Em dixwazin bi dilsozî ji Yehowa re îbadetê bikin. Loma em qet nahêlin ku kesek yan tiştek navbera me û Yehowa xera bike. Bê şik û bê guman tu jî dixwazî ji Yehowa re dilsoz bimînî. Yehowa gelek qîmetê dide dilsoziya te (1. Dîrokan 28:9 bixwîne). Di kîjan hal û rewşan de belkî ji bo te zor e ku tu ji wî re dilsoz bimînî? Gelo çi dikare alî te bike?

1. Hin kes çi dikin ku dilsoziya me ya ji Yehowa re xera bikin?

Hin kes dixwazin me ji îbadeta Yehowa dûr bixin. Gelo ew kî ne? Hin kesên ku ji rêya rastiyê derketine li ser teşkîlata Yehowa derewan dibêjin, da ku îmana me tune bikin. Ji wan re serhildêrên li hemberî rastiyê tê gotin. Wekî din, hin zilamên dînî jî li ser me derewan belav dikin. Eger em hay ji xwe nebin, emê bi derewên wan bawer bikin û dev ji îbadeta Yehowa berdin. Ji bo me pir bizerar e ku em bi muxalifan re munaqeşe bikin, kitêbên wan yan fikrên wan di Înternetê de bixwînin, yan jî li fîlmên wan mêze bikin. Îsa Mesîh li ser kesên ku dixwazin me ji rêya Yehowa derxin wisa gotibû: “Dev ji wan berdin! Ew kor in, rêberên koran in. Eger kor rêberiya yê kor bike, herdu jî wê bikevin çalê” (Metta 15:14).

Eger meriv yan dostekî me qerarê bide ku ew êdî naxwaze Şahidekî Yehowa be, gerek em çi bikin? Ev yek dikare dilê me pir biêşîne. Belkî ew kes me mecbûr bike ku em yan aliyê wî yan jî aliyê Yehowa bigirin. Gerek em berî her kesî bi dil û can ji Yehowa re dilsoz bimînin (Metta 10:37). Loma em guh didin qanûna Yehowa û eleqeya xwe bi wan kesan re qut dikin (1. Korîntî 5:11 bixwîne).

2. Em çawa dikarin nîşan bidin ku em ji Yehowa re dilsoz in?

Ji ber ku em ji Yehowa hez dikin, em bi her awayî ji dînê sexte dûr dikevin. Gerek karê me, teşkîlatên ku em endamên wan in yan jî fealiyetên me yên din, bi dînê sexte ve girêdayî nebin. Yehowa me bi van gotinan hişyar dike: “Ya gelê min, ji wê [Babîla Mezin], derkevin” (Peyxam 18:2, 4).

 HÛR Û KÛR BIFIKIRE

3. Li hemberî derewkaran hişyar be

Gava ku em li ser teşkîlata Yehowa tiştên xerab bibihîzin, gerek em çi bikin? Methelokên Silêman 14:15 bixwîne û li ser vê pirsê sohbetê bikin:

• Çima gerek em bi her tiştê ku dibihîzin bawer nekin?

2. Yûhenna 10 bixwîne û li ser van pirsan sohbetê bikin:

• Gerek em li ser serhildêrên li hemberî rastiyê çawa bifikirin?

• Eger eleqeya me rasterast bi serhildêrên li hemberî rastiyê ve tune be jî, gelo fikrên wan çawa dikarin bigihîjin me?

• Eger em guh bidin derewên ku li ser Yehowa û teşkîlata wî tên gotin, gelo Yehowa wê li ser me çi bifikire?

4. Gava xwişk yan birayek guneh bike, ji Yehowa re dilsoz bimîne

Eger xwişk yan birayek gunehekî giran bike û tu pê bihesî, gerek tu çi bikî? Bala xwe bide vê pîvan û prensîpa ku Xwedê dabû Îsraêla berê (3. Mûsa 5:1 bixwîne).

Li gor vê ayetê, eger xwişk yan birayek gunehekî giran bike û em pê bihesin, gerek em vê yekê ji rîspiyan re bibêjin. Berî vê yekê, gerek em ji ber hezkirinê şîretê bidin wî kesî û bibêjin gerek ew here cem rîspiyan û gunehê xwe ji wan re îtiraf bike. Eger ew wisa neke, gerek dilsoziya me ya ji Yehowa re me dehf bide ku em vê meseleyê ji rîspiyan re bibêjin. Bi vî awayî, em çawa hezkirina dilsoz …

• ji Yehowa Xwedê re nîşan didin?

• ji kesê ku guneh kiriye re nîşan didin?

• ji xwişk û birayên din re nîşan didin?

 5. Ji Babîla Mezin bi temamî derkeve

 BI ÇEND GOTINAN

Ji bo ku em ji Yehowa re dilsoz bimînin, gerek em ji kesên ku ji wî re nedilsoz in dûr bikevin. Wekî din, gerek em xwe ji her tiştê ku bi dînê sexte ve girêdayî ye bi temamî qut bikin.

Tu çi elimî?

• Çima gerek em xwe dûrî her tiştê ku ji serhildêrên li hemberî rastiyê tê, bigirin?

• Gerek em li hemberî kesên ku êdî naxwazin Şahidên Yehowa bin, çawa bin?

• Em çawa dikarin guh bidin qanûna Yehowa û ji dînê sexte derkevin?