LONGI DIA 58
Sikila ye Kwikizi kwa Yave
Akristu akieleka bevanganga mawonso muna lembi yambula vo konso diambu yovo muntu kabafila mu yambula sambila Yave. Kalukatikisu ko vo i diau ovanganga. Yave oyangalelanga kwikizi kiaku. (Tanga 1 Tusansu 28:9.) Nkia mambu malenda tonta kwikizi kiaku? Aweyi olenda zizidila ntonta zazi?
1. Aweyi akaka balenda tontela e kwikizi kieto muna Yave?
Vena yo wantu bevava kutuvukumuna kimana twayambula sadila Yave. Aki nani balenda vanga diambu diadi? Akaka muna awana bayambula sadila Yave, bevovanga luvunu mu kuma kia nkutakani a Yave ye kani diafwasa lukwikilu lweto. Wantu awaya beyikilwanga vo avengomoki. E mfumu zankaka za mabundu bemwanganesanga nsangu za luvunu mu kuma kieto muna vava bendomona akaka muna ludi. Diavonza kikilu mu mokena ye mbeni zeto, tanga nkanda miau yovo kota mu nzila zau muna internete ngatu tala video zau. Muna kuma kia awana bevavanga vukumuna akaka bayambula sadila Yave, Yesu wavova vo: “Nubayambula. Afidi ampofo kwau. Avo mpofo ofididi nkwandi mpofo, yau awole muna wulu bebwa.”—Matai 15:14.
Adieyi tuvova avo muntu tuzeye obakidi nzengo vo kazolele diaka kala Mbangi a Yave ko? Ediadi dilenda kutukendeleka kikilu, musungula avo muntu ndioyo nkundi eto yovo yitu kieto. O muntu ndioyo olenda kutukomekena mu sola vana vena yandi yo Yave. Tufwete kala ye kani dia tatidila kwikizi kieto muna Yave lutila konso lekwa yovo muntu. (Matai 10:37) Muna kuma kiaki, tulemvokelanga nkanikinu a Yave walembi kala entwadi yo wantu a mpila yayi.—Tanga 1 Korinto 5:11.
2. Aweyi e nzengo zeto zilenda songela vo tuna ye kwikizi muna Yave?
O zola kweto muna Yave kukutufila mu lembi kalanga e ngwizani ye mabundu maluvunu. Ediadi disongele vo, ke tufwete sala salu ko ngatu kala muna nkubika zina ngwizani ye mambu maluvunu. Yave okutulukisanga vo: “Nuvaika muna yandi [Babele Anene], e nkangu ame.”—Lusengomono 18:2, 4.
ZAYA DIAKA MANKAKA
Tala mambu olenda vanga kimana walembi yambula vo konso muntu kayoyesa kwikizi kiaku muna Yave. Tala mpe una olenda songela kwikizi muna vaika muna Babele Anene.
3. Keba muna malongi maluvunu
Adieyi tufwete vanga vava wantu bevovanga mambu mambi mu kuma kia nkutakani a Yave? Tanga Ngana 14:15, i bosi, vana e mvutu za kiuvu eki:
-
Ekuma tufwete kuyikebela muna lembi kala ye fu kia kwikilanga muna mawonso tuwanga?
Tanga 2 Yoane 10, i bosi, vana e mvutu za yuvu eyi:
-
Aweyi tufwete kadilanga ye avengomoki?
-
Kanele vo ke tumokenanga yau ko, aweyi tulenda wila malongi mau?
-
Aweyi Yave kemona avo tuyantikidi wa nsangu zaluvunu zimwanganeswanga mu kuma kiandi ye nkutakani andi?
4. Sikila ye kwikizi muna Nzambi kana nkutu vo mpangi osumukini
Nkia mbebe tuna yau avo tuzeye wo vo mpangi mosi muna nkutakani sumu diampwena kavolele? Tala dina Nzambi kavovesa kwa Aneyisaele kuna nz’ankulu. Tanga Levitiku 5:1.
Nze una tumwene mu sono kiaki, avo tuzeye wo vo muntu sumu diampwena kavolele, tufwete kumvovesa vo kenda funguna e sumu diandi kwa akuluntu. Avo kavangidi wo ko, tuna ye mbebe ya zayisa kwa akuluntu dina tuzeye muna songa e kwikizi kieto muna Yave. O vanga e diambu diadi, aweyi disongelanga o zola kwakieleka . . .
-
muna Yave wa Nzambi?
-
muna muntu osumukini?
-
kwa akaka muna nkutakani?
Avo mpangi aku sumu diampwena kavolele, unsadisa!
5. Vavuka e Babele Anene
Tanga Luka 4:8 ye Lusengomono 18:4, 5, i bosi, vana e mvutu za yuvu eyi:
-
Nga e nkumbu ame yakinu muna nkanda mia dibundu dialuvunu dina yakala?
-
Nga mu nkubika ina e ngwizani ye mabundu maluvunu ngina?
-
Nga e salu kiame kikumfilanga mu yikama e dibundu dialuvunu kana nkutu mu mambu makete?
-
Nga vena ye mambu mankaka muna zingu kiame mfwete vanga muna vambana ye dibundu dialuvunu?
-
Avo mvutu zame elo muna yaka yuvu, nkia nsobani mfwete vanga?
Muna mambu mama mawonso, baka e nzengo zisonga e kwikizi kiaku muna Yave yo kusadisa wakala ye ntona zavelela.
Adieyi ovanga avo bavovese vo wavana nkayilu mu kuma kia dibundu?
AVO MUNTU UVOVESE VO: “Muna tanina e ludi, mfwete zaya mana avengomoki bevovanga mu kuma kia Mbangi za Yave.”
-
Nga obenze vo dia ngangu mu vanga wo? Ekuma?
MAMBU MASINA MA LONGI DIADI
Muna tatidila kwikizi kieto muna Yave, ke tufwete vanga kikundi ko ye awana ke besonganga kwikizi kwa Yave ko. Tufwete vaika emvimba muna dibundu dialuvunu.
Nkia Mambu Olongokele?
-
Ekuma ke tufwete wilanga malongi ma avengomoki ko yovo tanga nkanda miau ngatu tala video zau?
-
Aweyi tufwete kadilanga ye awana ke bazolele diaka kala Mbangi za Yave ko?
-
Aweyi tulenda lemvokela lulukisu lwa vaika muna dibundu dialuvunu?
TALA MPE OMA MALENDE
Tala dina olenda vanga vava wantu bemwanganesanga nsangu zaluvunu mu kuma kia Mbangi za Yave.
“Nga Otomene Zaya e Ziku kia Diambu?” (Eyingidilu dia Agositu, 2018)
Aweyi olenda zayila nkubika yovo mambu mevangwanga muna Babele Anene?
Nkia mambu mbeni bevanganga muna yoyesa lukwikilu lweto?
Muna zaya una mfumu mosi a dibundu dia xintoísta kabembolwela dibundu dialuvunu, tala lusansu, “Yavavanga Nzambi Tuka Kileke Kiame.”
“Nkand’a Nzambi Zingu kia Wantu Usobanga” (Eyingidilu dia Okutoba-Desemba, 2011)
Nanga Oyangalela Mpe Malongi Mama
YUVU ITOMA YUVULWANGA
Ameyi Mevangamanga Muna Longi dia Bibila ye Mbangi za Yave?
Muna programa yayi ya ngovo ya longokela isadilwanga kwa Mbangi za Yave, olenda sadila kwaku konso nsekola ya Bibila. Olenda kwaku bokelesa esi nzo aku yawonso yovo akundi aku ana ozolele.
