ ٴجۇرمىن بە؟
-
مەنىڭ باسقا دىنمەن بايلانىستى ۇيىمدارعا قاتىسىم بار ما؟
-
جۇمىسىمنىڭ جالعان دىنمەن قانداي دا ٴبىر بايلانىسى بار ما؟
-
ومىرىمدە جالعان دىننەن الشاق بولاتىن باسقا دا جاعدايلار بار ما؟
-
وسى سۇراقتاردىڭ بىرىنە «ٴيا» دەپ جاۋاپ بەرگەن بولسام، قانداي وزگەرىستەر جاساۋىم كەرەك؟
وسى جاعدايلارعا قاتىستى شەشىم قابىلداعاندا، ەڭ باستىسى، ارتىنان ار-ۇجدانىڭىز مازالاماسىن جانە ەحوباعا ادال ەكەنىڭىز كورىنىپ تۇرسىن.
سىزگە ٴبىر ٴدىننىڭ قايىرىمدىلىق ىسىنە قولداۋ كورسەتۋدى ۇسىنسا، نە ىستەر ەدىڭىز؟
كەيبىرەۋلەردىڭ ايتاتىنى: «جولدانتايۋشىلار ەحوبا كۋاگەرلەرى تۋرالى نە ايتاتىنىن ٴبىلىپ السام، شىندىقتى قورعاي الامىن».
-
بۇلاي ىستەگەن پاراساتتىلىققا جاتا ما؟ نەگە؟
تۇيىندەمە
ەحوباعا ادال بولىپ قالۋ ٷشىن، وعان ادال بولىپ قالماعاندارمەن ارالاسپاۋىمىز قاجەت. سونىمەن قاتار جالعان دىنمەن بايلانىسىمىزدى تولىق ٷزۋىمىز كەرەك.
قايتالاۋ
-
نەگە جولدانتايۋشىلاردىڭ يدەيالارى تۋرالى وقىماۋىمىز دا، كورمەۋىمىز دە، تىڭداماۋىمىز دا كەرەك؟
-
بۇدان بىلاي ەحوبا كۋاگەرى بولعىسى كەلمەيتىندەرگە قالاي قاراۋىمىز كەرەك؟
-
جالعان دىننەن قالاي الشاق بولا الامىز؟
قوسىمشا ىزدەنىڭىز
باسقالار ەحوبا كۋاگەرلەرى تۋرالى جالعان مالىمەت تاراتسا، نە ىستەۋگە بولاتىنىن وقىپ كورىڭىز.
ۇلى بابىلدى قولدايتىن ۇيىمدار مەن ٸس-شارالاردى قالاي انىقتاۋعا بولادى؟
سەنىمىمىزدى شايقالتۋ ٷشىن كەيبىر قارسىلاستار نە ىستەيدى؟
سينتويزمنىڭ ٴدىني قىزمەتكەرى «مەن قۇدايدى بالا كەزىمنەن ىزدەدىم» دەگەن ٶمىربايانىندا جالعان دىننەن قالاي كەتكەنىن ايتىپ بەرەدى.
«كيەلى كىتاپ ادامنىڭ ٶمىرىن وزگەرتەدى» («كۇزەت مۇناراسى»، (حانزۇشا)، 1-شىلدە، 2011)
قىزىقتى بولار مالىمەتتەر
ٴجيى قويىلاتىن سۇراقتار
كيەلى كىتاپتى زەرتتەۋ ساباعى دەگەن نە؟
كيەلى كىتاپتى اقىسىز زەرتتەۋ ساباعىنا قاتىستى سۇراقتارىڭىزعا جاۋاپ الىڭىز.
