Akristo ba sakaka aazimi kwamba ngabiluhusu kamwe sindu au mundu jwokapi juhalabana uhusianu gwabu pamu na Yehova. Tubi na hakika gwe kabe guhisi ahela hela. Yehova juthamini ukamulani gwaku. (Soma 1 Mambo ya Nyakati 28:9.) Ibi hali bo yeiwesa kufanya kubya vigumu kwaku kuendale kuba gunkamulani kuka Yehova, na kibi ki sekiwesa kugujangatila?

1. Bangi awesa bo kufanya kubya vigumu kwitu kuendale kuba twakamulani kuka Yehova?

Bandu fulani batushawishia tukotuka kuntumiki Yehova. Bo, abi bandu baawesa kuhenga lijambu libaya hela? Baazi ja bandu baakotwiki kuntumiki Yehova, aeneza isoli kuhusu litengenezu lika Mungu Ili kuhalabana imani jitu. Bandu haba bakema aasi-imani. Kabe, baazi jaki viongozi ba dini aeneza isoli kutuhusu ili kwafanya bandu bangakuba aangalifu akotuka kuntumiki Yehova. Jibi atali kubishana na bandu babutupenga, kusoma itabu ni mijadala jabu mumitandau, kutembale tovuti yabu, au kulingali ideu yabu. Yesu jwapwaga ana kuhusu balenga kwatunu mwoju bangi akotuka kuba akamulani kuka Yehova: “Mwalekaje. Bombi abi akiviongozi vipofu. Basi, kipofu ana anndongwi kipofu, boti abeli biabukya mulibomba.”​—Mathayo 15:14.

Gwihenga ki ana mundu jogummanyi juamwi kwamba ngasejupai kabe kuba Shahidi juka Yehova? Tuwesa kutunuka mwoju mundu jotumpai pajuhenga hela. Pangi twilazimika kuhagu kuba twakamulani kuka mundu hoju au kuka Yehova. Tupaswa kuazimi kuendale kuba twakamulani kuka Mungu badala jika mundu au sindu sokapi. (Mathayo 10:37) Basi tupwata amli jika Yehova kwamba tupaswa kukotoka kushilikiana na mundu kama hoju.​—Soma 1 Wakorintho 5:​11.

2. Gabi maamuzi bo gagawesa kulangi kwamba twe tubi twakamulani kuka Yehova?

Upalani gwitu kuka Yehova gwatuchochia kujepa kushilikiana kwiindela jokapi na dini yi isoli. Ngasetupaswa kuhenga kasi au kushilikiana nilishilika lokapi likidini wala kulihusisha na shuguli yokapi yeihusiana na dini yiisoli. Yehova jutuonya ana: “Mpita [katika Babiloni Nkolongu], mwabandu bango.”​—Ufunuo 18:​2, 4.

 HEMBA NGANI

3. Jukua taazali zidi jaka mwalimu biisoli

Tupaswa kuhenga bo patujogwa abali yanga kufaa kuhusu litengenezu lika Yehova? Soma Methali 14:​15, kisha nndongalya liswali lende:

• Kwa ndaba jaki ngasetupaswa kuba twa wepesi kuamina kila lijambu letujogwa?

Soma 2 Yohana 10, kisha nndongalya maswali ganga:

• Tupaswa kwahenge bo aasi-imane?

• Mbali nu kujepa kushilikiana na aasi-imani moja kwa moja, gabi mabu bo gangi gatupaswa kujepa ili twishawishiwa na mafundishu gabo?

• Guwasali Yehova jwihisia bo ana twipelakania mambu ganga kufaa gaagapwaga kunhusu au kuhusu litengenezu lake?

4. Gubya gunkamulani kuka Mungu, Mkristo nnzaku pajuhenga zambi

Pagumanya kwamba mundu fulani mulikutaniku juhengiki zambi nzitu, gupaswa gujuku atua bole? Holalya kanuni jejibi katika shelia ambaju Mungu jwapekia Aisraeli ba zamani. Soma Mambo ya Walawi 5:1.

Kulengana nu mstali hogu, patumanya kwamba mundu fulani juhengiki zambi nzitu, tupaswa kwapwagi azee abali yetwimanyiki. Hata hela, kabla jukujuku atua heji, libi lijambu la fazili kunhimiza mundu hoju jujenda kwa azee nu kuungama zambi jaki. Anangasejuhengiki hela ukamulani gwitu kuka Yehova gwatuchochia kwapwagi azee abali yetwimanyiki. Kujuku atua heji kulangi bo upalani nkamulanu kuka . . .

• Yehova Mungo?

• mundu jojuhengiki zambe?

• bandu bangi mulikutaniko?

 5. Litenga na Babiloni Nkolongu

 MUHTASALI

Ili tuendalya kuba twakamulani kuka Yehova, tupaswa kujepa kushilikiana na bandu ambabu nga akamulani kwaki. Kabe, tupaswa kujitenga kabisa na dini yiisoli.

Gukajibwa bole?

• Kwa ndaba jaki ngasetupaswa kulingali, kusoma, au kupelakane abali ya aasi-imane?

• Tupaswa kwahenge bo ambabu ngaseapai kabe kuba Akamashahidi bika Yehova?

• Tuwesa bo kutii liagizu lu kuboka kudini yisole?