Katli nelnelia tielij Cristo itokilijkauaj, timosentlalijtokej amo tijkauasej yon se tlamantli o se akajya ma kichiua ayokmo kuali ma timouikakaj iuaya toTeotsij. Uelis ta nojkia kiampa tijyolmati, uan Jehová tlauel kipatiita pampa kiampa tijneki tijchiuas (xijpoua 1 Crónicas 28:9). ¿Tlake tlamantli ueliskia kichiuas ma tijtlauelkauakaj Jehová? ¿Uan tlake mitspaleuis amo tijtlauelkauas Jehová?

1. ¿Kema monekis tijnextisej amo tijtlauelkauaj Jehová?

Sekij maseualmej kinekisej ayokmo ma tijtekipanokaj Jehová. ¿Ajkia inijuantij kiampa kinekisej kichiuasej? Se keskij katli ayokmo elij Jehová itlajtoltemakauaj, yeka kiijtojtinemij tlen amo melauak tlen Jehová itlanechikol. Katli kiampa kichiuaj kiniljuiaj apóstatas. Nojkia, katli tlayakanaj ipan religiones tlen amo melauak kiijtouaj miak tlamantli tlen amo kuali tlen Jehová itlajtoltemakauaj pampa kinekij sekinok ayokmo ma kitekipanokaj Jehová. Tlauel amo kuali tlaj timokamanaljuisej ininuaya, tlaj tijpouasej amochtli tlen kichijchijtokej o tlen kiijkuilojtokej ipan internet uan tlaj tikitasej videos tlen kitlaliaj. Jesús kamanaltitoya tlen ni maseualmej kema kiijtok: “Xikinkauakaj [...]. Itstokej keja popoyotsitsij [...]. Uan intla se popoyotsi kiyakana seyok popoyotsi, nochi omej uetsisej tlakoyoijtik” (Mateo 15:14).

¿Tlake tijchiuaskiaj tlaj se akajya katli tikikneliaj ayokmo kinekis elis se tlen Jehová itlajtoltemakauaj? Uelis tlauel timoyolkokoskiaj tlaj kiampa kichiuaskia. Tlen tijchiuasej kinextis tlaj tlauel tikikneliaj Jehová o nopa maseuali. Maske ouij tijmatisej, moneki timosentlalijtosej amo kema tijtlauelkauasej Jehová (Mateo 10:37). Yeka, tijneltokaj tlen Jehová technauatia uan amo timouikaj ininuaya nopa maseualmej (xijpoua 1 Corintios 5:11).

2. ¿Ipan tlake sekinok tlamantli moneki tijnextisej amo tijtlauelkauaj Jehová?

Tlauel tikikneliaj Jehová, yeka amo tijnekij timokalakisej ipan yon se tlamantli tlen kichiuaj religiones tlen amo melauak. Yeka, kampa titekitij o kanajya kampa timoijkuilojtokej moneki amo kipaleuis religión tlen amo melauak. Jehová kiniljuia itekipanojkauaj: “Xikisakaj ipan ya”, o tlen nopa Ueyi Babilonia (Apocalipsis 18:2, 4).

 KUALI XIMOMACHTI

3. Amo xijkaua ma mitskajkayauakaj apóstatas

¿Tlake moneki tijchiuasej tlaj tijkakisej sekinok kiijtouaj tlen amo kuali tlen Jehová itlajtoltemakauaj? Xijpouakaj Proverbios 14:15 uan xijnankilikaj ni tlajtlanili:

• ¿Kenke moneki amo tijneltokasej nochi tlen sekinok kiijtouaj?

Xijpouakaj 2 Juan 10 uan xijnankilikaj ni tlajtlanili:

• ¿Tlake moneki tijchiuasej ika apóstatas?

• Maske uelis amo timokamanaljuiaj ininuaya apóstatas, ¿kenijkatsa ueliskia kejuak tikintlakakilisej?

• ¿Kenijkatsa timoiljuia kiyolmatis Jehová tlaj tikintlakakilis katli kiijtouaj tlamantli tlen amo kuali tlen ya uan itlanechikol?

4. Xijnexti amo tijtlauelkaua Jehová kema se toikni tlajtlakolchiua

Tlaj tikitaj se akajya tlajtlakolchijtok, ¿tlake moneki tijchiuasej? Ma tikitakaj kenijkatsa uelis techpaleuis tlen Jehová kiniljuik israeleuanij. Xijpouakaj Levítico 5:1.

Kej tikitakej ipan ni texto, tlaj tijmatij se akajya tlajtlakolchijtok, moneki tikiniljuisej ueuejtlakamej tlen tikitstokej. Maske ueuejtlakamej moneki kimatisej tlen panotok, achtoui moneki tikiljuisej katli tlajtlakolchijtok ma kamanalti ininuaya uan ma kiniljui tlen kichijki. Tlaj ya amo kineki kiniljuis, uajka tojuantij moneki tikiniljuisej ueuejtlakamej, kiampa tijnextisej amo tijtlauelkauaj Jehová. ¿Kenke kema kiampa tijchiuaj tijnextiaj tikikneliaj uan amo tijtlauelkauaj...

• ... tikikneliaj uan amo tijtlauelkauaj Jehová?

• ... tikikneliaj uan amo tijtlauelkauaj katli tlajtlakolchijki?

• ... tikinikneliaj uan amo tikintlauelkauaj toikniuaj?

 5. Xikisa tlen Ueyi Babilonia

 TLEN TIMOMACHTIJKEJ

Tlaj amo tijnekij tijtlauelkauasej Jehová, moneki amo timouikasej ininuaya katli ayokmo kinekij kitekipanosej. Uan ayokmo tijpaleuisej religión tlen amo melauak ika yon se tlamantli.

¿Tlake tijyekok?

• ¿Kenke amo kinamiki tikitas, tijpouas o tijtlakakilis tlen apóstatas kiijtouaj?

• ¿Kenijkatsa moneki tikinitas katli ayokmo kinekij elisej Jehová itlajtoltemakauaj?

• ¿Tlake moneki tijchiuas uan kiampa ayokmo tijpaleuis religión tlen amo melauak ika yon se tlamantli?