ILINNIAGASSAQ 58
Jehova ilumoorfigiuaruk
Kristumiut ilumoortut Jehovamik guutisiornerminni sunaluunniit akornutaatinngilaat. Qularnanngitsumik aamma illit Jehova ilumoorfigerusulluinnarpat. Jehovallu ilumoorfiginninnerit pingaartingaarpaa. (Nalunaarsuutit 1. 28:9 atuarsiuk). Aalajaannerput qanoq misilinneqarsinnaava, misilinneqarnerillu qanoq qaangerluarsinnaavagut?
1. Jehovamik ilumoorfiginninnerput inunnit allanit qanoq misilinneqarsinnaava?
Inuit ilaasa Jehovamut kiffartorunnaarsinniartarpaatigut. Taakkua ilagaat Jehovamut kiffartorunnaarsimasut peqatigiiffipput pillugu salluliornermikkut upperunnaarsitsiniaasartut tunussisunik taaneqartartut. Aamma upperisarsioqatigiit eqqunngitsut siuttuisa ilaasa salluliuutigisarpaatigut kissaatigigamikku Jehovamut kiffartorunnaassasugut. Akerlilersuisut taakkua oqalliseqatiginissaat, atuagaataasa internetikkulluunniit allataasa atuarnissaat videuutaasaluunniit isiginnaarnissaat uagutsinnut ulorianarmat taamaaliornaveersaartarpugut. Jiisusi inuit taamaattut pillugit ima oqarsimavoq: “Imminiiginnarsigit. Siulersuisuupput tappiitsut. Tappiitsup tappiitsoqanni siulersoruniuk marluullutik itersamut nakkassapput.” – Matiusi 15:14.
Imaassinnaavoq nalunngisarput Nalunaajaasuujunnaarniarluni aalajangertoq. Ingammik qanigisarigutsigu anniaatigingaassavarput. Aamma imaassinnaavoq inuup taassuma toqqaatinniarsarigaatigut kina ilumoorfigissaneripput: Nammineq Jehovaluunniit. Uagut Jehovap ilumoorfiginissaa aalajangiusimasariaqarparput. (Matiusi 10:37) Jehovallu peqqussutaanut naalakkusukkatta inuk taamaattoq ilagisarunnaartarparput. – Korintimiunut 1. 5:11 atuarsiuk.
2. Aalajangiinitsinni Jehovamik ilumoorfiginninnerput qanoq ersersissinnaavarput?
Jehova asagatsigu upperisarsioqatigiit eqqunngitsut sugaluaruttaluunniit atassuteqarfigerusunngilagut. Assersuutigalugu suliffiit peqatigiiffiilluunniit upperisarsioqatigiinnut eqqunngitsunut tunngassuteqarsinnaasut atassuteqarfigerusunngilagut. Jehovap iliuusereqqusaa una maleruarusupparput: “Innuttakka, [Babylonnersuarmit] anigitsi.” – Saqqummersitat 18:2, 4.
ITISILIINEQ
Jehovamik ilumoorfiginninninnik sanngiillisitsisinnaasut suulluunniit qanoq pinaveersaarsinnaagitit paasiniaruk. Aamma Babylonnersuarmit aninikkut ilumoorfiginninnermik qanoq ersersitsisinnaasutit misissoruk.
3. Salluliuutit mianersorfigisakkit
Jehovap peqatigiissortai pillugit ajortumik tusagaqarutta sussaagut? Ussatit 14:15 atuarsiuk apeqqullu una eqqartorlugu:
-
Sooq tusakkatsinnik upperinnipallanneq ajorpugut?
Johannesimit 2. 10 atuarsiuk apeqqutillu uku eqqartorlugit:
-
Tunussisut qanoq pisassavagut?
-
Tunussisut oqaloqatiginngikkaluarlugit salluliuutaannit qanoq sunnertittoorsinnaavugut?
-
Jehova peqatigiissortaaluunniit pillugit ajortumik oqaaseqartut tusarnaarutsigit Jehova qanoq misigissasoraajuk?
4. Uppeqatit ajortuliorpat Jehova ilumoorfigiuaruk
Ilagiinniittoq ingasattumik ajortuliorsimasoq paasigutsigu suna akisussaaffigaarput? Taamaattoqartillugu Guutip itsaq Israalikkunnut inatsisaani najoqqutassiaq atorsinnaavarput. Mosesimik 3. 5:1 atuarsiuk.
Ingasattumik ajortuliortoqarsimasoq paasigutsigu allassimaffimmi ersersinneqartutut utoqqaanertanut oqaatigisariaqarparput. Taamaaliortinnata ajortuliortoq nammineq utoqqaanertanukaqqullugu kajumissaarutsigu asannittuliornerussaaq. Nammineq utoqqaanertanut oqaatiginngippagu Jehovamik ilumoorfiginninnerput pissutigalugu utoqqaanertanut saaffiginnissaagut. Taamaaliorneq ukununnga sooq asannittuliornerua?
-
Jehovamut Guutimut
-
Ajortuliorsimasumut
-
Ilagiinniittunut allanut
Uppeqatit ajornartorsiorpat ikioruk!
5. Babylonnersuarmut atassuteqaqinak
Lukkarsi 4:8 aamma Saqqummersitat 18:4, 5 atuarsigit apeqqutillu uku eqqartorlugit:
-
Upperisarsioqatigiinnut eqqunngitsunut ilaasortaasutut allassimavunga?
-
Peqatigiiffik upperisarsioqatigiinnut eqqunngitsunut attuumassuteqartoq ilaasortaaffigaara?
-
Suliffiga upperisarsioqatigiinnik eqqunngitsunik tapersersuisarpa?
-
Arlaatigut upperisarsioqatigiinnut eqqunngitsunut suli attuumassuteqarpunga?
-
Apeqqutit arlaannut angersimaguma qanoq allannguisariaqarpunga?
Minguitsumik nalunngeqatiginnissuteqarumallutit Jehovamik ilumoorfiginninninnik ersersitsisumik aalajangiisarit.
Upperisarsioqatigiinnik ikiuiniarlutik katersuiniartunik tapersersueqquneqaruit sussagaluarpit?
OQARTOQARTARPOQ: “Ilumoortoq illersussagukku tunussisut Jehovap Nalunaajaasui pillugit qanoq oqartarnersut paasisariaqarpara.”
-
Taamaaliorneq silatusaarnerussava? Sooq?
EQIKKAANEQ
Jehova ilumoorfigissagutsigu taassuminnga ilumoorfiginninngitsut peqatigisarunnaartariaqarpagut. Aamma upperisarsioqatigiit eqqunngitsut arlaatigulluunniit atassuteqarfigissanngilagut.
Uteqqiineq
-
Sooq tunussisut salluliuutaat tusarnaarnagillu atuassanngilagut?
-
Jehovamik Nalunaajaasuujunnaarniarlutik aalajangertut qanoq pisassavagut?
-
Upperisarsioqatigiinnit eqqunngitsunit qanoq anisinnaavugut?
NAMMINEQ MISISSUGASSATIT
Jehovap Nalunaajaasui salluliuutigineqaraangata qanoq qisuariassanerlutit paasiniaruk.
“Pissutsit piviusut ilisimavigit?” (Napasuliaq Alapernaarsuiffik, aggusti 2018)
Qanoq nalunngissinnaaviuk peqatigiiffik sammisarluunniit Babylonnersuarmik tapersersuisuunersoq?
Uppernikkut sanngiillisinniarluta akerlilersuisut ilaat susimappat?
Oqaluttuami “Meeraallungali Guuti ujalerpara”-mi shintosiortuni palasiusimasoq upperisarsioqatigiinnik eqqunngitsunik qimatsisimasoq pillugu atuarit.
“Biibili inuit inuunerannik allannguisitsisarpoq” (Napasuliaq Alapernaarsuiffik-mi allaaserisaq)