Ama Xristeǁîn ge tātsē mā-am tama hâ. În ǁîn di ǀhōsagusis hînan Jehovab ǀkha ūhâse ǁgaiǁgai. Sadu tsîn ge di ra tsâ. Jehovab ge sadu ǂgomǂgomsasiba ra ǃgôaǃgâ. (Khomai re 1 Kroniks 28:9 sa.) Taena xūn hîna sadu ǂgomǂgomsasiba Jehovab ǃoa-ai a ǃâitsâ ǁkhāna? Tsî tae-e a hui du ǁkhā?

1. Matin khoena sadu ǂgomǂgomsasib Jehovab ǃoa-ai du ūhâba a ǃâitsâ ǁkhā?

ǀNî khoen ge ǂgao tide, î du Jehovaba ǃoaba. Ham-e ǁnāti ǁgai xū-e a dī ǁkhā? ǀNîn hîna ge Jehovaba ǃoaba ǀûn ge ǂhumiba. Jehovab ǀapeǂhumis xa ra ǃhoa. Tsî ǁîn ge sadu ǂgomsa ra ǂkhabu kai ǂgao. ǁÎn ge ǁnāǁgôa hâ Xristeǁîn [Jehovaba ge ǃoaba ǀû] di ra ǂgâihe. Tsî ǀnî ama tama ǂgomdi ǂgaeǂgui-aogu. Tsîn ge ama tama xūna sida xa ra ǃhoa. Tsî ǁnān hîna nē ǁkhōǁkhōsasiba mû tama hân. Ge amaba a ǁnāxu ǁkhā. ǃGâi i ge tide nēti i ǁnāǁgôa hâ Xristeǁîn. ǀKha ǃhoa tamas ka io ǂkhabasa. Tsî ǃgâis tsîna i ge ī tide ǁîn di ǂkhanina khomai. ǁÎn di internets di ǂhawegu ai ǂoa. Tsî ǁîn di vidion tsîna kōsa. ǁNān hîna khoena ra ǂgaeǂhapun in tā Jehovaba ǃoaban. Xab ge Jesuba sao ra-e ge mî: “ǀÛǀkhā gu re, ǂgī hâ ǂgaeǂgui-aogu ǂgī hân digu kom ǁîgao; tsî ǂgī hâ-i ga ǂgī hâ-e daoba a ǁgauo, on kom hoana tsaus ǃnâ nî ǁnāo.”​—Mateub 15:14.

Tae-e a īǁkhā ǂan da a ǃgâsa-i ga ǀnîsi mî o. Tita ge Jehovaba ǃoaba ǂgao tama hâ? Sadu ǂgaob ge kaise a tsûtsûhe ǁkhā. Sadu ǀgūse hâ khoe-i ga ǁnāti ī xū-e mî o. Xawe ǁnā khoe-i ge a ǁgari da ǁkhā. Î da ǁî-i tsî Jehovab ǁaegu ǁhûi. Hoan ǂam-ai da ge ǂgomǂgomsase. Jehovab ǀkhāb ai nî mâ. Tae-i ǀgui i ga ī xawes tsîna. (Mateub 10:​37) ǁNā ǃkhais ǃaroma da ge. Jehovab ra mî-e ra ǁnâuǀnam ǂgao. Tsî ǁnāti ī khoen ǀkha hâǀhao tide.​—Khomai re 1 Korinteǁîn 5:​11 sa.

2. Sida ra dī mîǁguiga mati a ǁgau ǁkhā, ǂgomǂgomsa da a ǃkhaisa Jehovab ǃoa-ai?

Jehovaba da a ǀnam ǃkhais ǃaroma da ge. Ama tama ǂgoms ǀkha dī xū-e ūhâ tide. Sida di sîsenni tsî dī da ra xūn hoan ge tā. Ama tama ǂgoms ǀkha dī xū-e nî ūhâ. Jehovab ge ra mîba du: “ǁÎsa xu ǂoa [Babilons kaisa] ti ǁaese.”​—ǂHaiǂhais 18:​2, 4.

 ǃGAMSE ÔAǃN RE

3. ǂHumi ǁkhāǁkhā- aogu xa ǂanbasen re

Tae-e du a dī ǁkhā, ama tama xūna du ga Jehovab ǀapeǂhumis xa ǁnâu o? Khomai re ǂKhoamîdi 14:​15 sa. Tsî sao ra dîsa ǃhoaǃgao re:

• Tae-i ǃaroma du ǁnâu du ra xūn hoana ǂgom tide?

Khomai re 2 Johaneb 10 sa. Tsî sao ra dide ǃhoaǃgao re:

• ǁNāǁgôa hâ Xristeǁîna du mati nî hâ-ū?

• ǁNāǁgôa hâ Xristeǁîn ǀkha du ga hâǀhao tama i xawe. Mati du ǁîn ra dī xūn xa a tsâǀkhāhe ǁkhā?

• Jehovaba mati nî tsâ, ǁîb tsî ǁîb ǀapeǂhumis xa ra ǃhoahe ama tama xūna du ga ǃgâ o?

4. Elob ǃoa-ai ǂgomǂgomsase hâ re, ǃgâsa-i ga ǁore xawe

ǂAn du ga o, ǃgâsa-i hîna ǀhaohâb ǃnâ hâ i ga ǁore o. Tae-eb Jehovaba sado xu ǂgaoǀkhā hâ? Elob ge Israelǁaesa mā hâ i ǂhanuba khomai re Levitikus 5:1 ǃnâ.

ǁNā ǁaraǃās ǃnâ i ra ǂoaxa-ūhe khami du ga ǂan o. ǃGâsa-i go ǁore ǃkhaisa. O du ge ǀhaohâb ǃûi-aoga sī nî mîba. Xawe ǁnāsa du nî dīs aiǃâ du ge aibe ǁnā ǃgâsa-e nî mîba. Î-i ǀhaohâb ǃûi-aoga sī mû. Tsî ǁî-i go tae-e dīsa mîba gu. Tsî ǁî-i ga ǁnāsa dī tama io. Ob ge sida di ǂgomǂgomsasib hîna da. Jehovab ǃoa-ai ūhâba nî hui da. Î da ǀhaohâb ǃûi-aoga sī mîba tae-e, i go ǁnā ǃgâsa-e dīsa. ǁNāti ī ǂgomǂgomsa ǀnamma mati ra ǁgauhe . . .

• Jehova Elob ǃoagu?

• ǁore go ǃgâsa-i ǃoagu?

• tsî ǀhaohâb ǃnâ hâ ǃgâsan ǃoagu?

 5. Babilons kaisa xu hâbē re

 ǃKHŌǀHAOS

Jehovab ǃoagu du ga ǂgomǂgomsase hâ ǂgao o. O du ge ǁnān hîna Jehovab ǃoa-ai ǂgomǂgomsa taman ǀkha. Tā nî hâǀhao. Tsî ama tama ǂgomdi ǀkha du ge, tā dī xū-e nî ūhâ.

ǁKhāǁkhāsen du go xūna ǂâiǃgâs

• Tae-i ǃaroma du ǁnāǁgôa hâ Xristeǁîn di vidioga kō. Tsî ǁîn di ǂkhanina khomai tsî ǁîn di audiona ǃgâ tide?

• Jehova Eloba ǃoaba ǂgao tama khoena du mati nî hâ-ū?

• Mati du ama tama ǂgomsa xu ǂoas di mîmāsa a ǁnâuǀnam ǁkhā?