Мәсиһийед рʹаст наһельн кӧ тьштәк йан кәсәк һәләԛәтийа ԝан тʹәви Йаһоԝа хьраб кә. Әм баԝәр ьн, ԝәки тӧ жи ӧса ни. Йаһоԝа амьнийа тә дьшекьринә (Бьхунә 1 Дирок 28:9.) Кʹижан дәрәщада амьнийа тә һьндава Йаһоԝада дькарә бе щерʹьбандьне, у чь дькарә али тә бькә?

1. Мәрьв ча дькарьн амьнийа мә бьщерʹьбиньн?

Һьнә мәрьв ԝе бьхԝазьн рʹийа мә бьгьрьн, ԝәки әм Йаһоԝарʹа хьзмәт нәкьн. Гәло әв мәрьв кʹи нә? Һьнә мәрьвед кӧ сафи кьрьнә ида Йаһоԝарʹа хьзмәт нәкьн, дәрһәԛа тʹәшкиләта Хԝәде дәрәԝа бәла дькьн, сәва кӧ баԝәрийа мә кʹӧта кьн. Әв мәрьв рʹабәр ьн. Хенщи ԝан, һьнә сәрԝеред религийа жи дәрһәԛа мә дәрәԝа бәла дькьн. Һәрге әм фәсал нибьн, дьбәкә бәр байе ԝан кʹәвьн у жь Йаһоԝа дур кʹәвьн. Ләма жи гәрәке әм һаш хԝә һәбьн, тʹәви ԝан нәкʹәвьнә хәбәрдане, кʹьтебед ԝан нәхуньн, нәкʹәвьнә малпәред ԝан, у нә жи видеойед ԝан бьньһерʹьн, сәва кӧ рʹӧһʹанида зийане нәстиньн. Дәрһәԛа рʹабәра Иса гот: «Жь ԝан вәгәрʹьн! Әԝә кор ьн у рʹебәре кора нә. Һәгәр кор рʹебәрийе кора бькә, һәр дӧйе жи бькʹәвьнә чʹәʹле» (Мәтта 15:14).

Ле әм чь дькарьн бькьн ԝе дәрәщеда, һәрге кәсәк ида нахԝазә Йаһоԝарʹа хьзмәт кә? Әв йәк дькарә гәләк дьле мә бешинә, илаһи һәрге әв мәрьв мәрʹа гәләк незик ә. Әԝ дькарә жь мә жи дәʹԝа кә, ԝәки әм йан ԝи йан жи Йаһоԝа бьжберьн. Чь жи һәбә, әм гәрәке Йаһоԝарʹа амьн бьминьн (Мәтта 10:37). Ләма жи әм гӧһ дьдьн тʹәмийа Йаһоԝа у тʹӧ тьштида тʹәви ԝан рʹабәра набьнә йәк (Бьхунә 1 Корьнтʹи 5:11.)

2. Кʹижан сафикьрьнед мә дькарьн амьнийа мә бьщерʹьбиньн?

Һʹьзкьрьн һьндава Йаһоԝа ԝе мә һелан кә, ԝәки хԝә дур бьгьрьн жь ԝан һʹәму тьшта, чь кӧ религийа ԛәлпва гьредайи нә. Ләма жи әм хԝә дур дьгьрьн жь хәбат, тʹәшкиләт у шьхӧлед ӧса, йед кӧ религийа ԛәлпва гьредайи нә. Йаһоԝа тʹәмийе дьдә: «Жь нава ԝе [Бабилона Мәзьн], дәркʹәвьн, щьмәʹта мьн» (Әʹйанти 18:2, 4).

 КʹУР ЛЕКОЛИН КӘ

3. Һинкьрьнед ԛәлп тедәрхә

Әм ча гәрәке хԝә бьдьнә кʹьфше, чахе дәрһәԛа тʹәшкиләта Йаһоԝа тьштед нәрʹаст дьбьһен? Бьхунә Мәтʹәлок 14:15, у паше әве пьрсе шеԝьр кә:

• Әм чьма фәсал ьн у баԝәрийа хԝә һәр тьшти найньн, чь кӧ дьбьһен?

Бьхунә 2 Йуһʹәнна 10, у паше ван пьрса шеԝьр кә:

• Әм гәрәке ча бьн һьндава рʹабәрада?

• Һәрге жи әм рʹасти рʹабәра найен у тʹәви ԝан хәбәр надьн, йәкә әм ча дькарьн бькʹәвьн бәр байе ԝан?

• Йаһоԝа ԝе чь сәр хԝә тʹәхмин кә, һәрге тӧ гӧһ бьди ԝан дәрәԝа, кӧ сәр ԝи у тʹәшкиләта ԝи те готьне?

4. Йаһоԝарʹа амьн бьминә чахе кәсәк жь хушк-бьра гӧне гьран дькә

Һәрге тӧ педьһʹәси, кӧ кәсәк жь щьвате гӧне гьран кьрийә, тӧ борщдар и чь бьки? Дина хԝә бьдә принсипа жь Ԛануна Хԝәде, кӧ Исраела бәрерʹа һатьбу дайине. Бьхунә Ԛануна Кʹаһинтийе 5:1.

Чаԝа кӧ жь ве рʹезе те кʹьфше, чахе әм педьһʹәсьн кӧ кәсәки гӧне гьран кьрийә, әм гәрәке һәрʹьн у бежьнә рʹуспийа. Пешийа кӧ әве йәке бькьн, ԝе баш бә ԝи мәрьви һелан кьн, кӧ әԝ хԝәха һәрʹә щәм рʹуспийа у гӧне хԝә бьдә рʹуйе хԝә. Һәрге әв начә щәм рʹуспийа, һьнге амьнийа мә Йаһоԝарʹа гәрәке мә һелан кә хԝә паш нәхьн у рʹуспийарʹа гьли кьн. Чь щурʹәйи әв кьре мә әʹйан дькә амьнийа мә һьндава . . .

• Йаһоԝа Хԝәде?

• мәрьве кӧ гӧнә кьрийә?

• һʹәмуйед щьватеда?

 5. Хԝә жь Бабилона Мәзьн дур бьгьрә

 ТʹӘМАМКЬРЬН

Сәва кӧ Йаһоԝарʹа амьн бьминьн, әм гәрәке хԝә жь мәрьвед нәамьн дур бьгьрьн. Әм ӧса жи гәрәке бь тʹәмами жь религийа ԛәлп дур кʹәвьн.

Ԝәкʹьландьн

• Чьма әм гәрәке нәньһерʹьн, нәхуньн у нә жи гӧһ бьдьн дәрәԝед рʹабәра?

• Әм гәрәке ча бьн һьндава ԝан мәрийа, йед кӧ ида нахԝазьн бьбьнә Шәʹдед Йаһоԝа?

• Әм ча дькьрьн гӧһ бьдьнә ве тʹәмийе, кʹидәреда те готьне, ԝәки жь религийа ԛәлп бьрʹәвьн?