ISAMBILILO 58
Twalilila Ukuwa Uwacisinka kwe Yehova
Awina Klistu wa cisinka wasilonda umuntu uwili wensinye nanti cili consinye ukuwalesya ukupepa Yehova. Tusakuvwilika ukuti wonye avino nawenye ukayivwa. E Yehova akasalifya nkaninye pe vino ukatwalilila uwa cisinka kwe weliwe. (Wazya 1 Imilandu 28:9.) Avyani vimwi vino vingalenga cikuwomele ukutwalilila ukuwa ni cisinka kwe Yehova? Swinya avyani vino vingakwavwa?
1. Uzye wanji wangelezya wuli wucisinka witu kwe Yehova?
Awantu wamwi wakalonda tuleke ukuwombela Yehova. Uzye awaweni wano wangacita icamusango wo-o? Awawo wano waleka ukuwombela Yehova. Pe yo-o impindi wasyala wakawipa vye uwufi pi wungwe lya kwe Yehova pakuti watonsye isuwilo litu. Wa-a awantu wakakwitwa ukuti awasangu. Asa coco conga, intunguluzi zya mapepo zimwi zikalanda ivyawufi pe sweswe pakuti wano watamanyile cimwi waleke ukuwombela Yehova. Mukafuma iviwipe nkaninye mukulanzyanya na wa-a awantu, ukuwazya amabuku yawo, ukuya pa mawebusayiti yawo nanti ukutamba vye amavidyo yawo. E Yesu wavwanzile pa wantu wa musango wo-o wano wakalonda ukulesya wanji ukuwombela Yehova ukuti: “Walekani. Awakakolelela ntonko. Chino nga intonko yakolelela intoko mbuye, wonsinye wowili wangaponela mu chizinji.”—Mateyu 15:14.
Cingatuluma nkaninye nga cakuti wumwi wino twamanya nukumanya wasolapo ukuti waleka ukuwa Inte ya kwe Yehova. Umuntu wa musango wo-o pamwi angavwamba ukuti naswenye tuleke ukuwombela Yehova. Pakuti nga twaleka ukuwombela Yehova tutaleka ukwivwana nawe. Lelo tuzipizile ukusolapo ukutwalilila ukuwa awacisinka kwe Yehova ukucila ku cili consinye. (Mateyu 10:37) Awuli umulandu wuno tukakwivwila isundo lya kwe Yehova ilya kukanazanwa na wantu wa musango wo-o.—Wazya 1 Wakorinte 5:11.
2. Uzye vino tukasolapo ukucita vingalanjizya wuli nga tuli ni cisinka kwe Yehova nanti awe?
Ukukunda Yehova kulitwavwa ukufuntuka kwe vyonsinye vino vyakuma ku mipepele ya wufi. Tuzipizile ukusinincizya ukuti incito yino tukuwomba, akawungwe kano tulimo nanti icili consinye cino tukucita vitalemenkine ni mipepele ya wufi. E Yehova akatusoka ukuti “Fumani kwe weliwe [Babiloni mukulu].”—Ukuwumbulika 18:2, 4.
SAMBILILA IVICILE PA-A
Lola vino ungacita pakuti uwili wensinye atize akulesye ukutwalilila ukuwa ni cisinka kwe Yehova. Swinya lola na vino ungalanjizya ukuti wawa ni cisinka ukupitila mukufuma mwe Babiloni mukulu.
3. Uwacenjela nawa kasambilizya wa wufi
Uzye tuzipizile ukucita wuli nga twivwa wamwi wakulanda iviwipe pi wungwe lya kwe Yehova? Wazyani Imilumbe 14:15, nu kulanzyanya lyo-o iwuzyo:
-
Amulandu ci wuno tutazipizile ukusuwilila consinye cino twivwa?
Wazyani 2 Yohani 10, nu kulanzyanya ya-a amawuzyo:
-
Tuzipizile twalola wuli awasangu?
-
Nanti acakuti pamwi tutange tusunkane na wasangu pakuti tutalike ukulanda nawo, anzila ci zimwi zino tungalanzyanizizyamo nawo?
-
Ukwelenganya ukuti e Yehova angivwa wuli nga cakuti twatalika ukuteyelezya ku viwipe vino awasangu wakalanda pe weliwe na pi wungwe lyakwe?
4. Uwatwalilila uwacisinka kwe Leza nga wumwi wacita uluwembu
Acani cino tuzipizile ukucita nga twivwa ukuti wumwi acisile uluwembu ulukulu? Lola icisinka ci Sundo lino Leza wapile awina Israeli. Wazyani Levitikasi 5:1.
Ukulingana na lyo-o iwaliko, nga twamanya ukuti wumwi acisile uluwembu, tuzipizile ukunena waeluda vyonsinye vino tumanyile. Lelo pano tutani tucite wo-o, cingazipa ukumuwomelezya ukuti weliwenye ayitalicile ukuya mukuwanena. Nga cakuti wakana ukuwanena, tuzipizile ukuya mukuwanena pakuti tulanjizye ukuti swe wacisinka kwe Yehova. Uzye ukucita wo-o kungalanjizya wuli ukuti twawa ni cisinka . . .
-
kwe Yehova?
-
kwe wino awembusile?
-
kuwa mwi wungwe?
Nga cakuti umwina Klistu muwuyo ali ni ntazi, mwavwe!
5. Funtukani kwe Babiloni mukulu
Wazyani Luka 4:8 nu Ukuwumbulika 18:4, 5, apano mulanzyanye ya-a amawuzyo:
-
Uzye naya nafutisya izina lyane mu mipepele ya wufi nanti wacili wankampenda ukuti ne membala wawo?
-
Uzye nawa mu kawungwe kano kalemenkana ni mipepele yimwi?
-
Uzye incito yino nkawomba ikatunjilila ukupepa kwa wufi mu nzila iyili yonsinye?
-
Uzye kuli vimwi mu wumi wane vino nzipizile ukucita pakuti mfumilileko ku mipepele ya wufi?
-
Nga cakuti nazumilizyako kwiwuzyo limwi pe ya-a, avyani vino nzipizile ukucita pakuti mpiluke mwe vimwi?
Mwe vyonsinye vyo-o, upingulepo icete pa kuti usyale ne kampingu umusanguluke na pakuti ulanjizye ukuti we wa cisinka kwe Yehova.
Tuti wakunena ukusangulako ku kawungwe ka mipepele kano kakakwavwilizya awantu, ungacita wuli?
WAMWI WAKATI: “Nzipizile ukumanya vino awasangu wakalanda pa Nte zya kwe Yehova pa kuti ncinjilile icine.”
-
Uzye aca mano ukucita wo-o? Amulandu ci wuno wasucila wowo?
IVISINKA VIKULU
Pakutwalilila ni cisinka kwe Yehova, tutazipizile twazanwa na wano wano watawa ni cisinka kwe weliwe. Swinya tuzipizile ukufuntuka nkaninye ku mipepele ya wufi.
Avyani Vino Wasambilila?
-
Amulandu ci wuno tutazipizile ukutamba amavidyo, ukuteyelezya nanti ukuwazya ivya wasangu?
-
Uzye tuzipizile twacita wuli na wano wasolapo ukuleka ukuwa Inte zya kwe Yehova?
-
Tungivwila wuli uwusoce uwa kuti tufume mu mipepele ya wufi?
MANYILAPO NA VINJI
Sambilila vino ungacita nga cakuti wamwi wakulanda ivya wufi pa Nte zya kweYehova.
“Uzye Mumanyile Ivisinka?” (Ulupungu lwa kwa Kalinda, August 2018)
Ungacita wuli pa kumanya nga cakuti akawungwe nanti imilimo yimwi yikatunjilila imipepele ya wufi?
Avyani vino awasangu wamwi wacita pakuti watonsye isuwilo litu
Wazya pe simapepo wa wa Shinto wino walesile ukuyisanzya mu mupepele ya wufi mwi lyasi lyakuti “Ukufumilila ku Wutici Wane Nalondesyanga Ukumanya Leza.”
“Baibolo ikapilula Awantu” (Ulupungu lwa kwa Kalinda, July 1, 2011)
Mungakunda na vyoo
AMAWUZYO YANO AWANTU WAKAWUZYAPO SANA
Uzye Isambililo lye Baibolo Ilya Nte zya kwe Yehova Lyawa Wuli?
Mwe lyoo isambililo lino Inte zya kwe Yehova wakasambilila na wantu uwiilanye, mungawomvya e Baibolo iyili yonsinye ino mukulonda. Mungitako na wali wonsinye wano mukulonda.
