Makristau aimbarimbari katinarumeli-a ira mutu venango yongo iliyothene yaaimwanani-e lambela Yohova. Kaninokaikela ira nyo thitho munoona e-no. Yohova unosangalala maningi aona ira munodhowananve kala ororomeleya wa liye. (Muleri 1 Limbili 28:9.) N’nga ndi vyongo vivi vyevyo vinauimwanani-eni kala ororomeleya wa Yohova? N’nga chini jinaukami-eni ira mwa-a-iye kala ororomeleya wa liye?

1. N’nga atu enango anairi-e a-vi ira ni-iye kala ororomeleya wa Yohova?

Atu enango anofuna ira ni-iye mlabela Yohova. N’nga atu enala anakale ani? Atu enango ano-iya mlabela Yohova anoonga vyonama vyokuza gulu la Nlungu na ifunelo yoi i-yo thitho, ni-iye labela Yohova. Atu enala anoitaniwa opanduwa. Thitho anamasogolela a mareligiau enango anoonga vyonama naifunelo yofuna dodomi-a atu anolandeya na vyongo vili vyothene ira ta-iye mlabela Yohova. Ninofwanela rambelelatu runi-angana naatu opanduwao, leri mabukhwiwa, venango vinalemba aliwa va internetini, dhula masaitiwa venango onela mavidiiwa. Voonga vya atu ale anoiri-a ira atu enango ta-iye labela Yohova, Yesu aongile ira: “Mu-iyane na aliwa. Aliwa ndi anamasogolela amaboliboli. E-no akala mutu o-oona unosogolela o-oona fwee, ambilene anoda gwela lindini.”—Mateu 15:14.

N’nga munaire a-vi akala mutu unango um’ mwidhinyo utoonga ira kanofunave kala wa Mboni dha Yohova? Vinokala vyopa maningi akala mutu unomdhiveliwana i-yo utosakula ira vyevi. Venango thitho unooda nikanyi-edha ira nisakule vari va liye na Yohova. Vyaira e-no, ninofwanela sikimiza rima ira nikaleve ororomeleya wa Yohova kwaranya wa mutu uliothene. (Mateu 10:37) E-no ninofwanela vwela lamulo la Yohova loi kanivwelanenga naatu enao.—Muleri 1 Akoritiyo 5:11.

2. N’nga vinosakula i-yo va ingumi yi-u vinairi-e a-vi ira ni-iye kala ororomeleya wa Yohova?

Akala ninodhiveliwana Yohova, ninodha rambela ira iliyothene yovwelana na religiau lonama. Ninodha rambela kala venango laba basa mugulu n’nangolee la religiaulo venango ira iliyothene yovwelana na religiau lonama. Yohova anoniwenjeli-a ira: “Kumanimo m’Babulo nlukulu, atwanga.”—Apokalipse 18:2, 4.

 FUNJEDHANI VINJINJI

3. Muire polepole na anamafunji-a onama

N’nga ninofwanela ira a-vi navwa atu enango taonganga vyongo vyothakala vyokuza gulu la Yohova? Muleri Sanganiko 14:15, mwamala mutapanye yofuka yo-arelai:

• Mwasiwa ngwan’ni ninofwanela ira polepole ira na-aroromelenga vyothene vinovwa i-yo?

Muleri 2 Juwau 10, mwamala mutapanye vyofuka vyo-arelavi:

• Movwelana na lembali, n’nga niirenga a-vi naatu opanduwa?

• Angalive ira kaninowaredha vametho nametho naatu opanduwa, n’nga vyongo vinofunji-a aliwa vinanidodomi-e a-vi?

• N’nga munothuulela ira Yohova unovwa a-vi navuruwananga vyongo vyonama vyokuza liye venango gululee?

4. Mukalengave ororomeleya wa Nlungu mutu unango aira yodawa

N’nga ninofwanela ira n’ni naidhiwa ira mutu unango pingoni utoira yodawa ilukulu? Muone likundo linofwanyeya mulamulo lavelenle Nlungu wa Aisraeli. Muleri Levitiko 5:1.

Movwelana na versuli, naidhiwa ira mutu unango utoira yodawa ilukulu ninofwanela wandela andimuwa avapingoni viidhi i-yo vamwasuo. Mbwenye na-anaire vyevi, ninofwanela wandela mutu odawuo ira amaonge ekhene waandimuwa vya yodawiyo. Mbwenye arucheyanga ira vyevi, i-yo ninofwanela thonyi-edha ira nili ororomeleya wa Yohova vodhowa maonga wa andimuwa avapingoni. N’nga ira vyevi unathonyi-edhe a-vi ira nitokaana udhivela ororomeleya wa . . .

• Yohova Nlungu?

• mutu odawuo?

• atu othene pingoni?

 5. Kumani mu Babulo nlukulu

 MAKUNDO OGWANDELA

Ira nidhowenave kala ororomeleya wa Yohova, ninofwanela rambela vwelana naatu ali o-ororomeleya waliye. Ninofwanela rambela thitho a-ira iliyothene yovwelana na religiau lonama.

Vyofuka vyowelela

• Mwasiwa ngwan’ni kaninofwanela onela, leri venango vuruwana vinofunji-a atu opanduwa?

• N’nga ninofwanela ira a-vi vyongo na atu tasakunle ira ta-akale a Mboni dha Yohova?

• N’nga ninathonyi-edhe a-vi ira ninovwela yowenjeli-a yoi nikume mu religiau lonama?