Чын христиан-влак нимоланат да нигӧланат Иегова дене лишыл кыл кучымашыштым лушкыдемдаш ынешт пу. Ӱшанен кодына, теат Иегова дене лишыл йолташ лиймым акледа. Иегова тендан ӱшанле улмыдам чот акла. (1 Летопись 28:9 лудын лекса.) Могай ситуацийыште Иеговалан ӱшанле кодаш чот йӧсӧ лийын кертеш, да тиде шотышто тыланда мо полша?

1. Кузе весе-влак тендам Иегова деч кораҥден кертыт?

Южышт Иеговалан служитлаш тыршымыдам чараш тыршат. Кӧ нине еҥ-влак улыт? Мутлан, отступник-влак. Нуно Иеговалан служитлымым чарненыт да мемнан ӱшанымашнам пудырташлан Юмын организацийже нерген шоям шаркалат. Тыгак южо религиозный вуйлатыше-влак мемнан нерген шоям ойлат да кажне мутлан ӱшаныше еҥ-влакым ондалаш тыршат. Тыгай еҥ-влак дене ӱчашаш, книгаштым лудаш, сайтышкышт пураш але видеороликыштым ончаш чот лӱдыкшӧ. Иеговалан ӱшанлын служитлаш мешайыше еҥ-влак нерген Иисус каласен: «[Нуным] шотыш ида нал, нуно сокыр-влакын сокыр вӱден коштыктышышт улыт. А сокыр сокырым вӱда гын, коктынат вынемыш пурен каят» (Матфейын 15:14).

Палыме Танык-влак гыч иктажше Иеговалан служитлымым чарнен кертеш. Тиде айдеме мыланна лишыл гын, ме чот шӱлыкаҥына. Тудо мыланна эсогыл каласенат кертеш: «Але мый, але Иегова! Ойырен нал!» Мыланна шарнаш кӱлеш: эн тӱҥжӧ — Иеговалан ӱшанле кодаш (Матфейын 10:37). Сандене ме Иеговам колыштына да тыгай еҥ-влак дене она мутлане. (1 Коринфян-влаклан 5:11 лудын лекса.)

2. Могай решений-влак Иеговалан ӱшанле улмынам ончыктен кертыт?

Иеговам йӧратымаш шоя религий дене кеч-могай кылым кучымо деч кораҥаш тарата. Мемнан тыгай организацийыште лиймына ок шу да тыгай пашам ыштымына ок шу, кудышт шоя религий дене кылдалтыт. Иегова мыланна ойла: «Мыйын калыкем... [Кугу Вавилон] гыч лек» (Почмаш 18:2, 4).

 КЕЛГЫНРАК ШЫМЛЕН НАЛЗА

3. Юмо нерген шоялан туныктышо-влак деч кораҥза

Иегован организацийже нерген удам колына гын, мом ыштыман? Притчи 14:15 лудын лекса да вашмутым пуыза:

• Молан кажне мутлан ӱшанаш огеш кӱл?

2 Иоаннын 10 лудын лекса да вашмутым пуыза:

• Отступник-влак дене шкенам кузе кучыман?

• Ме нунын дене она мутлане гынат, нунын шучко шонымашыштым кушто вашлийын кертына?

• Иегова да тудын организацийже нерген шоям шаркалыше-влакын информацийыштым ончаш але лудаш тӱҥалына гын, Иегован могай шижмашыже лектеш?

4. Кунам погынымаште иктаж-кӧ языкым ышта, Юмылан ӱшанле кодса

Погынымаште иктаж-кӧ кугу языкым ыштен манын пален налынна гын, мом ме ыштышаш улына? Акрет годсо Израильлан пуымо Юмын законжо гыч принципым ончен лектына. Левит 5:1 лудын лекса.

Тиде почеламут дене келшышын, иктаж-кӧ кугу языкым ыштен манын пален налынна гын, тидын нерген кугурак иза-влаклан каласкален пуаш кӱлеш. Но тидын деч ончыч языкым ыштыше дене мутланыман да тудым кугурак иза-влак деке каяш таратыман. Тудо тидым огеш ыште гын, Иеговалан ӱшанле улмына мемнам кугурак иза-влаклан чылажымат ойлен пуаш тарата. Тыге ыштен, кузе ме ӱшанле улмынам да йӧратымашнам ончыктен кертына...

• Иегова Юмо дек?

• языкым ыштыше дек?

• погынымаште вес иза-ака-влак дек?

 5. Кугу Вавилон дене нимогай кылым ида кучо

 ТӰҤ ШОНЫМАШ

Иеговалан ӱшанле кодаш манын, ме Иеговалан служитлымым чарныше-влак дене кылым кучышаш огынал. Тыгак шоя религий дене кылым тӱрыснек кӱрлаш кӱлеш.

Ушештарымаш

• Молан ме отступник-влакын информацийыштым она ончо, она луд да она колышт?

• Кузе ончыман тыгай еҥ-влакым, кӧ ондак Иегован Таныкше лийын, а ындыжым Танык лиймыже ок шу?

• Шоя религий гыч лекмым могай пашана ончыкта?