Tokɛlɛipiemia wanazɛ oo dɔ gaga yekɛ pɛ nɔɔfe ɛ̃ɛ̃ mi nɔɔfe e a kɛ o ɓɛɛla lɛ e wa Zihova ni o fĩãa yisie. Koo yidɔ ii i yɛlɛtaa nɔ kili. Ye ɓaa kɛ zodɔamɔzɛɛ, lɛ kpanazɛ Zihova lɛɛ. (1 Kanekɔ 28:9 gee.) Mɛɛ wɔ̃ lɛ e bɛi a kɛɛ gaga kɛ i i zodɔ Zihova mɔ, ɛ̃ɛ̃ mɛ e bɛi gbũu i mɔ?

1. Zi kpɛɛ lɛ mia ye o toa o bɛi ko zodɔamɔ lɛ e Zihova wɛĩa yidãa a ka?

Mia do oo lo dɔɔ gaga o ko tea gbini Zihova lɛɛ mɔ. Deĩ lɛ e bɛi wɔ̃ yɔɔ suua kɛɛ? Mia lɛ waa go wanawɔ̃ɔ yia do oo nɛwɔ̃ gee e gbɛ̃a Zihova la nukiebaa mɔ, ɓii oo naa o yili kã ko zodɔamɔ wi. O mia lɛ o gelegɔ̃ wanawɔ̃ɔ kaa ka. Zeniia, walaka liesimia do oo nɛwɔ̃ gee e gbɛ̃a ko mɔ kɛɛ o mia lɛ o zo wá o die piea kɛ o go wanawɔ̃ɔ yi. Ye wa sɛ kɛ ko teé da ko yɔɔ yi vɔ nɔɔfe ka, ko wa kii nia gee, ɛ̃ɛ̃ ko lo wa wɔ̃kɛkɔ gɛ̃pia ni lɛ o fããlaa mɔ, ɛ̃ɛ̃ kɛ ko wa vilo nia gɛ̃. Mia lɛ o dɔ gaga kɛ o mia zoda zizaa gbini Zihova lɛɛ mɔɔ, Zizɛ laa gee: “Ka go o lɛɛ. O mia liesimia nyiɛ kaaazɛ ka. Ye mi nyiɛ kaaazɛ aa liesia e ɓɛɛ nyiɛkaami kaa, o peelɛɛ oo lo duo gulu yi.”​—Mafiu 15:​14.

Ye mi ko dɔɔ aa gee kelɛ lɛɛ́ naa gbaa e kɛ Zihova la Kelavɔɔ doomi kaa bɛ̃ɛ̃? Lɛɛ ko zoda zizaa ye ko lɔkɛami aa wɔ̃ suua kɛɛ ka. Ye aa kɛ kilia, kɛɛ a mɔɔ mi laa geepia ko mi lɛ ko lɔkɛ a kaa kũ ko zɔ̃ɔ̃ ka, a yeo ɛ̃ɛ̃ Zihova. Laa mɔ Zihova lɔ e kpɔ ko mɔ e diea mi nɔɔfe la. (Mafiu 10:​37) A mɔɔ wɔ̃ mɔɔ, yekɛ ko ɓɛɛla kɛ mi suua pie, ɓii koo naa ko Zihova we kɛ.​—1 Kɔleĩtĩã 5:​11 gee.

2. Wɔ̃ lɛ ko ya ko ge ko kɛɛ, zi kpɛɛ lɛ a zɔ̃ɔ̃a kelɛ ko zodɔamɔzɛ?

Lɔkɛamɔ lɛ e ko kɛlɛ Zihova wɛĩa lɛɛ lo gbũu ko mɔ yekɛ ko ko kɔda wɔ̃ nɔɔfe lɛ a gbɛ̃ɛ̃ lɛ gbiniwalalɛɛ kɔ nɛzɛ mɔɔ ba. A mɔɔ wɔ̃ mɔɔ, e kɛ bɛ̃ɛ̃ yɛɓo lɛ ko kɛ, ɛ̃ɛ̃ kɔlokieba nɔɔfe, e daa wɔ̃ kele kele ni lɛ ko kɛɛ baa, yekɛ a gbɛ̃ɛ̃ e kɛa gbiniwalalɛɛ kɔ nɛzɛ nɔɔfe mɔ. Zihova laa gee ko lɛɛ: “M mia ni ka go [Babɛlɔu Sɛlɛ Gbuoa] ba.”​—Wɛlɛvelesɔ̃ 18:​2, 4.

 A PIE FOO

3. I zokɛ i die pie pɛzɔ̃ɔ̃mia nɛzɛɛ wɛĩ

Zi kpɛɛ lɛ i bɛi wɔ̃ kɛɛa ye ɓaa nɛwɔ̃ ma e gbɛ̃a Zihova laa nukiebaa mɔɔ ka? Ko Pɔlɔvɛɛ 14:15 gee, ɛ̃ɛ̃ kɛ ko wɛĩlɔɔ e kea yiɓo:

• Mɛ e kɛ lɛ laa mɔ ko ko zokɛ ko die pie, yekɛ ko wɔ̃ seĩ lɛ ko maa si wana ka?

Ko 2 Zɔ̃ɔ̃ 10 gee, ɛ̃ɛ̃ kɛ ko wɛĩlɔɔ ni o kea yiɓo:

• Zi kpɛɛ lɛ laa mɔ ko mia lɛ o gelegɔ̃ wanawɔ̃ɔ kaa gɛ̃ a ka?

• Ye bɛ̃ɛ̃ lɛ mia lɛ o gelegɔ̃ wanawɔ̃ɔ kaa ko ye ni ko wɔ̃ nɔɔfe wa e kiebaa, zi kpɛɛ lɛ ko bɛi ko kɔyaa ka wa pɛzɔ̃ɔ̃kɔ nia wi?

• Zi kpɛɛ lɛ Zihova e lo ko gɛ̃a ye kɔaa ko too dɔ nɛwɔ̃ lɛ o gee e gbɛ̃a la nukiebaa mɔɔ ka?

4. To zodɔamɔzɛ ye i leege do aa kɛwɔ̃ yɔɔ kɛɛ ka

Ye kɔaa ma kelɛ mido lɛ nukielaa yi lɛ aa kɛwɔ̃ yɔɔ kpokpo kɛɛ, mɛɛ wɔ̃ lɛ laa mɔ ko kɛ? Lɔɔ lɛ Wala a nɔ mɔ Eezɛlɛmia lɛɛ gɛ̃. Ko Livelekɔ 5:1 gee.

Lɛ zi Wala a gee a ka a lonipiaa yia, ye kɔaa yidɔ kelɛ mido aa kɛwɔ̃ yɔɔ kpokpo kɛɛ, laa mɔ ko kɛ mia diedievɔɔ o yidɔ. Kɛ i tĩã a kɛɛ kilia, lɛɛ lo kɛɛ sɛ ɓa gee a mɔɔ mi lɛɛ e lo mia diedievɔɔ pie e wɔ̃ lɛ a kɛɛ gee. Ye laá kɛ kilia, lɔkɛamɔ lɛ e ko kɛlɛ Zihova wɛĩa, lɛɛ loa kɛɛ ko lo mia diedie vɔɔ pie, to ko wɔ̃ lɛ ko yidɔɔ gee o lɛɛ. Zi kpɛɛ lɛ a kɛ kili a zɔ̃ɔ̃a kelɛ koo lɔkɛ . . .

• Zihova Wala ka?

• mi lɛ e kɛwɔ̃ yɔɔ kɛɛ ka?

• mia ye o nukielaa yia ka?

 5. Yekɛ i da Babɛlɔu Sɛlɛ Gbuoa ba

 WƆ̃Ɔ WŨ

Kɛ ko to zodɔamɔzɛ Zihova lɛɛ, laa mɔ ko ko yiɓo mia lɛ oó a we kɛɛ mɔ. Laa mɔ zeĩ ko go gbiniwalalɛɛ kɔ nɛzɛɛ ba fefe le.

Zovuo Wɔ̃

• Mɛ e kɛ lɛ ye waa mɔ ko mia lɛ o gelegɔ̃ wanawɔ̃ɔ kaa wa pɛbĩĩ nia gɛ̃, ko wa kii nia gee, ɛ̃ɛ̃ ko ko too dɔ gikã ni o zɔ̃ɔ̃ mɔ?

• Zi kpɛɛ lɛ laa mɔ ko mia lɛ oó naa gbaa o kɛ Zihova la Kelavɔ kaa gɛ̃ a ka?

• Ye kɔaa go gbiniwalalɛɛ kɔ nɛzɛ baa, zi kpɛɛ lɛ a zɔ̃ɔ̃a kelɛ ko Zihova we kɛpia?