Abakristayo ab’okwenene bakalhangira bathi sibali lighira ekindu kyosi-kyosi kutse omundu wosi-wosi akatsandya obughuma bwabu na Yehova. Ahathe erithika-thika, nawu kwa wukanayowa wuthya. Yehova akalhangira obuthaleghulha bwawu mwa bw’obughuli. (Soma 1 Emyatsi y’Emigulu 28:9.) Ni byahi ebyanga lenga okwa buthaleghulha bwawu okw’iyo, kandi wanga birwanisya wuthi?

1. Abandi banga lenga bathi okwa buthaleghulha bwethu oku Yehova?

Abandi bandu bakendi lengaho erithulemesya erikolera Yehova. Ni bahi abanga kolha ekindu ng’ekyo? Abandi ababirisighania ekwenene bakabugha amabehi okwa kithunga kya Nyamuhanga erianza eritsekya erikirirya lyethu. Bakahulhawamo abakayisamambulha okw’ikirirya. Kandi, abandi bakulhu b’edini bakathulhalhanayako amabehi erileka abathasi ekwenene ya ndeke basighanayeyo. Ni ky’akabi erikuba obuhaka n’abahakani, erisoma ebitabu byabu, kutse erighenda okwa mithahulha yabu, kutse erilebya esyovidiyo syabu. Bikahika okw’abakalemesaya abandi erikolera Yehova buthaleghulha, Yesu mwabugha athi: ‘Mulekebo, ni basondoli ndimethime b’abandu ndimethime. Omundu ndimethime amasondolha owundi mundu ndimethime, ababiri bosi basyathoghera omo buhya.’​—Matayo 15:14.

2. N’ithwamu lyahi eryanga lenga okwa buthaleghulha bwethu oku Yehova?

Erianza Yehova likendi leka ithwayihighulha okw’isangira omo kindu kyosi-kyosi ekihambene n’amadini w’amabehi. Omubiiri wethu kutse ebithongole ebya thulimo kutse ekyosi-kyosi ekya thukasangiramo si bitholere bikabya ibihambangene n’amadini w’amabehi. Yehova akathuhabulha athi: ‘Abandu baghe, mulhue mugho [Babeli Mukulhu].’​—Eribisulirwa 18:2, 4.

 THASYIGHA BINGYI

3. Yitheghaye okwa bakangirirya b’amabehi

Thutholere ithwakolhaki thwamowa emyatsi eyithahikire eyikabughawa okwa kithunga kya Yehova? Soma Emisyo 14:15, mwanakania okwa kibulyo kino:

• Busana naki thukayihighulha okw’ikirirya ebyosi ebya thukowa?

Soma 2 Yoane 9-11, mwanakania okwa bibulyo bino:

• Thutholere ithwathwalha thuthi abakayisamambulha okw’ikirirya?

• Nomuthwangabya isithuthakolongana nabu busu okwa busu, thwanga yisanga thuthi ithuli okw’ikolongana nabu?

• Wukalengekanaya Yehova iniakendi yowa athi thwamahulikirira amabehi awabakamubughako kutse awakabughawa okwa kithunga kiwe?

4. Sighalha muthaleghulha oku Nyamuhanga, mulikyethu amakolha erilholho

Ni lhukwamirwa lhwahi olhwa thuwithe, thwamaminya ngoku omundu omwa kithunga abirikolha erilholho erikalire? Lengekanaya okwa musingyi owali omwa Mighambo eya Nyamuhanga aha Abaisraeli kera. Soma Abalawi 5:1.

Ngoku kiri omwa mulhondo oyu, thwamaminya ngoku omundu abirikolha erilholho erikalire, thutholere ithwabwira abasyakulhu ebya thwasi. Aliwe, thuthe thwakolha ekyo, ikikendibya kibuya eribwira omukolha-nabi thuthi aghende eyiri abasyakulhu eriyathulhagho kw’abirikolha ekibi. Amalemwa erikolha ekyo, obuthaleghulha bwethu oku Yehova ibukendi leka ithwabwira abasyakulhu ebya thwasi. Ekyo kikakanganaya kithi olhwanzo olhuthyusa . . .

• oku Yehova Nyamuhanga?

• oko mundu oyuwabirikolha erilholho?

• oko bandi omwa kithunga?

 5. Yihighule oko Babeli Mukulhu

 OMWA BIKUHI

Erithoka erisighalha bathaleghulha oku Yehova, thutholere ithwayihighulha okw’ikolongana n’abakalengaho erithuthebya

Eriyibukya

• Busana naki sithutholere thukahulikirira eby’abakayisamabulha okw’ikirirya?

• Thwamaminya ngoku mulikyethu abirikolha erilholho erikalire, thutholere ithwakolhaki?

• Thwanga ghendera thuthi okw’ikunga ery’erilhua omwa madini w’amabehi?