TAMACHTILIS 58
Amo keman xikonkaua Jiova
Akin yekmelauj tikchiuaj kemej Cristo tikixtalijtokej maj nion akin uan nion teyi techtsakuili tikueyichiuaskej Jiova. Tikyekmatij ke tejuatsin no ijkon tionmomachilia, uan Jiova semi kipatiuita amo xikonkaua (xikonita 1 Crónicas 28:9). ¿Toni ueliskia kichiuas xikonkaua Jiova? ¿Uan toni uelis mitsonpaleuis?
1. ¿Keniuj oksekin ueliskia kichiuaskej maj tikauakan Jiova?
Miakej kitemoskej maj amo tiktekitilikanok Jiova. ¿Akoni uelis kichiuas nejon? Kemej sekin akin amo kitekitiliajok Jiova uan kitakajkayauiliaj inechikol porin kinekij maj amo titakuaujtamatikanok. Yejuan kikaujkej tamachtilis tein melauj uan kiixnamikij. Uan no, sekin akin taixyekanaj itech taneltokalis techtakajkayauiliaj para maj amo kitekitilikanok Jiova akin niman kineltokaj tein kikakij. Semi tamouilil maj timotajtolteuikan, tiklerokan ininamaixuan, tein kijkuilouaj itech Internet oso tikitaj ininvideos akin kintauelitaj itekitikauan Dios. Keman Jesús ininka tajtoj akin kinekij maj tikauakan Jiova, kijtoj: “Xikinkauakan [...,] porin yejuan ixpojpoyome. [...] Uan komo se ixpojpoyot kineki kiyekanas okse ixpojpoyot, ijkuakon in omen sen uetsitiue tech in” taltekoch (Mateo 15:14).
¿Uan komo semej akin tikixmatij kiixtalia amo yeskiok itaixpantijkauj Jiova? Keman aksa akin kuali iuan timouikaj ijkon kichiua uelis semi techyolkokos. Kinekis techchikaujkauis maj tikixpejpenakan: Jiova oso yejua. Sayoj ke tejuan moneki senkis tikixtaliskej amo tikauaskej Dios (Mateo 10:37). Yejua ika, tiktakamatij tein Jiova tanauatia keman techiluia maj amo timouikakan iniuan (xikonita 1 Corintios 5:11).
2. ¿Keniuj tein tikixpejpenaskej kinextis ke amo tikauaj Jiova?
Kemej tiktasojtaj Jiova tiknekij senkis tikauaskej taneltokalismej tein takajkayauaj. Yejua ika, amo tikchiuaj nion se tekit uan amo timokalakiaj itech nion teyi tein uelis pouis ika taneltokalismej tein takajkayauaj. Jiova kinnejmachtia itekitikauan: “Xikisakan de ne [Ueyi] Babilonia” (Apocalipsis 18:2, 4).
MAJ OKACHI TIMOMACHTIKAN
Xikonita keniuj amo akin kichiuas xikonkaua Jiova. No xikonita keyej komo tikisaj itech Ueyi Babilonia kinextia ke amo tikauaj Jiova.
3. Maj amo techkajkayauakan akin amo tamachtiaj tein Biblia kijtoua
¿Toni moneki tikchiuaskej komo tikakij ke kitakajkayauiliaj inechikol Jiova? Xikitakan Proverbios 14:15 uan ika xitajtokan nejin:
-
¿Keyej moneki kuali titaixejekoskej uan amo tikneltokaskej nochi tein tikakij?
Xikitakan 2 Juan 10 uan ika xitajtokan nejin:
-
¿Keniuj moneki tikinitaskej akin kikaujkej tamachtilis tein melauj uan axkan kiixnamikij?
-
Maski xa amo titajtoskej iniuan, ¿kani ueliskia tikitaskej tein tamachtiaj?
-
¿Keniuj tikonnemilia ke momachilis Jiova komo tikakij tein kijtouiliaj yejuatsin uan inechikol?
4. Amo xikonkaua Dios keman se tokniuj kichiua se ueyi tajtakol
Komo tikmatij ke se tokniuj kichiuak se ueyi tajtakol, ¿toni moneki tikchiuaskej? Xionmomachti se tamachtilis tein kipia Biblia itech tanauatil tein Dios kimakak ne uejkauj xolal Israel. Xikitakan Levítico 5:1.
Nejin versículo kijtoua ke komo tikmatij ke aksa kichiuak se ueyi tajtakol, moneki tikiniluiskej tayekananij tein tikmatij. Sayoj ke achto ke tikchiuaskej nejon, okachi kuali maj tikiluikan akin tajtakoj maj yejua kinilui tayekananij. Komo amo kichiua, kemej amo tikauaj Jiova, tejuan tikiniluiskej tayekananij. ¿Keyej komo ijkon tikchiuaj tiknextiaj ke tiktasojtaj uan amo tikauaj...
-
... Jiova?
-
... akin tajtakoj?
-
... uan nochi nechikol?
Komo se tokniuj mokuejmolkalakia, ¡xikonpaleui!
5. Nion tepitsin xionmokalaki itech Ueyi Babilonia
Xikitakan Lucas 4:8 uan Apocalipsis 18:4, 5, uan ika xitajtokan nejin netajtanilmej:
-
¿Ixnesiok ke nipoui itech se taneltokalis tein takajkayaua?
-
¿Nimokalakia itech se taman kampa poui okse taneltokalis?
-
¿Kampa nitekiti teisa ika kipaleuia se taneltokalis tein takajkayaua?
-
¿Moneki nikauas seki taman tein nikchiua porin poui itech taneltokalis tein takajkayaua?
-
Komo niknankilia ke kemaj semej nejin netajtanilmej, ¿toni moneki nikpatas?
Itech tein yeski taman, xikonixtali tikonchiuas tein amo kikuejmolos motanemilil uan tein kinextis ke amo tikonkaua Jiova.
¿Toni tikonchiuaskia komo aksa mitsontajtaniskia xikonpaleui itech se taman tein poui itech okse taneltokalis?
TEIN SEKIN KIJTOUAJ: “Moneki nikmatis tein kijtouaj akin kikaujkej tamachtilis tein melauj para uelis niktajtouis tein tamachtia Biblia”.
-
¿Kuali maj ijkon titanemilikan? ¿Keyej?
TEIN TIKITAKEJ
Komo amo tiknekij tikauaskej Jiova, moneki amo timouikaskej iniuan akin kinekepiliaj. Uan moneki senkis tikauaskej taneltokalis tein takajkayaua.
Maj tikelnamikikan
-
¿Keyej amo moneki tikitaskej, tikleroskej oso tikakiskej tein kijtouaj akin kikaujkej tamachtilis tein melauj uan kiixnamikij?
-
¿Keniuj moneki tikinitaskej akin amo kinekijok yeskij itaixpantijkauan Jiova?
-
¿Toni moneki tikchiuaskej para senkis tikauaskej taneltokalis tein takajkayaua?
NO XIKONITA NEJIN
Xikonmati toni tikonchiuas keman oksekin kintakajkayauiliaj itaixpantijkauan Jiova.
“¿Tikmatijya nochi?” (Tanejmachtijkej, metsti agosto xiuit 2018)
¿Keniuj tikonmatis ox teisa tein tikchiuaskej poui itech Ueyi Babilonia?
¿Toni kichiuanij akin kitauelitaj Jiova para maj amo titakuaujtamatikanok?
Kampa techtapouiaj ininnemilis “Había buscado a Dios desde niño” xikonita keniuj se tiopixkat sintoísta kikauak taneltokalis tein takajkayaua.
“La Biblia les cambió la vida” (La Atalaya, 1 de julio de 2011)
Xa no tikonuelitas
NETAJTANILMEJ TEIN MOCHIUAJ
¿Keniuj itaixpantijkauan Jiova kimachtiaj aksa ika Biblia?
Keman se itaixpantijkauj Jiova mitsonmachtis, tejuatsin uelis tikonkuis tein yeski Biblia. No uelis tikonyoleuas akin nemij mokalijtik oso akin yeski.
