មេរៀនទី៥៨

ចូររក្សាភាពស្មោះត្រង់ចំពោះព្រះយេហូវ៉ា

លេង

គ្រិស្តសាសនិកពិតប្ដេជ្ញាចិត្តមិនឲ្យអ្វីឬអ្នកណាក៏ដោយ មកបញ្ឈប់ពួកគេពីការបម្រើព្រះយេហូវ៉ាឡើយ។ អ្នកក៏ច្បាស់ជាប្ដេជ្ញាចិត្តធ្វើដូច្នោះដែរ។ ព្រះយេហូវ៉ាឲ្យតម្លៃចំពោះភាពស្មោះត្រង់របស់អ្នក។ (សូមអាន ប្រវត្តិហេតុទី១ ២៨:៩) តើមានស្ថានភាពណាខ្លះដែលអ្នកប្រហែលជាពិបាករក្សាភក្ដីភាពចំពោះព្រះយេហូវ៉ា ហើយតើអ្វីអាចជួយអ្នកបាន?

១. តើអ្នកឯទៀតអាចធ្វើឲ្យយើងពិបាករក្សាភក្ដីភាពចំពោះព្រះយេហូវ៉ាយ៉ាងដូចម្ដេច?

មនុស្សមួយចំនួននឹងព្យាយាមរារាំងយើងមិនឲ្យបម្រើព្រះយេហូវ៉ា។ តើពួកគេជាអ្នកណាខ្លះ? ពួកគេខ្លះជាអ្នកដែលបានចាកចេញពីសេចក្ដីពិត ហើយបាននិយាយកុហកអំពីអង្គការព្រះដើម្បីបង្ខូចជំនឿរបស់យើង។ ពួកគេទាំងនោះជាអ្នកក្បត់ជំនឿ។ ម្យ៉ាងទៀត អ្នកដឹកនាំសាសនាខ្លះផ្សាយព័ត៌មានមិនពិតអំពីយើង ដើម្បីបំភាន់បងប្អូនខ្លះឲ្យចាកចេញពីសេចក្ដីពិត។ បើយើងជជែកវែកញែកជាមួយនឹងពួកអ្នកប្រឆាំង ឬអានសៀវភៅ ឬមើលគេហទំព័រ ឬមើលវីដេអូរបស់ពួកគេ នោះពិតជាគ្រោះថ្នាក់ខ្លាំងណាស់។ ស្ដីអំពីអស់អ្នកដែលព្យាយាមធ្វើឲ្យអ្នកឯទៀតពិបាករក្សាភាពស្មោះត្រង់ក្នុងការបម្រើព្រះយេហូវ៉ា លោកយេស៊ូបានមានប្រសាសន៍ថា៖ «កុំអំពល់នឹងពួកគេឡើយ។ ពួកគេជាមនុស្សខ្វាក់ដែលកំពុងនាំផ្លូវអ្នកឯទៀត។ ប្រសិនបើមនុស្សខ្វាក់នាំផ្លូវមនុស្សខ្វាក់ដូចគ្នា នោះទាំងពីរនាក់នឹងធ្លាក់រណ្ដៅ»។—ម៉ាថាយ ១៥:១៤

ចុះបើមនុស្សដែលយើងស្គាល់បានសម្រេចចិត្តឈប់ធ្វើជាសាក្សីព្រះយេហូវ៉ា? ជាពិសេស បើមនុស្សដែលយើងជិតស្និទ្ធសម្រេចចិត្តធ្វើដូច្នេះ នោះអាចធ្វើឲ្យយើងឈឺចិត្តខ្លាំងណាស់។ គាត់ក៏ប្រហែលជាបង្ខំយើងឲ្យជ្រើសរើសរវាងគាត់និងព្រះយេហូវ៉ាដែរ។ ប៉ុន្តែសំខាន់បំផុត យើងប្ដេជ្ញាចិត្តរក្សាភក្ដីភាពចំពោះព្រះ។ (ម៉ាថាយ ១០:៣៧) ដូច្នេះ យើងស្ដាប់បង្គាប់ព្រះយេហូវ៉ាដោយមិនសេពគប់មនុស្សដូចនោះ។—សូមអាន កូរិនថូសទី១ ៥:១១

២. តើការសម្រេចចិត្តរបស់យើងអាចបង្ហាញយ៉ាងណាថាយើងមានភក្ដីភាពចំពោះព្រះយេហូវ៉ា?

សេចក្ដីស្រឡាញ់ដែលយើងមានចំពោះព្រះយេហូវ៉ា នឹងជំរុញចិត្តយើងមិនឲ្យពាក់ព័ន្ធទាល់តែសោះនឹងសាសនាមិនពិត។ ការងារដែលយើងធ្វើ អង្គការដែលយើងរួមចំណែក ឬសកម្មភាពណាក៏ដោយដែលយើងចូលរួម មិនត្រូវពាក់ព័ន្ធនឹងសាសនាមិនពិតឡើយ។ ព្រះយេហូវ៉ាព្រមានយើងថា៖ «រាស្ដ្រខ្ញុំអើយ ចូរចេញពី[បាប៊ីឡូនដ៏ខ្លាំងក្លា]»។—ការបើកបង្ហាញ ១៨:២, ៤

បង្កើនចំណេះ

សូមរៀនអំពីរបៀបដែលអ្នកមិនឲ្យអ្នកណាម្នាក់មកធ្វើឲ្យភក្ដីភាពរបស់អ្នកចំពោះព្រះយេហូវ៉ាចុះខ្សោយ។ សូមរៀនដែរអំពីរបៀបដែលអ្នកអាចបង្ហាញភក្ដីភាពចំពោះព្រះដោយចេញពីបាប៊ីឡូនដ៏ខ្លាំងក្លា។

៣. ចូរប្រុងប្រយ័ត្ននឹងគ្រូក្លែងក្លាយ

បើយើងឮព័ត៌មានមិនល្អអំពីអង្គការរបស់ព្រះយេហូវ៉ា តើយើងនឹងធ្វើយ៉ាងណា? សូមអាន សុភាសិត ១៤:១៥ រួចពិភាក្សាសំណួរនេះ៖

ហេតុអ្វីយើងគួរប្រុងប្រយ័ត្នចំពោះអ្វីទាំងអស់ដែលយើងឮ?

សូមអាន យ៉ូហានទី២ ខ១០ រួចពិភាក្សាសំណួរដូចតទៅ៖

តើយើងគួរប្រព្រឹត្តយ៉ាងណាចំពោះអ្នកក្បត់ជំនឿ?
ទោះជាយើងមិនទាក់ទងដោយផ្ទាល់ជាមួយនឹងពួកអ្នកក្បត់ជំនឿក៏ដោយ តើយើងអាចទទួលឥទ្ធិពលពីទស្សនៈរបស់ពួកគេតាមរបៀបណាខ្លះ?
បើយើងស្ដាប់គេនិយាយមិនល្អអំពីព្រះយេហូវ៉ាឬអំពីអង្គការរបស់លោក តើលោកមានអារម្មណ៍យ៉ាងណាចំពោះយើង?

៤. ពេលបងប្អូនណាម្នាក់ធ្វើអំពើខុសឆ្គង ចូររក្សាភក្ដីភាពចំពោះព្រះ

បើយើងដឹងថាបងប្អូនណាម្នាក់ក្នុងក្រុមជំនុំបានប្រព្រឹត្តអំពើខុសឆ្គងធ្ងន់ធ្ងរ តើយើងមានកាតព្វកិច្ចអ្វី? សូមពិចារណាគោលការណ៍មួយពីច្បាប់ដែលព្រះបានឲ្យដល់ជនជាតិអ៊ីស្រាអែលនៅសម័យបុរាណ។ សូមអាន ច្បាប់លេវី ៥:១។

ដូចក្នុងខនោះ បើយើងដឹងថាបុគ្គលណាម្នាក់បានប្រព្រឹត្តអំពើខុសឆ្គងធ្ងន់ធ្ងរ យើងត្រូវប្រាប់អ្នកចាស់ទុំ។ ប៉ុន្តែ ជាការល្អដែលយើងប្រាប់បុគ្គលដែលធ្វើខុស ឲ្យទៅសារភាពប្រាប់អ្នកចាស់ទុំ។ បើគាត់នៅតែមិនព្រមទៅប្រាប់ទេ យើងត្រូវឆាប់ទៅប្រាប់អ្នកចាស់ទុំដើម្បីបង្ហាញភក្ដីភាពចំពោះព្រះយេហូវ៉ា។ ហេតុអ្វីការធ្វើដូច្នោះបង្ហាញថា យើងមានសេចក្ដីស្រឡាញ់ដ៏ស្មោះត្រង់ចំពោះ . . .